CamNews

ស្វែងរកកំរិតខ្ពស់
ព័ត៌មានជាតិ 

ប្រគល់ម៉ូតូ១គ្រឿង ឲ្យម្ចាស់ដើមវិញ បន្ទាប់ពីចោរ កាច់កយកអស់ រយះពេលជិត២ខែ

បន្ទាយមានជ័យ ៖ កម្លាំងនគរបាល ខេត្តបន្ទាយមានជ័យ បានស្រាវជ្រាវ និងធ្វើការសហការ ជាមួយ និងនគរបាល ខេត្តសៀមរាប បានតាមប្រមាញ់ រកម៉ូតូ១គ្រឿង បន្ទាប់ពីក្រុម ជនសង្ស័យ លួចយកពីក្រុងប៉ោយប៉ែត កាលពីថ្ងៃទី១៤ ខែកក្កដា ឆ្នាំ២០១៥ កន្លងមកនេះ។

លោក សិទ្ធ ឡោះ ស្នងការរង និងជាប្រធានការិយាល័យ កណ្តាល នគរបាលព្រហ្មទណ្ឌ បានប្រាប់ឲ្យដឹងនៅព្រឹក ថ្ងៃទី១០ ខែសីហានេះ ថា ប្រតិបត្តិការចាប់ខ្លួន ជនសង្ស័យរូននេះ ធ្វើឡើង ដោយតាមតាមបទបញ្ជា ពីសំណាក់ លោកឧត្តមសេនីយ៍ត្រី អាត់ ខែម ស្នងការខេត្ត តែងតែយកចិត្តទុក ដាក់ខ្ពស់ពីបញ្ហា បទល្មើស ជាក់ស្តែង បទល្មើសផ្សេងៗ ដែលកើតឡើង នៅក្នុងមូលដ្ឋាននានា។

លោកបានបន្តថា ម្ចាស់ម៉ូតូឈ្មោះហឿន វ៉ាន់យ៉ាន់ ភេទប្រុស អាយុ៣៤ឆ្នាំ រស់នៅភូមិក្បាលស្ពាន១ សង្កាត់-ក្រុងប៉ោយប៉ែត ខេត្តបន្ទាយមានជ័យ។  ជនសង្ស័យបានសារភាពថា នៅថ្ងៃកើតហេតុ ខ្លួនបានជិះម៉ូតូទៅទិញម្ហូបអាហារ នៅក្នុងផ្សារត្រី ស្ថិតនៅភូមិបាលិលេយ្យ១ សង្កាត់-ក្រុងប៉ោយប៉ែត បានចតម៉ូតូនៅ មុខផ្សារ មានប្រជុំជន ម៉ូតូម៉ាកហុងដាឌ្រីម សេ១២៥ ពណ៌ខ្មៅ ពាក់ស្លាកលេខ បន្ទាយមានជ័យ 1J-4234 លេខតួ និងលេខម៉ាស៊ីន 9145011 ខ្លួនបានចូលទិញម្ហូបប្រមាណ១ ម៉ោង ស្រាប់តែ ទិញ ម្ហូបអាហារហើយ ក៏មកយកម៉តូ ស្រាប់អត់ឃើញបានស្រែកឆោឡោ រកម៉ូតូ តែម្តង ភ្លាមនោះសមត្ថកិច្ច នគរបាលប៉ុស្តិ៍រដ្ឋបាលប៉ោយប៉ែត បានអន្តរាមន៍ តែមិនឃើញឡើយ ខ្លួនបានទៅដាក់ពាក្យ បណ្តឹងបន្ថែមដើម្បីអោយសមត្ថកិច្ចស្រាវជ្រាវរកម៉ូតូខ្លួន។

លោកបានបន្ថៃមថា ចំណែកជនសង្ស័យត្រូវបានកម្លាំង នគរបាលខេត្តសៀមរាប បានឃាត់ខ្លួនសាងសំណំរឿង បញ្ជូនទៅកាន់សាលាដំបូងខេត្តសៀមរាបចាត់ការតាមច្បាប់  តែចំពោះម៉ូតូប្រគល់អោយយើងរួចរាល់ និងប្រគល់បន្តទៅម្ចាស់ដើមវិញផងដែរ ៕

ផ្ដល់សិទ្ធដោយ៖ ដើមអម្ពិល


Tags: Social News,  Cambodia,  banteay Meanchey

ព័ត៌មានជាតិ ដែលមើលច្រើន

ព័ត៌មានដែលមើលច្រើន