នគរបាល ប៉ុស្ដិ៍ចោមចៅ ដឹកកូនស្រី ចេញ ពីសាលាដួលម៉ូតូ រាលកៃកាំភ្លើងចំភ្លៅ កូន
ភ្នំពេញ ៖ មន្ដ្រីនគរបាល ប៉ុស្ដិ៍ចោមចៅ ម្នាក់ បានជួបគ្រោះថ្នាក់ចរាចរណ៍ដួលម៉ូតូ ស្រាប់តែរាលកៃកាំភ្លើង ចំភ្លៅកូនស្រីរបស់ ខ្លួន ពេលកំពុងដឹកចេញពីសាលាទៅផ្ទះនៅ ព្រឹកថ្ងៃទី៧ ខែសីហា ឆ្នាំ២០១៥នេះ ស្ថិត នៅលើផ្លូវជាតិលេខ៣ ក្បែរបន្ទាយទាហាន ង៧០ ។
អធិការនគរបាលខណ្ឌពោធិ៍សែនជ័យ លោកយឹម សារ៉ាន់ បានបញ្ជាក់ថា ក្រោយពី ចូលរួមដេញបង្ក្រាបក្រុមចោរប្លន់ បន្ទាប់ពី ធ្វើសកម្មភាពនៅខណ្ឌដង្កោនោះ មន្ដ្រីនគរ បាលរូបនេះ បានបើកម៉ូតូទៅយកកូនស្រី នៅឯសាលាឆ្ពោះទៅផ្ទះ ប៉ុន្ដែពេលកំពុងធ្វើ ដំណើរតាមដងផ្លូវក៏វ៉ាក់អឺជាមួយរថយន្ដ បណ្ដាលឱ្យដួលក៏រាលកៃកាំភ្លើងចំភ្លៅស្ដាំ របស់កូនស្រីតែម្ដង ប៉ុន្ដែមិនបណ្ដាលឱ្យប៉ះ ពាល់ដល់អាយុជីវិតនោះទេ ។
យោងតាមសេចក្ដីរាយការណ៍ពីភ្នាក់ងារ នៅខណ្ឌពោធិ៍សែនជ័យ បានឱ្យដឹងថា មន្ដ្រី នគរបាលរូបនេះ ឈ្មោះឆន អាយុជាង៤០ឆ្នាំ ទទួលការងារព្រហ្មទណ្ឌ នៅប៉ុស្ដិ៍នគរបាល ចោមចៅ ។
ក្រោយកើតហេតុ ក្មេងស្រីរងគ្រោះអាយុ ប្រមាណ១០ឆ្នាំ ត្រូវបានបញ្ជូនទៅព្យាបាល របួសនៅមន្ទីរពេទ្យក្បែរនោះភ្លាមៗផងដែរ។
យោងតាមហេតុការណ៍ខាងលើនេះ គឺ ជាបទពិសោធន៍មួយ សម្រាប់មន្ដ្រីកងកម្លាំង ប្រដាប់អាវុធទាំងអស់ ដែលដាក់កាំភ្លើង នៅនឹងចង្កេះ ពេលធ្វើដំណើរតាមម៉ូតូ ត្រូវ មានការប្រុងប្រយ័ត្ន ខ្លាចក្រែងដួល ហើយ រាលកៃកាំភ្លើងដូចរូបភាពបែបនេះ ហើយ អាចចាត់ទុកថា ជាសំណាងមួយ ដែលមិន ប៉ះពាល់ដល់ជីវិតកូនស្រី ផ្ទុយទៅវិញ បើ គ្រាប់កាំភ្លើងចំកន្លែងសំខាន់ នោះច្បាស់ជា ស្លាប់ជាក់ជាមិនខាន ធ្វើឱ្យមានវិប្បដិសារី អស់មួយជីវិត ។
ផ្ដល់សិទ្ធដោយ៖ ដើមអម្ពិល
- អូអុិឈិ តែបៃតងលេខ១ នៅកម្ពុជា រកឃើញអ្នកឈ្នះរង្វាន់ ៨នាក់ ពីកម្មវិធី (05/03/2019 17:02:00)
- គន្លឹះទាំងនេះ ជួយឱ្យអ្នកស្រកខ្លាញ់ក្បាលពោះយ៉ាងមានប្រសិទ្ធភាព (04/03/2019 16:07:00)
- ហេតុអ្វី ខ្ញុំមិនប្រសើរដូចគេ? វគ្គ១ (27/02/2019 12:05:00)
- វីធីរក្សាជីវិតគូឲ្យបានយួរអង្វែង (20/02/2019 14:36:00)
- រៀបការបានមួយខែ នី រតនា មានកាដូពិសេសជូនហ្វេនៗ (19/02/2019 09:59:00)
- តោះមកដឹងទីតាំងដែល តារាចម្រៀង សុខ ពិសី ប្រកាសអញ្ជើញលោកតា លោកយាយ ដែលខ្វះខាតមកពិសារបាយថ្ងៃមួយពេល (13/02/2019 12:04:00)
- សុខ ពិសី មិនត្រឹមតែស្អាត និងច្រៀងពិរោះប៉ុណ្ណោះទេ តែថែមទាំងចិត្តល្អទៀត! តើនាងធ្វើអំពើល្អអ្វីខ្លះទៅ (12/02/2019 13:45:00)
- មិននឹកស្មានថា ស្លឹកត្របែកក៏អាចព្យាបាលរោគស្រ្ដីប្រភេទនេះបានដែរ! (09/02/2019 09:08:00)
- វិធីទាក់ចិត្ដបុរសឱ្យលង់ស្នេហ៍នឹងអ្នក ដែលអ្នកមិនធ្លាប់ដឹង (30/01/2019 15:08:00)
- សុខ ពិសី ទប់ទឹកភ្នែកលែងជាប់ ក្រោយម្តាយ ខេមរៈ ស្រីពៅ រៀបរ៉ាប់រឿងរ៉ាវមុនពេលនាងទទួលមរណភាព (28/01/2019 11:07:00)