ជិះម៉ូតូ ទៅលេងស្រីស្នេហ៍ ត្រឡប់មកវិញ ចោរប្លន់ យកម៉ូតូបាត់
ភ្នំពេញ៖ យុវជនម្នាក់ ត្រូវក្រុមចោរមានគ្នា ២នាក់ ប្រដាប់ដោយកាំភ្លើងខ្លីមួយដើម ដេញតាមប្លន់យកម៉ូតូទៅបាត់ បន្ទាប់ពីវិលត្រឡប់មកពីជួបស្រីស្នេហ៍វិញ ។ ហេតុការណ៍នេះ កើតឡើងកាលពីវេលាម៉ោង៧និង៣០នាទី យប់ថ្ងៃទី២៤ ខែកក្កដា ឆ្នាំ២០១៤ ស្ថិតនៅតាមបណ្តោយផ្លូវបេតុង ភូមិត្រពាំងក្រសាំង សង្កាត់ ត្រពាំងក្រសាំង ខណ្ឌពោធិ៍សែនជ័យ ។
បើយោងតាមជនរងគ្រោះ រៀបរាប់ប្រាប់នគរបាលឲ្យដឹងថា រូបគេមានឈ្មោះ គុយ គឿន ភេទ ប្រុស អាយុ ៣០ឆ្នាំ រស់នៅក្នុងភូមិឈូកវ៉ា សង្កាត់កោគរកា ខណ្ឌព្រែកព្នៅ ម៉ូតូដែលក្រុមចោរប្លន់យកទៅនោះ ម៉ាក CBR ពណ៌ក្រហម ពាក់ស្លាកលេខ ភ្នំពេញ 1CE-9141 ចំណែកឯជនសង្ស័យវិញ មានគ្នា២នាក់ ប្រដាប់ដោយកាំភ្លើងខ្លី១ដើម ជិះម៉ូតូមួយគ្រឿង ម៉ាកសេ១២៥ ពណ៌ខ្មៅ ពុំចាំស្លាកលេខនោះទេ។
ជនរងគ្រោះបានបន្តថា មុនពេលកើតហេតុ ជនរងគ្រោះបានជិះម៉ូតូទៅជួបស្រីស្នេហ៍ នៅម្តុំភូមិកើតហេតុ លុះជួបរួចក៏វិលត្រឡប់មកផ្ទះវិញ ពេលជិះចេញបានបន្តិច ស្រាប់តែមានជនសង្ស័យពីរនាក់ ជិះម៉ូតូមួយគ្រឿងមកពីក្រោយ គំរាមឲ្យឈប់ម៉ូតូ ដោយម្នាក់ជិះនៅខាងក្រោយ ដកកាំភ្លើង១ដើម ភ្ជង់គំរាម បាញ់សម្លាប់ ទើបជនរងគ្រោះ ព្រមប្រគល់ម៉ូតូឲ្យទៅជនសង្ស័យ ជិះគេចខ្លួនបាត់ស្រមោលតែម្តង។
ក្រោយមកទើបជនរងគ្រោះ រត់មកដាក់ពាក្យបណ្តឹង នៅនគរបាលប៉ុស្តិ៍ ដើម្បីឲ្យនគរបាល ជួយស្រាវជ្រាវ ស្វែងរកមុខសញ្ញា ចាប់យកមកផ្តន្ទាទោស ទៅតាមផ្លូវច្បាប់៕
ផ្តល់សិទ្ធិដោយ៖ ដើមអម្ពិល
- ទស្សនារូបភាពភពផែនដី នាពេលយប់ ថតចេញពីផ្កាយរណប នៅទីអវកាស (02/12/2016 15:50:00)
- ទំលាប់សាមញ្ញ៣ ដែលអាចបំផ្លាញក្រលៀនរបស់អ្នកយ៉ាងធ្ងន់ធ្ងរ (28/09/2016 15:47:00)
- បញ្ជីរាយព្រះនាម ព្រះមហាក្សត្រខ្មែរ សោយរាជ្យតាំងពីសតវត្សទី១នៃគ្រឹស្ដសករាជ រហូតសព្វថ្ងៃ (12/04/2016 16:30:00)
- ទំលាប់សាមញ្ញ៣ ដែលអាចបំផ្លាញក្រលៀនរបស់អ្នកយ៉ាងធ្ងន់ធ្ងរ (12/04/2016 14:38:00)
- ប្រើប្រាស់ស្វាយទុំ ដើម្បីបំបាត់មុខមុន (12/04/2016 14:37:00)
- BREAKING NEWS: អគ្គិភ័យកំពុងឆេះកន្លែងជួសជុលរថយន្តមួយកន្លែង នៅខណ្ឌទួលគោក (18/03/2016 15:39:00)
- ក្រសួងការបរទេសអំពាវនាវយុវវ័យខ្មែរ ដាក់ពាក្យប្រកួតប្រជែងចូលបម្រើការងារនៅអគ្គលេខាធិការដ្ឋាន អ.ស.ប (18/03/2016 13:36:00)
- អាជ្ញាធរខណ្ឌជ្រោយចង្វារ ប្រកាសកាត់ដើមត្រែង និងដុតបំផ្លាញចោល សូមឲ្យប្រជាពលរដ្ឋ កុំភ្ញាក់ផ្អើល (18/03/2016 09:56:00)
- BREAKING NEWS: សម្តេចតេជោ តែងតាំងអភិបាលខេត្ត៤៖ សួន បវរ អភិបាលខេត្តបន្ទាយមានជ័យ, វ៉ែ សំណាង កំពង់ស្ពឺ (18/03/2016 09:52:00)
- នគរបាលក្រុងសៀមរាបម្នាក់ អំពាវនាវសុំពន្លឺយុត្តិធម៌ ក្រោយពូមីងបង្កើត ប្ដឹងយកដីកេរ្តិ៍ឪពុក (18/03/2016 09:11:00)