កម្ពុជា ប្រមូលពន្ធ ចូលថវិការដ្ឋបានជាង ៤៧០លានដុល្លារអាមេរិក នៅឆមាសទី ១
ភ្នំពេញ៖ នៅឆមាសទី១ ឆ្នាំ២០១៣ នេះ រាជរដ្ឋាភិបាលកម្ពុជា ប្រមូលពន្ធចូលថវិការដ្ឋបាន ប្រមាណ
ជាង ៤៧០ លានដុល្លារ អាមេរិច កើនឡើង ២១ភាគរយ បើធៀបនឹងរយះពេលដូចគ្នា កាលពីឆ្នាំ
២០១២ ។
មន្ត្រីអគ្គនាយកដ្ឋានពន្ធដារ មិនអាចសុំការាអត្ថាធិប្បាយ ជុំវិញការប្រមូលពន្ធនេះបានទេ។ លោក
ឱម ចន ប្រធាននាយកដ្ឋានច្បាប់ អគ្គនាយកដ្ឋានពន្ធដារ ដែលកន្លងមកបណ្តាញព័ត៌មាន ធ្លាប់តែ
សម្ភាសន៍លោក បានបដិសេធមិនផ្តល់បទសម្ភាសន៍ ដោយអះអាងថា ជាប់រវល់ និងថា ការឆ្លើយ
នេះ ព្រោះហួសពីដែនសមត្ថកិច្ចរបស់ខ្លួន។ ចំណែកលោក គង់ វិបុល អគ្គនាយកនៃ អគ្គនាយក
ដ្ឋានពន្ធដារ ធ្លាប់បានបដិសេធថា លោកមិនអាចផ្តល់បទសម្ភាសន៍ តាមទូរស័ព្ទបានទេ។
យ៉ាងណា យោងតាមការចុះផ្សាយ របស់ទីភ្នាក់ងារព័ត៌មានស៊ិនហួ បានឲ្យដឹងថា អគ្គនាយកដ្ឋាន
ពន្ធដារ នៃក្រសួងសេដ្ឋកិច្ច និងហិរញ្ញវត្ថុ កាលពីថ្ងៃទី៩ ខែកក្កដា ឆ្នាំ២០១៣ បានបើកកិច្ចបូកសរុប
លទ្ធផលការងារ ក្នុងរយៈពេល៦ខែ ដើមឆ្នាំ២០១៣ ក្រោមអធិបតីភាព លោកឧបនាយករដ្ឋមន្ត្រី
គាត ឈន់ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ។ លោក គាត ឈន់ បានសម្តែងនូវក្តីសាទរ
ចំពោះលទ្ធផលនៃការប្រមូលពន្ធ របស់អគ្គនាយកដ្ឋានពន្ធដារ និង ស្នើដល់ថ្នាក់ដឹកនាំ និងមន្រ្តី
ពន្ធដារគ្រប់លំដាប់ថ្នាក់ ឲ្យខិតខំប្រមែប្រមូលចំណូល ពន្ធដារ ជាបន្តទៀត។
រយៈពេល៦ខែដើមឆ្នាំ២០១៣ ពោលគឺចាប់ពីខែមករា ដល់ ខែមិថុនា អគ្គនាយដ្ឋានពន្ធដារ ដែល
ដឹកនាំ ដោយលោក គង់ វិបុល អាចប្រមូលពន្ធ ថវិកាជាតិចំនួន ១.៨៨០.៩០៩ លានរៀល គិតជា
ដុល្លារប្រមាណ ៤៧០.៣ លានដុល្លារ កើនឡើង២១,២% បើប្រៀបធៀបនឹង រយៈពេលដូចគ្នាក្នុង
ឆ្នាំ ២០១២។ ប្រភេទពន្ធសំខាន់ៗ ដែលជំរុញឲ្យការប្រមូលពន្ធ មានការកើនឡើងមានដូចជា ពន្ធ
លើប្រាក់បៀវត្ស, ពន្ធលើប្រាក់ចំណេញ, អាករលើតម្លៃបន្ថែម និង អាករពិសេស។
គួរបញ្ជាក់ថា កាលពីឆ្នាំ២០១២ កម្ពុជា អាចប្រមូលពន្ធបានប្រមាណជា ៧៤០លានដុល្លារអាមេរិច
កើនឡើង២៥ភាគរយ បើធៀបនឹងឆ្នាំ២០១១៕
ដោយ៖ ដើមអំពិល
ផ្តល់សិទ្ធិដោយ៖ ដើមអំពិល
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)