(កូរ៉េ)៖ Kim So Hyun តារាស្រីកូរ៉េវ័យក្មេង បានជជែកពីឈុតឆាកសម្តែង ដ៏ក្តៅមួយ ក្នុងខ្សែភាពយន្តរឿង «Bring It On, Ghost» ដែលបង្ហាញពីស្នេហារោលរាល របស់តួប្រុសស្រី មានវ័យខុសគ្នាដល់ទៅ១១ឆ្នាំ ហើយសាច់រឿងសម្តែងរបស់តួស្រី បានធ្វើឲ្យមានការពិភាក្សាវែកញែកគ្នា ពីសំណាក់សមាជិកគ្រួសាររបស់នាង។
តារាសម្តែងដ៏ស្រស់ស្អាតរូបនេះ និយាយថា ក្រុមគ្រួសារនាង ពិសេសម្តាយរបស់នាង ពិតជាពេញចិត្តឈុតឆាក ដែលតួប្រុសស្រីថើបគ្នា ព្រោះមើលទៅ ដូចជាការពិតអ៉ីចឹង
សូម្បីតែម្តាយមីងនាង ក៏សរសើរពីការសម្តែងត្រង់ឈុតថើបគ្នានេះដែរ ដោយគាត់និយាយថា តួអង្គ Hyun Ji និង Bong Pal (សម្តែងដោយ Kim So Hyun និង Taecyeon) មើលទៅសមគ្នាណាស់។
ចំណែកជីដូន Kim So Hyun ក៏រីករាយនឹងទស្សនារឿងនេះ ទៀតផង។ ជាការពិត Kim So Hyun សារភាពថា ឈុតស្នេហាថើបមាត់គ្នាបែបនេះពិត ជាធ្វើឲ្យនាងជួបការលំបាកជាខ្លាំង ព្រោះនាងមិនដែលធ្វើដូច្នេះឡើយ ក្នុងជីវិតពិត ប៉ុន្តែការសម្តែង គឺជាបទពិសោធន៍មួយ ដែលជួយនាងទទួលបានការណែនាំ ពីរៀមច្បងទើបនាងអាចសម្តែងឈុតបែបនេះ បានល្អឥតខ្ចោះ៕
ផ្តល់សិទ្ធដោយ ៖ ខ្មែរថកឃីង