(ភ្នំពេញ)៖ រូបភាពជាច្រើនសន្លឹក របស់ កញ្ញា ឌុច លីដា តារាសម្តែងស៊ិចស៊ី ទទួលបានការចាប់អារម្មណ៍យ៉ាងខ្លាំង និងបានចែករំលែកតៗគ្នា នៅតាមបណ្តាញសង្គម Facebook ខណៈរូបភាពដែលបានចែកចាយនោះ សុទ្ធតែជារូបថតរបស់ កញ្ញា ឌុច លីដា មានលក្ខណៈខុសឆ្ងាយពីរូបភាពរាល់ដង គឺកោត្រងោល និងស្លៀកឈុតស ដូចជាអ្នកបួសអ៉ីចឹង។
បើតាមការបញ្ជាក់ឲ្យដឹងពីសាច់ញាតិរបស់ តារាស្រី សិចស៊ី ឌុច លីដា បានឲ្យដឹងថា រូបភាពកោត្រងោលក្បាលនេះ គឺជាឈុតថត នៅក្នុងខ្សែភាពយន្តរបស់ផលិតកម្មចិន ដែលបានជ្រើសរើសយក កញ្ញា ឌុច លីដា មកសម្តែងក្នុងរឿងថ្មី ប៉ុន្តែតម្លៃខ្លួន កញ្ញា ឌុច លីដា នៅក្នុងផលិតកម្មរបស់ប្រទេសចិន គឺមិនបានបង្ហាញជាតួលេខឲ្យដឹងឡើយ គ្រាន់តែអាចសន្និដ្ឋានបានថា មានតម្លៃខ្ពស់ជាងការសម្តែង ឲ្យផលិតកម្មនៅក្នុងស្រុក។
គួរកត់សំគាល់ថា ក្រោយពីមានការបង្ហោះ និងចែកចាយរូប តារាសម្តែងសិចស៊ី កញ្ញា ឌុច លីដានេះ មានការចោទសួរ ជាច្រើនថា តើ ឌុច លីដា ទទួលបានតម្លៃប៉ុន្មាន រហូតដល់ថ្នាក់ហ៊ានកោត្រងោល ថតខ្សែភាពយន្តបែបនេះ?
ផ្តល់សិទ្ធដោយ ៖ ខ្មែរថកឃីង