ក្រសួងទេសចរណ៍ ប្រកាសពីម្ចាស់ជ័យលាភី៣នាក់ ដែលឈ្នះក្នុងការប្រកួតប្រជែងថតរូប Selfie ក្នុងព្រឹត្តិការណ៍
(ភ្នំពេញ)៖ នៅថ្ងៃទី២៩ ខែកញ្ញា ឆ្នាំ២០១៦នេះ ក្រសួងទេសចរណ៍បានប្រកាសអំពីម្ចាស់ជ័យលាភី ៣នាក់ ក្នុងការប្រកួតប្រជែងថតរូប Selfie ក្នុងព្រឹត្តិការណ៍ព្រះអាទិត្យរះចំកំពូលប្រសាទអង្គរវត្ត កាលពីថ្ងៃទី២៣ ខែកញ្ញា ឆ្នាំ២០១៦។
យុវជន យុវតី ទាំង៣នាក់ ដែលជាម្ចាស់ជ័យលាភីនោះ រួមមាន លេខ១: រូបភាពរបស់ លោក ហ៊ូ សុខរ័ត្ននា (ទទួលបាន Like ចំនួន 14 380), លេខ២: រូបភាពរបស់ កញ្ញា ផា ច័ន្ទវិច្ឆិកា (ទទួលបាន Like ចំនួន 14 148) និងលេខ៣: រូបភាពរបស់ កញ្ញា លុច ពេជ្រលីតា (ទទួលបាន Like ចំនួន 9715)។
ពិធីបានប្រគល់វិញ្ញាបនបត្រ និងប្រាក់រង្វាន់លើកទឹកចិត្ត ដល់យុវជនទាំង៣នេះ ត្រូវបានធ្វើឡើងនៅឱកាសពិធីអបអរសាទរទិវាទេសចរណ៍ពិភពលោក ឆ្នាំ២០១៦ នៅមជ្ឍមណ្ឌលសហប្រតិបត្តិការកម្ពុជា-កូរ៉េ ដោយក្នុងនោះ លេខ ០១ ប្រាក់រង្វាន់លើកទឹកចិត្ត ២០០ ដុល្លារអាមេរិក លេខ ០២ ទទួលបាន ប្រាក់រង្វាន់លើកទឹកចិត្ត ១៥០ ដុល្លារអាមេរិក ជ័យលាភី លេខ០៣ ទទួលបានប្រាក់រង្វាន់លើកទឹកចិត្ត ១០០ ដុល្លារអាមេរិក ។
សូមបញ្ជាក់ថា ដើម្បីចូលរួមផ្សព្វផ្សាយព្រឹត្តិការណ៍ដ៏មហស្ចារ្យនៃបាតុភូតព្រះអាទិត្យរះចំកណ្តាលកំពូលប្រាសាទអង្គរវត្ត (EQUINOX) ដែលបានលកើតឡើង កាលពីថ្ងៃទី២៣ ខែកញ្ញា ឆ្នាំ២០១៦ កន្លងទៅនៅខេត្តសៀមរាប ក្រសួងទេសចរណ៍បានរៀបចំកម្មវិធីប្រកួតប្រជែងថតរូបស៊ែលហ្វីអច្ឆរិយ:អង្គរ (Selfie Photo Contest) ដោយអនុញ្ញាតឱ្យភ្ញៀវទេសចរជាតិ និងអន្តរជាតិផ្ញើរូប Selfie របស់ខ្លួនមកចូលរួមប្រកួតប្រជែង។
បាតុភូតព្រះអាទិត្យរះចំកណ្តាលកំពូលប្រាសាទអង្គរវត្ត (EQUINOX) នៅកម្ពុជាឆ្នាំនេះ បានទាក់ទាញភ្ញៀវទេសចរជាតិ និងអន្តរជាតិ ប្រមាណ១,៥ម៉ឺននាក់ ទៅទស្សនា និងឈរថតរូប នៅមុខប្រាសាទអង្គរវត្ត៕
ផ្តល់សិទ្ធដោយ ៖ ហ្វ្រេសញូវអាស៊ី
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)