ទីប្រឹក្សានាយក រដ្ឋមន្រ្តីកម្ពុជា លោក ឃឹម សាម៉ន ទទួលមរណភាព ដោយរោគាពាធ
កំពត៖ លោក ឃឹម សាម៉ន សមាជិកគណៈកម្មាធិការកណ្តាល គណបក្សប្រជាជនកម្ពុជា និងជាទីប្រឹក្សាសម្តេច តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានទទួលមរណភាពកាលពីយប់មិញ ដោយរោគា ពាធក្នុងជន្មាយុ ៧៧ឆ្នាំ។
អភិបាលខេត្តកំពត លោក ខូយ ឃុនហួ បានប្រាប់មជ្ឈមណ្ឌលព័ត៌មានដើមអម្ពិលនៅព្រឹកថ្ងៃទី០៦ ខែកក្កដា ឆ្នាំ ២០១៥ គ្រាកំពុងអញ្ជើញចូលរួមបុណ្យសពថា លោក ឃឹម សាម៉ន បានទទួលមរណភាពកាលពី៨-៩យប់ថ្ងៃទី ០៥ ខែកក្កដា ឆ្នាំ២០១៥។
សពរបស់លោក ឃឹម សាម៉ន ត្រូវបានតម្កល់ធ្វើបុណ្យតាមប្រពៃណីព្រះពុទ្ធសាសនា នៅគេហដ្ឋានរបស់លោក ក្នុងខេត្តកំពត។
លោក ខូយ ឃុនហួ បានឲ្យដឹងទៀតថា លោក ឃឹម សាម៉ន ជាអតីតអនុប្រធានគណបក្សប្រជាជនខេត្តកំពត និងជាអតីតប្រធានក្រុមប្រឹក្សាខេត្តកំពតអាណត្តិ១។ នៅក្នុងសម័យសង្គមរាស្ត្រនិយម លោក ឃឹម សាម៉ន បាន ធ្វើជាគ្រូបង្រៀននៅខេត្តព្រៃវែង ហើយផ្លាស់មកស្រុកកំណើតខេត្តកំពតវិញរហូតដល់សម័យប៉ុលពត។ នៅក្នុង របបវាលពិឃាដ លោក ឃឹម សាម៉ន បានរស់នៅប្រៀបដូចទាសករ ដូចជាប្រជាពលរដ្ឋកម្ពុជាដទៃទៀត រហូត ដល់ថ្ងៃរំដោះ ៧ មករា ឆ្នាំ១៩៧៩។
ក្រោយថ្ងៃរំដោះ លោក ឃឹម សាម៉ន បានចូលបម្រើការងារជាគ្រូបង្រៀន បន្ទាប់មក ក៏បម្រើការងារក្នុងក្បាល ម៉ាស៊ីនដឹកនាំគណបក្សបក្សប្រជាជនខេត្តកំពត រូបលោកក៏ធ្លាប់បានធ្វើជាតំណារាស្រ្តមួយរយៈពេលខ្លីក្នុង អាណត្តិទី៤ផងដែរ៕
- អូអុិឈិ តែបៃតងលេខ១ នៅកម្ពុជា រកឃើញអ្នកឈ្នះរង្វាន់ ៨នាក់ ពីកម្មវិធី (05/03/2019 17:02:00)
- គន្លឹះទាំងនេះ ជួយឱ្យអ្នកស្រកខ្លាញ់ក្បាលពោះយ៉ាងមានប្រសិទ្ធភាព (04/03/2019 16:07:00)
- ហេតុអ្វី ខ្ញុំមិនប្រសើរដូចគេ? វគ្គ១ (27/02/2019 12:05:00)
- វីធីរក្សាជីវិតគូឲ្យបានយួរអង្វែង (20/02/2019 14:36:00)
- រៀបការបានមួយខែ នី រតនា មានកាដូពិសេសជូនហ្វេនៗ (19/02/2019 09:59:00)
- តោះមកដឹងទីតាំងដែល តារាចម្រៀង សុខ ពិសី ប្រកាសអញ្ជើញលោកតា លោកយាយ ដែលខ្វះខាតមកពិសារបាយថ្ងៃមួយពេល (13/02/2019 12:04:00)
- សុខ ពិសី មិនត្រឹមតែស្អាត និងច្រៀងពិរោះប៉ុណ្ណោះទេ តែថែមទាំងចិត្តល្អទៀត! តើនាងធ្វើអំពើល្អអ្វីខ្លះទៅ (12/02/2019 13:45:00)
- មិននឹកស្មានថា ស្លឹកត្របែកក៏អាចព្យាបាលរោគស្រ្ដីប្រភេទនេះបានដែរ! (09/02/2019 09:08:00)
- វិធីទាក់ចិត្ដបុរសឱ្យលង់ស្នេហ៍នឹងអ្នក ដែលអ្នកមិនធ្លាប់ដឹង (30/01/2019 15:08:00)
- សុខ ពិសី ទប់ទឹកភ្នែកលែងជាប់ ក្រោយម្តាយ ខេមរៈ ស្រីពៅ រៀបរ៉ាប់រឿងរ៉ាវមុនពេលនាងទទួលមរណភាព (28/01/2019 11:07:00)