អស់ទាស់! ខឹងមិត្តប្រុសមកផ្ទះយប់ជ្រៅ យកកន្ទុយបារីមករុកភ្នែក ប៊ិះតែនឹងខ្វាក់
(អាមេរិក)៖ ប៉ូលិសនៅរដ្ឋ West Virginia បានចាប់ខ្លួនស្ត្រីម្នាក់ បន្ទាប់ពីដាក់ទោសមិត្តប្រុស ដោយយកកន្ទុយបារី រុកចូលភ្នែកបុរសនោះ ខណៈកំពុងឈ្លោះប្រកែកគ្នា យ៉ាងខ្លាំង។
នាង Cindy Jean Underwood អាយុ៣៩ឆ្នាំ ត្រូវបានសមត្ថកិច្ចចាប់ ក្រោយពីវាយប្រហារមិត្តប្រុស ឈ្មោះ Jeremy Hughes កំឡុងពេលឈ្លោះគ្នា យ៉ាងតឹងតែង នៅក្នុងផ្ទះដែលអ្ន កទាំងពីររស់នៅ ជាមួយគ្នា ព្រោះតែស្ត្រីបង្កហេតុ ផ្ទុះកំហឹងជាខ្លាំង ចំពោះបុរសជាដៃគូ ដែលត្រឡប់មកផ្ទះយូរ ដល់យប់អាធ្រាត្រ ទើបនាងយកកន្ទុយបារីមករុកភ្នែក Hughes មួយទំហឹង បណ្តាលឲ្យមើលអ្វីលែងចង់ឃើញ។
ប៉ូលិសបានមកដល់ផ្ទះកើតហេតុ ក្រោយពីមានអ្នករាយការណ៍ ប្រាប់ពីរឿងនេះ និងបាននាំបុរសរងគ្រោះ ទៅកាន់មន្ទីរពេទ្យភ្លាមៗដែរ។ ចំណែកនាង Underwood ត្រូវប៉ូលិសចាប់ខ្លួន ដោយចោទពីបទបង្ករបួសស្នាម តែក្រោយមកត្រូវបានតុលាការ សម្រេចឲ្យនៅក្រៅឃុំ ដោយតម្រូវឲ្យបង់ប្រាក់ធានាខ្លួន ចំនួន១ម៉ឺនដុល្លារ៕
ផ្តល់សិទ្ធដោយ ៖ ខ្មែរថកឃីង
ប្លែកៗ ដែលមើលច្រើន
