ភ្នំពេញ ៖ សពបុរសម្នាក់ ដែលគេមិន ទាន់ស្គាល់អត្ដសញ្ញាណ ត្រូវបានប្រជាពលរដ្ឋប្រទះ
ឃើញស្លាប់ ក្នុងថ្លុកឈាមតាមទំនប់កប់ស្រូវក្នុងភូមិត្រញំងរាំងខាងកើត សង្កាត់ឃ្មួញ ខណ្ឌ
សែនសុខ កាលពីវេលា ម៉ោង ១១និង៣០នាទីយប់ថ្ងៃទី១២ ខែសីហា ឆ្នាំ ២០១៣ ប៉ុន្ដែរហូត
មកដល់ថ្ងៃទី ១៣ ខែសីហា នេះ សមត្ថកិច្ចមិនទាន់អាចស្វែងរកអត្ដសញ្ញាណជនរងគ្រោះ
នៅឡើយទេ ហើយមូលហេតុពិតប្រាកដ ដែលបណ្ដាលឱ្យស្លាប់យ៉ាងអណោចអធមនេះ ។
បើយោងតាមសមត្ថកិច្ចមូលដ្ឋាន ជនរង គ្រោះមានសម្បុរ ខ្មៅស្រអែម កម្ពស់ ប្រហែល
១,៧០ម៉ែត្រ ស្លៀក ខោជើងវែង អត់អាវ អាយុចន្លោះពី ២៧ ទៅ៣០ឆ្នាំ ។ បើយោងតាម
ប្រជាពលរដ្ឋ ដែលឃើញសពជនរង គ្រោះនេះ អ្នកខ្លះដាក់ការសង្ស័យលើគ្រោះថ្នាក់ចរាចរ
ដែលអាចបណ្ដាលមកពី រថយន្ដបុកស្លាប់ រីឯអ្នកខ្លះ ទៀត សង្ស័យលើអំពើឃាតកម្ម ដែល
កើតចេញពីការសម្លាប់ជនរងគ្រោះ នៅកន្លែងផ្សេងរួចហើយយកមក ទម្លាក់នៅចំណុចកើត
ហេតុនេះ ។ យ៉ាងណាក៏ដោយសមត្ថកិច្ចតាមរយៈសារព័ត៌មានសូមអំពាវនាវដល់ប្រជាពល
រដ្ឋណាដែលបាត់បងប្អូន ឬសាច់ញាតិដែល បង្ហាញភិនភាគដូចខាងលើនេះ សូមមកពិនិត្យ
សព ដែលតម្កល់ទុកនៅវត្ដទឹកថ្លា ៕
ផ្តល់សិទ្ធិដោយ៖ ដើមអម្ពិល