ចិន បានផ្តល់ជំនួយគ្លីនីកចល័តចំនួន ៤០គ្រឿង
ភ្នំពេញ ៖ ថ្ងៃទី០១ ខែកុម្ភៈ ឆ្នាំ២០១៨ វេលាម៉ោង ១១:០០ ព្រឹក នៅទីស្តីការក្រសួងសុខាភិបាល ឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល បានអញ្ជើញចុះហត្តលេខាលើកិច្ចព្រមព្រៀងអនុវត្តគម្រោងជំនួយគ្លីនិកចល័ត ជាមួយ ឯកឧត្តម លី អាន ទីប្រឹក្សាសេដ្ឋកិច្ច និងពាណិជ្ជកម្មនៃស្ថានទូតសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា។ គម្រោងនេះ គឺជាជំនួយឥតសំណងរបស់សាធារណរដ្ឋប្រជាមានិតចិន ជូនក្រសួងសុខាភិបាល នៃព្រះរាជាណាចក្រកម្ពុជា។
ឯកឧត្តម បានមានប្រសាសន៍ថា គ្លីនិកចល័តចំនួន៤០គ្រឿង ដែល២០គ្រឿងដំបូងនឹងមកដល់កម្ពុជានាដំណាច់ខែ មេសា ឆ្នំា២០១៨ ខាងមុខ ហើយ២០គ្រឿងបន្ទាប់នឹងមកដល់នាដំណាច់ខែ តុលា ឆ្នំា២០១៨។ គ្លីនិកចល័តនេះ នឹងធ្វើដំណើរទូទាំងប្រទេសកម្ពុជាដើម្បីផ្តល់ជូននូវការថែទាំដល់ប្រជាពលរដ្ឋជាមួយ ប្រភេទរថយន្តធំដែលបំពាក់ដោយ សម្ភារៈ បរិក្ខាពេទ្យ និងសម្ភារៈ បរិក្ខាផ្សេងៗ ដែលអាចបំពេញភារកិច្ចជាមន្ទីរពេទ្យ ក្នុងនោះរួមមាន ផ្នែកជំងឺកុមារ ផ្នែកវះកាត់ទូទៅ ផ្នែកសម្ភព និងរោគស្រ្តី ផ្នែកត្រចៀក ច្រមុះ បំពង់ក ផ្នែកទន្តសាស្រ្ត ផ្នែករូបភាព និងផ្នែកពិសោធន៍។
ឯកឧត្តម មានប្រសាសន៍បន្តថា នេះជាគម្រោងថ្មីមួយទៀតបន្ទាប់ពីគម្រោងសាងសង់មន្ទីរពេទ្យចំនួនពីរត្រូវបានចុះហត្ថលេខា គឺមន្ទីរពេទ្យមិត្តភាពកម្ពុជា-ចិន ព្រះកុសុមៈ និងមន្ទីរពេទ្យខេត្តត្បូងឃ្មុំ។
ប្រទេសចិន បានផ្តល់ជំនួយជាច្រើនដល់ប្រទេសកម្ពុជា ដូចជាវិស័យអប់រំ ហេដ្ឋារចនាសម្ព័ន្ធ ផ្លូវថ្នល់ ស្ពាន និងសេដ្ឋកិច្ចទីផ្សារតាមរយៈការទទួលការនាំចូលផលិតផលពីកម្ពុជាក៏ដូចជាកាត់បន្ថយបំណុលចាស់ដែលកម្ពុជាបានជំពាក់ប្រទេសចិនផងដែរ ៕
ប្រែសម្រួល ៖ ច័ន្ទ
ប្រភព៖ KhmerTimes
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)