CamNews

ពិតជារឿងចំឡែកនិងគួរអោយរន្ធត់ណាស់ពេលដែលសត្វទាំងនេះចេះមានចិត្តសណ្តោស
ប្រណីដូចជាមនុស្សជាតិ ថែមទាំងដើរតួជាអាណាព្យាបាលចិញ្ចឹមបីបាច់ថែរក្សាសត្វដូចគ្នា
បានយ៉ាងល្អ ។
១.ទឹកចិត្តរបស់ស្វាឪ ចំពោះកូនខ្លា

ស្វាឪ �Dodo� និងកូនខ្លា �Aaron� កំពុងរស់នៅជាមួយគ្នានៅក្នុងកសិដ្ឋានចិញ្ចឹមក្រពើដ៏ធំ
បំផុតក្នុងប្រទេសថៃ ។ ពួកវាមានទំនាក់ទំនងជាមួយគ្នាស្និទ្ធស្នាលបំផុត ។ កាលពីខែកក្កដា
២០១១ កន្លងទៅ Dodo ត្រូវបានអ្នកថតរូបម្នាក់ថតរូបរបស់វា ពេលដែលកំពុងតែអោយកូន
ខ្លាបៅទឹកដោះ ដែលមើលទៅគួរអោយស្រលាញ់ ។ Dodo ឆ្នាំនេះមានអាយុ ២ឆ្នាំកន្លះ និង
ត្រូវបានបុគ្គលិករបស់សួនសត្វ Samut Prakarn Crocodile Farm and Zoo បង្ហាត់បង្រៀនពី
របៀបសំរាប់បំបៅទឹកដោះគោអោយកូនខ្លាជារៀងរាល់ថ្ងៃ ។
២.ឆ្កែដើរតួជាមេដោះបីបាច់ថែរក្សាកូនក្មេង

ឆ្កែនេះមានឈ្មោះថា Gracie មានរូបរាងដូចជាឆ្កែមកពីប្រទេសដាណឺម៉ាក ។ វាត្រូវបាន
គ្រួសារមួយយកមកចិញ្ចឹមតាំងតែពីវាមានអាយុ ៧សប្តាហ៍មកម្ល៉េះ ។ តែមិនយូរប៉ុន្មាន
Gracie មានការលូតលាស់យ៉ាងខ្លាំង និងបានក្លាយជាសមាជិកម្នាក់ដ៏សំខាន់ដែលមិនអាច
ខ្វះបាននៅក្នុងគ្រួសាររបស់ Erin Vey ដែលជាជាងថតរូប ។ Maggie ជាកូនរបស់ Erin Vey
ហើយទំនាក់ទំនងរវាង Gracie និង Maggie មានភាពជិតស្និទ្ធជាទីបំផុត ។ Gracie បានក្លាយ
ជាអ្នកបីបាច់ថែរក្សា Maggie ដ៏ល្អខណៈពេលដែលមិនមានសមាជិកណាម្នាក់នៅក្នុងផ្ទះ ។
Erin Vey បានអោយដឹងថា Gracie តែងតែផ្តល់ការយកចិត្តទុកដាក់ដ៏កក់ក្តៅបំផុតសំរាប់
Maggie ។
៣.ស្វាបីបាច់រក្សាសត្វឆ្មាដ៏គួរអោយអាណិត

នៅខែសីហា ឆ្នាំ ២០១១​នេះនៅឯសួនសត្វមួយនៅ Bali ប្រទេស ឥណ្ឌូនេស៊ី មានសត្វស្វា
មួយមើលថែរសត្វឆ្មាទុកដូចជាកូនរបស់ខ្លួនយ៉ាងដូច្នោះ ។ សត្វស្វានេះបានបង្ហាញអោយ
ឃើញយ៉ាងច្បាស់ពីភាពប៉ិនប្រសប់ និងចិត្តសណ្តោសចំពោះសត្វឆ្មា ហើយពួកវាបាន
ក្លាយជាសមាជិកដ៏ស្និទ្ធស្នាលនឹងគ្នានៅក្នុងគ្រួសារ ។
៤.សត្វឆ្កែធ្វើការជំនួសម្ចាស់

សត្វឆ្កែនេះមានអាយុ ៤ឆ្នាំ និងកំពុងតែរស់នៅជាមួយម្ចាស់របស់វានៅភាគខាងលិចប្រទេស
អង់គ្លេស ។ សត្វឆ្កែនេះក្លាយជាឆ្កែមានឈ្មោះល្បីនៅក្នុងតំបន់ក៏ព្រោះតែវាបានក្លាយជាសត្វ
ដែលមានភាពជំនាញស្ទើរតែគ្រប់កិច្ចការនៅក្នុងផ្ទះ និងបានក្លាយជាអ្នកជំនួយការដ៏អស្ចារ្យ
របស់ស្រ្តីជាម្ចាស់ម្នាក់ដែលពិការ ។ ឆ្កែនេះមានឈ្មោះថា Sandy និងត្រូវបានអោយដឹងថា
វាអាចធ្វើការបានស្ទើរគ្រប់កិច្ចការទាំងអស់ រួមមានការងារ យកស្បែងជើង យកទូរស័ព្ទ
ជួយម្ចាស់ក្នុងការស្លៀកពាក់ យកសំលៀកបំពាក់ទៅដាក់ក្នុងម៉ាស៊ីនបោកគក់ និងការចុច
បញ្ជារបិត/បើក ជាដើម ។ Sandy បានក្លាយជាសត្វឆ្កែដែលមានភាពជំនាញប្រៀបបាននឹង
ម្ចាស់របស់គេហដ្ឋាននេះដូច្នោះ ។ មិនត្រឹមតែប៉ុណ្ណោះ Sandy ក៏ជាអ្នកគិតប្រាក់ជំនួស
ម្ចាស់នៅពេលដែល ឡើងទិញអីវ៉ាន់ម្តងៗទៀតផង ។
៥.កូនស្វាឪពីរដើរតួជាមេដោះរបស់សត្វឆ្កែ

