អតិថិជន៖ ក្រុមហ៊ុន អ៊ីធើណេត Opennet របស់វៀតណាម មិនឲ្យ តម្លៃរូបិយបណ្ណខ្មែរ
ភ្នំពេញ៖ អតិថិជនដែលប្រើប្រាស់ សេវាកម្មអ៊ីធើណេតរបស់ក្រុមហ៊ុន Opennet ដែលគេស្គាល់ថា ជាការវិនិយោគរបស់ក្រុមហ៊ុន វៀតណាម បានរិះគន់ចំៗទៅលើក្រុមហ៊ុននេះថា មិនឲ្យតម្លៃរូបិយ ប័ណ្ណកម្ពុជា ជាប្រាក់រៀលនោះឡើយ ពោលគឺបង់ប្រាក់ខ្មែរ មានតម្លៃខ្ពស់ ជាងការដូរប្រាក់ ដុល្លារនៅលើទីផ្សារ ។
អតិថិជនរបស់ Opennet មួយរូប បានប្រាប់ Looking TODAY ក្នុងលក្ខខណ្ឌសុំមិនបញ្ចេញឈ្មោះថា ខ្លួនខឹងចិត្តនឹងក្រុមហ៊ុនផ្តល់សេវាអ៊ីធើណេត Opennet មួយនេះណាស់ ក៏ព្រោះថា ក្រុមហ៊ុនហាក់ មិនឲ្យតម្លៃប្រាក់រៀលខ្មែរទាល់តែសោះ ពោលគឺលើកទឹកចិត្តឲ្យអតិថិជនរបស់ខ្លួន បង់សេវាតែ ប្រាក់ដុល្លារ។
អតិថិជនរូបនោះនិយាយទៀតថា ហេតុដែលខ្លួនហ៊ាននិយាយដូច្នេះ ព្រោះថាពេលដែលទៅបង់ ថ្លៃសេវាជារៀងរាល់ខែ ខាងក្រុមហ៊ុនបានសរសេរអក្សធំៗ នៅកន្លែងទទួលលុយថា «១ដុល្លារ = ៤២៥០រៀល» គឺតម្លៃ១ដុល្លារ នៅលើទីផ្សារថ្លៃមិនដល់ ៤១០០រៀលផង។
នៅពេលដែលបង់សេវាលុយរៀល ពួកគេតម្រូវឲ្យគិតអត្រាប្រាក់ ១ដុល្លារ ស្មើនឹង ៤២៥០រៀល ទើបយល់ព្រម។ នេះហើយបញ្ជាក់ថា ក្រុមហ៊ុនរបស់វៀតណាមមួយនេះ រើសអើងប្រាក់រៀលខ្មែរ និយមតែប្រាក់ដុល្លារប៉ុណ្ណោះ បើទោះបីគេកំពុងរកស៊ីលើទឹកដីខ្មែរក្តី។
ពាក់ព័ន្ធនឹងក្រុមហ៊ុនអ៊ីធើណេត Opennet នេះ ដែល មានអតិថជនមួយចំនួន អ្អូញត្អែរថា សេវា អ៊ីធើណេត របស់ក្រុមហ៊ុននេះ មានដំណើការរអាក់រអួល និង ដើរយឺតផងដែរ ដែលធ្វើឲ្យពួកគេ តឹងចិត្តយ៉ាងខ្លាំង។
អង្គភាពព័ត៌មានយើងខ្ញុំ មិនទាន់អាចសុំការអត្ថាធិប្បាយ ពីការរិះគន់របស់អតិថិជនលើ ក្រុមហ៊ុន Opennet បានទេ នារសៀលថ្ងៃទី ៦ ខែធ្នូ ឆ្នាំ២០១៣នេះ៕
ផ្តល់សិទ្ធិដោយ៖ ដើមអំពិល
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)