ល្បីពេញអ៊ិនធើណេត ខណៈប្រទះឃើញ ពពួកសត្វជ្រូក ចេះលេងរំអិលបំពង់លូ នៅឯកសិដ្ឋានផ្ទាល់ខ្លួន
ចម្លែកៗ ៖ ទីភ្នាក់ងារសារព័ត៌មានបរទេសប្លែកបរទេស metro បានចេញផ្សាយអោយដឹងថា
នៅឯប្រទេសហូឡង់ឯណោះវិញ ពពួកសត្វជ្រូកមួយក្រុម ត្រូវបានរកអោយឃើញថា ពិតជា
មានសំណាងហួស ក្នុងជីវិតរស់នៅប្រចាំថ្ងៃ ក្នុងកសិដ្ឋានរបស់ពួកវា បន្ទាប់ពីម្ចាស់ពួកវា
បានបែកគំនិតក្នុងការបំពាក់នូវបំពង់លូរំអិលលេងភក់ ក្រោយពីរូបគាត់ផ្ទាល់ ត្រូវបានជំរុញ
និងលើកទឹកចិត្តដោយបំពង់រំអិលលេងទឹកនៅឯសួនទឹក។
គួរបញ្ជាក់ផងដែរថា កសិកររូបនោះ មានឈ្មោះថា Erik Stegink បានសំរេចចិត្តទិញបំពង់
លូរំអិលលេងភក់មួយនេះ ពីអាងហែលទឹក ដែលនៅជិតនឹងកសិដ្ឋានរបស់គាត់ ។ ជំនួស
អោយការរំអិលលេងជាមួយនឹងទឹក ពពួកសត្វជ្រូកទាំងអស់នេះ អាចរីករាយជាមួយនឹង
ការរំអិលលេងជាមួយនឹងភក់ ដែលមាននៅក្នុងកសិដ្ឋានផ្ទាល់របស់ពួកវា។
គួររំឭកផងដែរថា ករណីបែកគំនិតក្នុងការធ្វើបែបនេះឡើង ពីសំណាក់លោក Erik Stegink
ហើយនោះ ក្រុមមនុស្សជាពិសេសបណ្តាអ្នកលេងប្រព័ន្ធអ៊ិនធើណេត ពិតជាមានការចាប់
អារម្មណ៍ជាខ្លាំង ដោយមានការសរសើរ ក៏ដូចជា សើច និងនិយាយតៗគ្នា មិនដាច់ពីមាត់
ក្រោយពីបានឃើញសត្វជ្រូក រីករាយក្នុងជីវិតប្រចាំក្នុងកសិដ្ឋាន ដោយរំអិលលេងជាមួយ
នឹងលូភក់មួយនេះ៕
ដោយ ៖ ពិសី
ប្រភព ៖ metro
- ម្ចាស់ចំការ រកបានរាប់ម៉ឺនដុល្លារ ក្នុងមួយឆ្នាំ ពីដំណាំ “ដៃព្រះ” (27/01/2015 18:23:00)
- លេចរូបភាពដូចកប៉ាល់ ក្នុងដែនអាកាស ក្នុងកាមេរ៉ាអ្នកទេសចរណ៍ ធ្វើអោយមានការភ្ងាក់ផ្អើល (11/06/2013 11:24:00)
មិនគួរឲ្យជឿ ដែលមើលច្រើន
