គ្រោះថ្នាក់
ការវះកាត់មុខលើដំបូងលើពិភពលោក ទទួលបានជោកជ័យ
តាំងពីមុន ក្រោយពីគ្រោះថ្នាក់ឆក់ខ្សែភ្លើង មុខរបស់លោក Dallas Wiens ស្ទើរតែមើល
មិនដឹងគឺជាអ្វីទេគ្មានភ្នែក គ្មានមាត់ គ្មានច្រមុះ។ ប៉ុន្តែក្រោយការវះកាត់ ដល់បច្ចុប្បន្ន
បុរសជនជាតិអាមេរិចនេះ អាចដឹងអារម្ភណ៍ពីការថើបរបស់កូនស្រីដូចនឹងបំណង
ប្រាថ្នារបស់លោក។
ឆ្នាំ 2008 Dallas Wiens ត្រូវរលាកយ៉ាងធ្ងន់ធ្ងរ ទាំងស្រុងនៅលើមុខដោយការឆក់ខ្សែភ្លើង។
ក៏ប៉ុន្តែកាលពីយប់មិញ ថ្ងៃទី9ខែឧសភា Dallas Wiens បានបង្ហាញខ្លួននៅមុខសាធារណះជន
ជាមួយនឹងទឹកមុខធម្មតា ក្រោយពីការវះកាត់។
Wiens បាននិយាយថា៖ ក្លិនដំបូងបង្អស់ដែលខ្ញុំ ហិតបានក្រោយពីការវះកាត់គឺ ក្លិនរបស់
មីអ៊ីតាលី Lasagne ក្នុងមន្ទីពេទ្យ។ ហើយលោកបន្ថែមថារឿងដំបូងដែលលោកចង់ធ្វើ
នៅពេលត្រឡប់ផ្ទះគឺឪបថើបកូនស្រីតូចរបស់លោក។
វេជ្ជបណ្ឌិត Bohdan Pomahac ជាអ្នកព្យាបាលឲ្យលោក Dallas បានឲ្យដឹងថា៖ ទោះបីជា
គាត់មិនមានមុខដូចមនុស្សធម្មតា ក៏ប៉ុន្តែគាត់គឺជាបុរស់ក្លាហាន រឹងប៉ឹង។ ក្នុងពេលនោះ
វេជ្ជបណ្ឌិត Jeffrey Janis ជាអ្នកវះកាត់ បានបន្ថែម៖ ការវះកាត់អូសបន្លាយក្នុង 15 ម៉ោង
របស់ Dallas Wiens នេះបានបញ្ជាក់នូវ ជោកជ័យថ្មីក្នុងផ្នែកវះកាត់បង្កើតឡើងវិញនូវ
កោសិកា។
គិតដល់បច្ចុប្បន្ន តាំងពីឆ្នាំ 2008 លោក Wiens បានឆ្លងជាង 20ដងការវះកាត់ផ្សេងៗគ្នា។
ក៏ប៉ុន្តែ វេជ្ជបណ្ឌិតបានឲ្យដឹងថា ភ្នែករបស់គាត់មិនអាច ស្តារឡើងវិញបាន។
នេះគឺជាការវះកាត់មុខលើកទី៣ ប៉ុន្តែជាករណីវះកាត់លើមុខដែលបាត់បង់ទាំងស្រុង
ដំបូងនៅប្រទេសអាមេរិក ៕
Scarlette កូនរបស់ Wiens បាននិយាយនៅពេលជួបប៉ាការប្រជុំព័ត៌មានថា៖ "ប៉ា! ប៉ានៅតែសង្ហាណាស់"
(ដោយ៖ មិនា)
Tags:
គ្រោះថ្នាក់ ដែលមើលច្រើន
