Shin Se-kyung ក្នុងខ្សែភាពយន្ដរឿង “ស្ដេចម៉ូដែល”
ស៊ីន សេឃ្យូង (Shin Se-kyung)កើតនៅថ្ងៃទី ២៩ កក្ដដា ឆ្នាំ ១៩៩០ នាងគឺជាកំពូលតារាសំដែងម្នាក់របស់កូរ៉េខាងត្បូង។ នាងបានចាប់ផ្ដើមបង្ហាញខ្លួនក្នុងវិស័យសិល្បៈតាំងពីនាងមានអាយុ ៨ឆ្នាំ(ក្នុងឆ្នាំ ១៩៩៨)។ ដោយសារជាកុមារី នាងក៏ធ្លាប់មានវត្តមាននៅក្នុងកម្មវិធី "Kiss Kiss Kiss" សម្រាប់កុមារ ហើយនៅពេលមានអាយុ ៧ឆ្នាំ ស៊ីន សេឃ្យូង ត្រូវបានក្រុមហ៊ុនម៉ូដែលកុមារមួយ អញ្ជើញឱ្យថតផ្សាយ ពាណិជ្ជ កម្ម។
បច្ចុប្បន្ន កំពូលតារាដែលមានកំពស់ ១៦៦ស.ម រូបនេះបានក្លាយជាកំពូលតារាសំដែងម្នាក់ដែលមានឈ្មោះល្បី នៅពាស់ពេញពិភពលោក។ ខ្សែភាពយន្ដល្បីល្បាញ មួយចំនួន របស់នាង មានដូចជា My Little Bride , My Husband Got a Family ,Running Man , Fashion King, Running Man និង Deep Rooted Tree ។ល។ ប៉ុន្ដែ ថ្មីៗនេះ ខ្សែភាពយន្ដដែលត្រូវបានទស្សនិកជនខ្មែរ ចាប់អារម្មណ៍បំផុត គឺរឿង ស្ដេចម៉ូដែល (Fashion King) បើទោះជាខ្សែភាពយន្ដនេះ បានធ្វើឱ្យទស្សនិកជន ត្រូវខកចិត្ត ដោយសារតែទីបញ្ចប់របស់វាមិនសមតាមបំណង។
ស្ដេចម៉ូដែល (Fashion King) គឺជាខ្សែភាពយន្ដមួយនិយាយអំពី ជោគជ័យ និងបរាជ័យរបស់ក្រុមអ្នករចនាម៉ូដវ័យក្មេង ដែលប្រកបដោយមហិច្ចតា នៅ ដុងដេម៉ុន ម៉ារឃីត(Dongdaemun Market) រួមនិងឧបសគ្គទាំងឡាយ ទាក់ទឹននឹងរឿងស្នេហា។
តួអង្គ ខាង យ៉ាំង ហ្គាល (Kang Young Gul) ដែលសំដែងដោយ យ៉ូ អាន អ៊ីន (Yoo Ah In) បានចាប់ផ្ដើមមានគោលដៅច្បាស់លាស់ក្នុងអាជីព នៅពេលបានជួបស្រីស្អាត លី ហ្គា យ៉ាំង (Lee Ga Young ) ដែលសំដែងដោយ ស៊ីន សេឃ្យូង ប៉ុន្ដែ ក្រោយមក អាជីពរបស់ ខាង យ៉ាំង ហ្គាល ត្រូវបានគេបំផ្លាញ ចំណែកស្នេហារក៏មានភាពមិនច្បាស់លាស់។
នៅពេលកំពុងមានទុក្ខដោយសារតែការបរាជ័យក្នុងការងារ ព្រមទាំងបញ្ហាស្នេហា ពេលកំពុងនៅក្នុងអាងហែលទឹក ខាង យ៉ាំង ហ្គាល បានទូរស័ព្ទទៅកាន់នាង លី ហ្គា យ៉ាំង ដើម្បីនិយាយពីការនឹករលឹក ប៉ុន្ដែជាអកុសល ពេលនោះ ខ្មាន់កាំភ្លើងដែលមិនស្គាល់មុខ បាន បាញ់ ប្រហារ ខណៈដែល ខាង យ៉ាំង ហ្គាល មិនទាន់បានស្ដាប់នូវការនិយាយថា “នឹក” ពីស្រីស្អាតលី ហ្គា យ៉ាំង នៅពេលដែលនាទីបញ្ចប់នៃខ្សែភាពយន្ដនេះជិតមកដល់។
ទស្សនិកជនជាច្រើន បានបញ្ចេញការរិះគន់ទៅលើខ្សែភាពយន្ដ ខណៈដែលមួយចំនួនទៀត សំដែងការខកចិត្ត ដោយសារតែខ្លឹមសារក្នុងវគ្គបញ្ចប់ដែលប្រកបដោយទុក្ខសោក និងការអស់សង្ឃឹមរបស់ខ្សែភាពយន្ដនេះ ។
តារា ដែលមើលច្រើន
