បុរសសង្ហាទិញក្រូចថ្លុង ៩៩៩ ផ្លែ សូមស្នេហ៍នារីក្នុងក្តីស្រម៉ៃ នៅចំពោះមុខមនុស្ស ២០០,០០០ នាក់ តែ
ប្លែកៗ ៖ សិស្សប្រុសម្នាក់នៅក្នុងទីក្រុង Guangzhou ប្រទេសចិនបានចំណាយលុយយ៉ាងច្រើនទិញក្រូចថ្លុង ៩៩៩ ផ្លែ សូមស្នេហ៍នារីក្នុងក្តីស្រម៉ៃ តែចុងក្រោយទទួលបានចម្លើយស្ទើរស្លុតចិត្ត ។
ដោយយោងតាមរបាយការណ៍ពីគេហទំព័រ People's Daily Online បានឲ្យដឹងថា កំឡុងពេលដែលកំពុងសារភាពស្នេហ៍ទៅកាន់នារីម្នាក់នោះ គឺ បុរសដែលរៀនឆ្នាំទី ៣ ម្នាក់នេះបានច្រៀងចម្រៀងទៅកាន់នារីម្នាក់នោះ ដោយចង់បញ្ជាក់ក្តីស្រលាញ់របសគាត់ចំពោះនាង តែនាងបែរជាឆ្លើយបដិសេធសេចក្តីស្រលាញ់របស់បុរសម្នាក់នោះ នៅចំពោះមុខមនុស្សជាច្រើនទៀតផង ។
គួរបញ្ជាក់ឲ្យដឹងថា កាលពីថ្ងៃទី ០៤ ខែកញ្ញានេះ សិស្សប្រុសម្នាក់នោះបានទិញផ្លែក្រូចថ្លុង ដល់ទៅ ៩៩៩ ផ្លែឯណោះ ដើម្បីសារភាពស្នេហ៍ តែត្រូវនាងបដិសេធ ។ ហើយនៅពេលដែលពួកគេជូបគ្នាដំបូងដោយសារតែ សកម្មភាពសង្គម នៅសាកលវិទ្យាល័យរបស់ពួកគេ ។
ហើយមូលហេតុដែលបុរសម្នាក់នោះចំណាយលុយទិញក្រូចថ្លុងដើម្បីសារភាពស្នេហ៍ព្រោះគាត់ដឹងថា នាង Mumu ចូលចិត្តផ្លែក្រូចថ្លុង ហើយក៍រៀបចំគំរោង ហើយនិយាយថា "i love you " ។
ផ្លែក្រូចថ្លុងត្រូវបានរៀបចំជារូបរាង បេះដូង និងដាក់តាំងនៅ Guangzhou Higher Education Centre ហើយនៅក្នុងនោះមានសិស្សជាង ២០០,០០០ នាក់ដែលកំពុងទស្សនា ។
បុរសឆ្នាំទី ៣ បានបន្ថែមទៀតថា តួអក្សរលេខ ៩៩៩ គឺជាកំណត់ត្រាបញ្ជាក់ក្តីស្រលាញ់របស់ខ្ញុំចំពោះអ្នក ហើយខ្ញុំនិងស្រលាញ់អ្នកជារៀងរហូតទៅ ។ ខ្ញុំចាប់ផ្តើមស្រលាញ់អ្នកតាំងពីពេលដែលយើងជួបគ្នាមកម្ល៉េស តើអ្នកអាចធ្វើជាមិត្តស្រីរបស់ខ្ញុំបានទេ?
ភ្លាមៗនោះនាង Mumu ក៍បានឆ្លើយថា ខ្ញុំមិនស្រលាញ់លោកទេ ព្រោះខ្ញុំតែងតែចាត់ទុកលោកជាមិត្តល្អរបស់ខ្ញុំ (Best friend) ប៉ុន្តែក្រូចថ្លុងរបស់នាងអាចនៅជាមួយខ្ញុំបាន ។ ហើយក្រោយមកនាង Mumu ក៍សម្រេចចិត្តធ្វើការចែករំលែក ក្រូចថ្លុងទាំងនោះទៅឲ្យអ្នកទស្សនានៅទីនោះ រួមទាំងអ្នកបម្រើការនៅក្នុងហាងក៍ចេញមុខទទួលដែរ ស្រាប់តែប្រហែលជា ២ នាទីកន្លងផុុតទៅស្រាប់តែ ក្រូចថ្លុងក៍បាត់អស់ក្រោយពីមានអ្នកខ្លះយកម្នាក់ដល់ទៅ ៥ ផ្លែឯណោះ ៕
ប្រែសម្រួល ៖ គន្ធា
ប្រភព ៖ dailymail
ប្លែកៗ ដែលមើលច្រើន
