រិន សាវ៉េត ទទួលបានម៉ូតូសង់ស៊េរីថ្មី ២០១៧ ចំនួន១គ្រឿង ពីលោក ឃ្លាំង ហួត
(ភ្នំពេញ)៖ លោក ឃ្លាំង ហួត អភិបាលជ្រោយចង្វារ នៅព្រឹកថ្ងៃទី២២ ខែតុលា ឆ្នាំ២០១៦នេះ បានផ្ដល់ម៉ូតូ Honda Dream ឆ្នាំ២០១៧ មួយគ្រឿង ដល់តារាចម្រៀង នៅផលិតកម្ម ហង្សមាស លោក រិន សាវ៉េត ដែលមានជីវភាពក្រលំបាក រស់នៅក្នុងផ្ទះជួល ជាមួយប្រពន្ធ និងកូន។
លោក អភិបាលខណ្ឌ បានបញ្ជាក់ពីជីវិតដ៏កំសត់ របស់លោក រិន សាវ៉េត យ៉ាងដូច្នេះថា «ពិតជាអាណិត សាវ៉េត ណាស់ គាត់ជាអ្នកផ្សងព្រេង ពីខេត្តបន្ទាយមានជ័យមកការងារ ជាជាងសំណង់ នៅរាជធានីភ្នំពេញ បន្ទាប់មកក្លាយខ្លួនជាតារាចម្រៀងដ៏ល្បី ភាពជាមនុស្សស្លូតបូត របស់សាវ៉េត ត្រូវបានឯកោគ្មានអ្នកជួយទំនុកបំរុង សាវ៉េត រស់នៅផ្ទះជួលជាមួយប្រពន្ធ និងកូនក្នុងជីវភាពលំបាក តើខ្ញុំជាអ្នកមកពីបន្ទាយមានជ័យដែរ គឺមិនអាចឱបដៃ មើលសាវ៉េត រស់នៅក្នុងស្ថានភាពលំបាក បែបនេះបានឡើយ អ្វីដែលខ្ញុំជួយសាវ៉េតបានគឺខ្ញុំជួយ»។
លោក ឃ្លាំង ហួត បានឲ្យដឹងថា មូលហេតុបានជាលោក សម្រេចចិត្តជួយតារាចម្រៀងរូបនេះ ព្រោះថា លោក រិន សាវ៉េត ជាមនុស្សល្អ ទន់ភ្លន់ស្លូតបូត មិនចេះអែបអប រស់តាមសម្ថតភាពខ្លួនឯង ហើយសាវ៉េត ជាតារាចម្រៀង ច្រៀងបទលំនាំដើមបានពីរោះ ហើយស្ថិតនៅក្នុងជួរតារាល្បី ដោយមូលហេតុភាពស្លូតបូត ទន់ភ្លន់ មិនចេះត្អូញសុំ គឺធ្វើឲ្យអ្នកដទៃមើលរំលង។
លោកអភិបាលខណ្ឌជ្រោយចង្វារ បានផ្ដាំផ្ញើថា «ចាប់ពីថ្ងៃនេះតទៅ ត្រូវខិតខំតស៊ូ ក៏សាងជីវិតបន្តទៀតទៅមុខទៀត ខ្ញុំនៅជាមួយសាវ៉េតជានិច្ច ខ្ញុំសូមថ្លែងអំណរគុណដល់ ឧកញ៉ា សៅ វល្ស័ក ដែលបានផ្ដល់ទុនការសិក្សាដល់កូន រិន សាវ៉េត។ សូមឲ្យវប្បធម៌ចែករំលែក ស្ថិតនៅក្នុងក្រអៅបេះដូងខ្មែរ គ្រប់ៗគ្នា»៕
ផ្តល់សិទ្ធដោយ ៖ ខ្មែរថកឃីង
- កំពុងមានក្ដីរំពឹងឡើងវិញ.! រិន សាវ៉េត ទទួលបានអំណោយឧបត្ថម្ភបន្ថែម តាមរយៈ ម៉េង កែវពេជ្ជតា (27/01/2017 09:45:00)
- ប្រពន្ធរបស់លោក រិន សាវ៉េត ទទួលបានការទំនុកបម្រុង ជាច្រើនពីសំណាក់ លោក ហ៊ុន ម៉ាណែត (26/01/2017 09:45:00)
- ខ្លោចចិត្ត.! អ្នកសិល្បៈទម្លាយរឿង ភរិយាតារាចម្រៀងរិនសាវេត មានជំងឺមហារីកធ្ងន់ធ្ងរ (20/01/2017 15:17:00)
តារា ដែលមើលច្រើន
