CamNews

(ភ្នំពេញ)៖ កំពូលតារាភាពយន្តហុង​កុង​របស់​ស្ថានីយទូ​រទស្សន៍ TVB នាង Nancy Wu និង​លោក Vincent Wong កាលពីរសៀ​លថ្ងៃទី១៨ ខែមិថុនា ឆ្នាំ២០១៦ បានធ្វើដំណើរមកដល់​ប្រទេសកម្ពុជាហើយ ខណៈអ្នកគាំទ្រជា​ច្រើនបាន​សម្តែងការអប​អរ​ជាមួយវត្តមាន​របស់តារាប្រុស-ស្រី​ទាំង២រូប​ខាងលើ។

ការបង្ហាញវត្តមានរបស់តារាប្រុស​-ស្រីទាំង២ដួង​នៅ​លើទឹកដីប្រទេស​កម្ពុជា​នាពេល​នេះ​បាន​ធ្វើ​​ឡើងតាមរយៈ​ការអញ្ជើញ​ពី​សំណាក់​ស្ថានីយ៍​ទូរទស្សន៍ប៉ុសិ៍ PNN នៃព្រះរាជណាចក្រកម្ពុ​ជា ដោយសហការ​ជាមួយស្ថានីយ៍ទូរទស្សន៍TVB ហុងកុង គោលបំណងដើម្បី​ជួបផ្ទាល់​នឹងប្រិយមិត្តអ្នកគាំទ្រ​របស់ខ្លួន​ជាច្រើន​នៅកម្ពុជា​​។

ថ្លែងក្នុងសិន្និសិទ្ធសាព័ត៌មាន​កាលពីរសៀលថ្ងៃទី១៨ ខែមិថុនា ឆ្នាំ២០១៦ ម្សិលមិញ​​តារា​ហុ​ងកុង​របស់ស្ថានីទូរទស្សន៍ TVB ដែលត្រូវបានផ្តល់​សិទ្ធិផ្សាយបន្ត​ដោយស្ថានីយទូរទ​ស្ស​ន៍​​P​NN  ​កញ្ញា Nancy Wu និង​លោក Vincent Wong បានសម្តែង​ក្តីរំភើបរីរាយ​​ខ្លាំ​ងដែល​បា​ន​មកដល់​ប្រទេសកម្ពុជា ពិសេសគឺទទួលបានការគាំទ្រពីសំណាក់​ទស្សនិក​ជន​របស់ខ្លួននៅ​កម្ពុជា ហើយការទទួលស្វាគមន៍​នេះ ពិតជាកំលាំង​ចិត្តដ៏ខ្លាំងក្លាសម្រាប់ពួកគេ។ កញ្ញា Nancy Wu និង​លោក Vincent Wong ​បាន​ថ្លែងថា «ខ្ញុំមានអារម្មណ៍សប្បាយ​រីករាយខ្លាំ​ង​ពេលទទួលបានការ​ស្វាគមន៍​ពីសំណាក់​ទស្សនិកជន​​និងមិត្តៗ​យុវវ័យនៅកម្ពុជា ។ ខ្ញុំស្រលាញ់ប្រទេសកម្ពុជា ព្រោះកម្ពុជាមានអាគារ​ខ្ពស់ៗ និងជាប្រទេស​ដែលមានសម្រស់​ទេសភាពស្អាត​គួឲ្យចាប់អារម្មណ៍ខ្លាំង»។

ក្រៅពីជូបជាមួយយមិត្តជាច្រើនរយនាក់ ដែលកំពុង​ប្រកួតប្រជែង​​ក្នុងក​ម្ម​វិធីអ្នក​ដែលមានមុខ​មាត់ដូច ឬស្រដៀង​តារាភាពយន្តរបស់ TVB លើស​ពីនេះដែរកញ្ញា Nancy Wu និង លោក V​incent Wong គ្រោងនឹ​ងចូលរួមកំសាន្តជាមួយ​ល្បែង​​ប្រពៃណីខ្មែរ និងផ្តល់បរិយាកាស​​រីករា​យ​​សម្រាប់ប្រិយមិត្តខ្លួន តាមរយៈការបកស្រាយបទ​​ចម្រៀងដោយផ្ទាល់​ពីសំណាក់​ពួកគេផង​ដែ​រ។

សូបញ្ជាក់ថា ស្ថានីយទូរទស្សន៍ ភីអិនអិនកាលពីដើមឆ្នាំ២០១៦បានចុះកិច្ចព្រមព្រៀងចាក់ផ្សា​យ​​គ្រប់​ខ្សែភាពយន្តភាគ​ថ្មីរបស់ TVB កំពុងដាក់បញ្ចាំងក្នុងទីក្រុងហុងកុង។កិច្ចព្រមព្រៀងនេះ មា​នតម្លៃរហូតដល់ទៅជាង១លានដុល្លារផ្តល់សិទ្ធិផ្តាច់មុខឲ្យ ភីអិនអិនចាក់ផ្សាយ​ភាពយន្ត​ភា​គ​ចុងក្រោយ និងមុនគេបង្អស់លើកញ្ចក់ទូរទស្សន៍ក្នុង​ប្រទេសកម្ពុជា។

ជាមួយគ្នានេះនៅមានខ្សែភាពយន្តថ្មីៗជាច្រើនទៀតគ្រោងដាក់បញ្ចាំង​លើកញ្ចក់ទូរទស្សន៍ ភីអិនអិន ដូចជារឿង៖ Dead Wrong, House Of Spirits, My Lover From The Planet Meow, T​w​o Steps From Heaven, Dearest Daddy និងរឿង My Dangerous Mafia Retirement Plan ជាដើម៕

ផ្តល់សិទ្ធដោយ ៖ ខ្មែរថកឃីង