បាត់ដំបងៈ បុរសពោះម៉ាយប្រពន្ធរត់ចោល និងស្រ្តីមេម៉ាយកូន ៣បានរួមរ័ក ដោយព្រមព្រៀងគ្នា
បានជា បន្តបន្ទាប់ តាំងពីថ្ងៃទី២៣ ដល់ថ្ងៃទី២៦ សម្រេច៤ដង នៅចំណុចផ្ទះខាងស្រី ក្នុងភូមិព្រៃ
ព្រាល ឃុំឃ្លាំង មាស ស្រុកបវេល លុះចុងក្រោយពេលម្តាយឃើញ បង្ខំឲ្យកូនប្តឹងសមត្ថកិច្ចចាប់
ខ្លួនកាលពីវេលាម៉ោង៤ រសៀល ថ្ងៃទី២៧ ខែសីហា ឆ្នាំ២០១៣ បញ្ជូនមកស្នងការ នគរបាលខេត្ត
នៅរសៀលថ្ងៃទី២៩ ខែសីហា ដើម្បីចាត់ការតាមច្បាប់ ។
លោកវរសេនីយ៍ត្រី អឿម ទិត្យ អធិការនគរបាល ស្រុកបវេល បានឲ្យដឹងថា ជនសង្ស័យដែល
សមត្ថកិច្ច ឃាត់ខ្លួនមានឈ្មោះ សា វុទ្ធី ភេទប្រុស អាយុ ៣៨ឆ្នាំ ប្រពន្ធរត់ចោលរស់នៅម្នាក់ឯង
មុខរបរ កម្មករស៊ី ឈ្នួលគេ តាមភូមិ មានទីលំនៅ ភូមិព្រៃព្រាល ឃុំឃ្លាំងមាស ស្រុកបវេល។
ចំណែកស្រ្តីមេម៉ាយប្តីស្លាប់មាន អាយុ ៣៣ឆ្នាំ មានកូនតូចៗ ៣នាក់ក្នុងបន្ទុក មុខរបរ ធ្វើស្រែ រស់
នៅភូមិជាមួយគ្នាខាងលើ ។
លោកវរសេនីយ៍ត្រី អឿម ទិត្យ បានបញ្ជាក់ថា យោងតាមពាក្យបណ្តឹងរបស់ជនរងគ្រោះ ដោយ
ចោទថា បុរសពោះម៉ាយបានចាប់រំលោភខ្លួនជាបន្តបន្ទាប់ បានសម្រេច៤ដងរួចមកលោកបានឲ្យ
កម្លាំងចុះធ្វើការ ឃាត់ខ្លួនជនសង្ស័យ យកមកសាកសួរនៅអធិការនគរបាលស្រុក ។
ជនសង្ស័យបានឆ្លើយសារភាពថា ខ្លួនពិតជាបានរួមភេទជាមួយនាងបានសម្រេចចំនួន៤ដង ពិត
ប្រាកដ មែន ខណៈក្រោយពេលផឹកស៊ីរួចនៅផ្ទះខាងស្រី ដោយបានព្រមព្រៀងគ្នាគ្មានការបង្ខិត
បង្ខំនោះទេ តែ ដោយម្តាយ និងបងប្អូនខាងស្រីបានឃើញ ក៏បានបង្ខំឲ្យនាងដាក់ពាក្យបណ្តឹង
ទៅសមត្ថកិច្ច ឲ្យចាប់ខ្លួន ចាត់ការតាមច្បាប់ ដោយមិនបាន ទាមទារសំណងអ្វីឡើយ ។ ជន
សង្ស័យបានឆ្លើយទៀតថា ខណៈពេល រួមភេទជាមួយនាងម្តងៗ នាងបានចាប់ឱប និង ឡើងជិះ
ខ្លួនមុន ព្រមទាំងសរសើរថាប្រដាប់បងធំទៀត ផង។
យោងតាមពាក្យបណ្តឹង របស់ជនរងគ្រោះ និង ចម្លើយសារភាព របស់ជនសង្ស័យរួចមក លោក
អធិការស្រុកបានបញ្ជាឲ្យកម្លាំងជំនាញកសាងសំណុំរឿងបញ្ជូនខ្លួនទៅស្នងការខេត្តនៅរសៀល
ថ្ងៃទី២៩ ខែសីហា ដើម្បីចាត់ការបន្តតាមច្បាប់ ។
លោក សេង លុច នាយរងការិយាល័យ ព្រហ្មទណ្ឌកម្រិតធ្ងន់ខេត្ត បានបញ្ជាក់ថា យោងតាម
សំណុំរឿង របស់លោកអធិការស្រុកបវេល រួមនឹងជនសង្ស័យម្នាក់ ដែលបានបញ្ជូនមកស្នងការ
ខេត្ត នៅរសៀលថ្ងៃទី ២៩ ខែសីហា រួចមកការិយាល័យជំនាញបានបញ្ជូនបន្ត ទៅតុលាការខេត្ត
នៅព្រឹកថ្ងៃទី៣០ ខែសីហានេះ ដើម្បីចាត់ការតាមច្បាប់ ៕
ផ្តល់សិទ្ធិដោយ៖ ដើមអម្ពិល