តារាកំប្លែងយាយ អឿន ជួបគ្រោះធំ ត្រូវគោផ្អើលរត់ជាន់លើដើមទ្រូង របួសធ្ងន់
(ភ្នំពេញ)៖ តារាកំប្លែងនិងចម្រៀងអាយ៉ៃ យាយអឿន ថ្មីៗនេះបានជួបរឿងស៊យ ហើយត្រូវបានក្រុមគ្រួសារបញ្ជូនទៅកាន់មន្ទីរពេទ្យភ្លាមៗ បន្ទាប់ពីត្រូវសត្វគោមួយក្បាល ផ្អើលរត់មកជាន់លើដើមទ្រូងរបស់គាត់ ខណៈកំពុងតែឈរ មើលរថយន្តចាក់ដី នៅខាងក្រោយផ្ទះ។
កូនប្រុសរបស់តារាកំប្លែង អ្នកស្រី សួន សំអឿន ហៅយាយ អឿន បានថ្លែងប្រាប់ឲ្យដឹងមុននេះថា រហូតមកទល់ពេលនេះ អាការៈជំងឺម្តាយរបស់លោក បានធូស្រាលបន្តិច។ ប៉ុន្តែការដង្ហើមរបស់គាត់ នៅមានសភាពថប់ៗ ទើបក្រុមគ្រួពេទ្យតម្រូវឲ្យ សម្រាកតាមដានជំងឺ។ ពេលនេះម្ដាយរបស់លោក កំពុងតែសម្រាកព្យាបាល នៅមន្ទីរពេទ្យបាយ័ន ក្បាលថ្នល់។
ប្រភពដែល បានបន្ថែមថា កាលពីព្រឹកថ្ងៃទី០១ ខែកញ្ញា ម្សិលមិញ ម្តាយរបស់លោក (យាយ អឿន )បានទៅមើលគេចាក់ដី នៅកៀនស្វាយ តែមិនដឹងមូលហេតុអ្វីទេ បានជាមានសត្វគោមួយក្បាល ផ្អើលរត់មកបុកគាត់ ទាំងកម្រោល បណ្តាលឲ្យដួលខ្ទប់ នឹងដីរួចវាក៏រត់ជាន់លើតែម្តង។ ដោយឃើញមានសភាពអារៈធ្ងន់ធ្ងរ ក្រុមគ្រួសារក៏បានសម្រេចបញ្ចូនគាត់ មកសង្គ្រោះនៅមន្ទីពេទ្យ បាយ័នតែម្តង៕
ផ្តល់សិទ្ធដោយ ៖ ខ្មែរថកឃីង
តារា ដែលមើលច្រើន