កូនស្វាឪទាំងពីរនេះរស់នៅក្នុងសួនសត្វមួយនៅក្នុងប្រទេស អាល្លឺម៉ង់ ។ ពួកវាបានដើរតួ
ជាមេដោះដ៏ប៉ិនប្រសប់ដើម្បីផ្គាប់ចិត្តរបស់សត្វឆ្កែមួយនេះ ពួកវាមានភាពជិតស្និទ្ធនឹងគ្នា
បំផុត ។
៦.កូនស្វាដែលត្រូវមេបោះបង់ចោល និង មានសត្វព្រាបធ្វើជាមិត្ត

ពួកវាមានភាពស្និទ្ធស្នាលជាមួយគ្នាយ៉ាងខ្លាំង ។ ពួកវារស់នៅក្នុងតំបន់អភិរក្សធម្មជាតិមួយ
នៅក្នុងប្រទេសចិន ហើយជានិច្ចកាលតែងតែនៅជាមួយគ្នារហូត ។

កូនស្វាដ៏អភ័ព្ទមួយនេះត្រូវបានបុរសម្នាក់នៅ ខេត្ត Guangdong ជួបប្រទះនៅពេលដែលវា
មានអាយុទើបតែ ១២ សប្តាហ៍ ហើយកំពុងតែមានសភាពហៀបនឹងបាត់បង់ជីវិត ។ កូនស្វា
នេះក៏ត្រូវបាននាំយកទៅមន្ទីរពេទ្យព្យាបាលសត្វ បន្ទាប់មកសត្វស្វាមួយនេះត្រូវបាន
ព្យាបាលដោយយកចិត្តទុកដាក់និងបានធូរស្រាលឡើងវិញ ។ ប៉ុន្តែគេសង្កេតឃើញថា
ជារៀងរាល់ថ្ងៃកូនស្វាមួយនេះហាក់បីដូចជាមិនសូវជារីករាយសោះ តែក្រោយមកពេល
ដែលបានស្គាល់សត្វព្រាប់មួយ កូនស្វានេះហាក់បីដូចជាបង្ហាញថាវាកំពុងតែសប្បាយចិត្ត
ឡើងវិញ នេះបើតាមការអោយដឹងពីបុគ្គលិកនៅតំបន់អភិរក្សធម្មជាតិនោះ ។
៧.ចៀមធ្វើមេដោះរបស់ស្វា

ពួកវារស់នៅក្នុងសួនសត្វមួយក្នុងទីក្រុងប៉េកាំង ប្រទេសចិន ។ ជារៀងរាល់ថ្ងៃភារៈកិច្ចរបស់
ចៀមគឺថែរក្សា និង អោយកូនស្វាដែលនៅជាមួយវាស៊ីចំណី និងប្រឡែងលេងសប្បាយជា
មួយស្វានេះ ។ ពេលយប់ចៀមធ្វើជាខ្នើយសំរាប់អោយស្វាដេកអោប ។ កូនស្វាមួយនេះត្រូវ
បានគេដឹងថាពេលវាមានអាយុ ៤ ខែ មេរបស់វាអស់ទឹកដោះអោយវាបៅទៅហើយ ។
៨.ស្វាឪអាយុពីរឆ្នាំមើលថែកូនខ្លា

ខែតុលា ឆ្នាំ២០០៨ នៅក្នុងសួនសត្វភាគខាងត្បូង Carolina មានស្វាឪមួយអាយុពីរឆ្នាំ បាន
ក្លាយជាអ្នកមើលថែដ៏ប៉ិនប្រសប់លើកូនខ្លាសមួយ ។ ស្វាឪនោះមានឈ្មោះថា Anastacia
វាបានមើលថែកូនខ្លាសប្រៀបដូចជាប្អូនយ៉ាងដូច្នោះ ។
៩.ឆ្កែមើលថែកូនជ្រូក

ខែមិនាឆ្នាំ ២០០៨ មានប្រភពពត៌មានមួយអោយដឹងថាមានសត្វឆ្កែមួយ បានយកកូនជ្រូក
មកចិញ្ចឹមប្រៀបបាននឹងកូនរបស់ខ្លួន ។ សត្វឆ្កែនេះមើលថែ និងការពារកូនជ្រូកយ៉ាងយក
ចិត្តទុកដាក់បំផុត ។

នេះជារឿងមួយដែលគួរអោយសរសើបំផុត និងមិននឹកស្មានដល់ បើទោះបីជាសត្វមែនតែ
ពួកវាបានបង្ហាញអោយឃើញពីទឹកចិត្តប្រកបដោយព្រហ្មវិហាធម៌ចំពោះគ្នានឹងគ្នា ៕