ល្ខោនសៀកកម្ពុជាហ្វារ នឹងបង្ហាញទេពកោសល្យ ដ៏អស្ចារ្យរបស់ខ្លួន នៅលើទឹកដីអង្គរ
អ្វីដែលមិនធ្លាប់មាន និង មិនធ្លាប់ឃើញពីមុនមក ពេលនេះបានរំលេចខ្លួននៅលើទឹកដីអច្ឆរិយ
សៀមរាប អង្គរ នៃព្រះរាជាណាចក្រកម្ពុជាយើងហើយ គឺល្ខោនសៀកកម្ពុជាហ្វារដែលមានការ
សម្តែងយ៉ាងប៉ិនប្រសព្វពីសំណាក់សិល្បករ សិល្បការនីរបស់សមាគមហ្វាពន្លឺសិល្ប: ដែល
នឹងពាំនាំនូវទេពកោសល្យរបស់ខ្លូន មកសំដែងក្នុងខេត្តទេសចរណ៍មួយនេះចាប់ពីថ្ងៃទី៨ ខែ
កុម្ភៈ ឆ្នាំ២០១៣ តទៅ។
បន្ទាប់ពីទទួលបានការគាំទ្រ និង ភាពជោគជ័យក្នុងការសម្តែងសិល្ប:ល្ខោនសៀកនៅក្នុង ខេត្ត
បាត់ដំបង ភាពល្បីរន្ទឺនេះ បានលាតត្រដាងទៅដល់ប្រទេសមួយចំនួនក្នុងទ្វីប អាស៊ីនិង អ៊ឺរ៉ុប
ជាមួយនិង ទស្សនីយ៏ភាពដ៏ល្អឯករបស់ហ្វារពន្លឺសិល្ប:ដែលជាខ្សែរឿងបង្ហាញពីជីវិត និងសង្គម
កម្ពុជានិងជាការចូលរួមបញ្ជូលនូវការសំដែងជាលក្ខណៈបែបប្រពៃណីនិងសម័យទំនើបរបស់
ល្ខោន តន្រ្តីក្បាច់រាំបចេ្ចកទេសសៀកការហក់លោតនិងពត់ពែនដងខ្លួនជាដើម។
ល្ខោនសៀកកម្ពុជាហ្វារ នឹងសម្តែង រឿង ពុទ្ធោ ដំបូងគេ ដែលជាស្នាដៃនិពន្ធរបស់ក្រុមនិសិត្ស
សៀកនៅមុនពេលពួកគេបញ្ចប់ការសិក្សា។ រឿង ពុទ្ធោ ជាកំរងសាច់រឿងដែលបានឆ្លុះបញ្ចាំង
អំពីតថភាពជីវិត របស់ប្រជាជនក្នុងសង្គមខ្មែរ រួមមានការប្រៀបធៀបសម្ពន្ធភាព ស្នេហារវាង
មនុស្សប្រុសនិងមនុស្សស្រីក្នុង ប្រទេសកម្ពុជា អមជាមួយការបង្ហាញសម្រស់ជីវិតតាមរយ: តូរ្យ
តន្ត្រី។ ស្នេហាគ្រួសារ ការព្រាត់បា្រសនិង អំពើហឹង្សាគ្រប់រូបភាព ជាពិសេស សម្ពន្ធភាពស្នេហា
រវាងភេទដូចគ្នា នឹងបង្ហាញអោយឃើញកាន់តែច្បាស់តាមរយ:រឿង ពុទ្ធោ។
សូរ្យគ្រាស ជាវណ្ណកម្មទីពីរ ដែលនឹងត្រូវបានសម្តែងបន្ទាប់ពីរឿង ពុទ្ធោ។ វាជាកំរងរឿង ដែលឆ្លុះ
បញ្ចាំងអំពី ភាពរើសអើងក្នុងសង្គម។
សមាគមហ្វារពន្លឺសិល្ប:គឺជាសមាគមសិល្ប:ដែលមិនស្វែងរកបា្រក់ចំនេញហើយបានបង្កើតក្នុងឆ្នាំ
១៩៩៤ ដោយយុវជនខ្មែរ ៨ រូបដែលត្រលប់មកពីជំរុំជនភៀសខ្លួននៅប្រទេសថៃក្នុងគោលបំណង
ពង្រឹងការអភិវឌ្ឍន៏ក្នុងសហគមន៏ដោយផ្តល់នូវចំណេះដឹងនិងការបង្ហាត់បង្រៀន បណ្តុះបណ្តាល
នូវជំនាញសិល្ប:ជាច្រើន ដូចជាសិល្ប:សូនរូបសិល្ប:តន្រ្តីបុរាណនិងសម័យការសំដែងល្ខោន ការ
សំដែងសៀកនិងមានសាលាផ្តល់ចំណេះដឹងទូទៅពីកំរិតបឋមសិក្សាដល់វិទ្យាល័យ។
ល្ខោនសៀកកម្ពុជាហ្វារ នឹងសម្តែងជូននូវទស្សនីយភាពដែលជាការច្នៃប្រឧិតរបស់ខ្មែរមានភាព
ស្ទាត់ជំនាញនិងបញ្ជាក់អំពីអត្តសញ្ញាណជាតិខ្មែរដែលមានតែមួយគត់រួមចំនែកផ្តល់បទពិសោធ
សំបូរបែប និងអារម្មណ៍ស្រលាញ់មនុស្សជាតិ។
ដើម្បីអោយដឹងថា ល្ខោនសៀកកម្ពុជាហ្វារ មានអ្វីប្លែក សូមកុំភ្លេចទៅទស្សនាការសម្តែងផ្ទាល់
ដែលមានទីតាំងនៅ ផ្លូវកូមៃខាងក្រោយសារ:មន្ទីរ ជាតិអង្គរនិងទល់មុខសណ្ឋាគារអង្គរសិនជូរី
ដែលនឹងត្រូវបើកសម្ភោធជាផ្លូវការនៅថ្ងៃទី ៨ ខែកុម្ភ: ២០១៣ នឹងចាប់សម្តែងនូវទស្សនីយភាព
ជារៀងរាល់ថ្ងៃរយ:ពេល១ម៉ោង គឺចាប់ពីម៉ោង៧:៣០ល្ងាចតទៅ។
សំរាប់ព័ត៌មានផ្សេងៗសូមទំនាក់ទំនងតាមទូរស៍ព្ទលេខ: ០១៥ ៤៩៩ ៤៨០/៨១ /៨៣។
ដោយ ៖ សីហា
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)