CamNews

យោង​តាម​សមត្ថកិច្ច​ថា​ ​គ្រូ​ជនជាតិ​ហ្វីលីពីន​ ​ដែល​ប្រឈមមុខនឹង​ការចោទប្រកាន់​ពី​បទ​រំលោភ​សេពសន្ថវៈ​ ​នៅ​សាលាដំបូង​ខេត្តកណ្តាល​បាន​បដិសេធ​ការចោទប្រកាន់​ ​ដោយ​គ្មាន​ផ្តល់​ការ​ដោះសា​រណា​មួយ​ឡើយ​។​
​
​លោក​ ​យន់​ ​សុ​យ៉ាន់​ ​មន្ត្រី​នគរបាល​ព្រហ្មទណ្ឌ​ក្រុង​តាខ្មៅ​ ​បាន​និយាយ​ថា​ ​បុរស​អាយុ​ ​២៧​ ​ឆ្នាំ​ ​ឈ្មោះ​ ​Roman​ ​Palo​ ​Aquino​ ​ដែល​ត្រូវ​បាន​ចោទប្រកាន់​ពី​បទ​រំលោភ​សេពសន្ថវៈ​ ​នៅ​សាលាដំបូង​ខេត្តកណ្តាល​កាលពី​ថ្ងៃទី​ ​១៣​ ​ខែឧសភា​ ​បាន​បដិសេធ​ការចោទប្រកាន់​ ​ក្នុង​ពេល​សមត្ថកិច្ច​ចោទសួរ​។​
​

​លោក​ ​Aquino​ ​ដែល​បង្រៀន​ភាសាអង់គ្លេស​ ​នៅ​សាលា​អន្តរជាតិ​ ​វេ​ស្ទលែ​នដ៍​ ​ស្ថិត​ក្នុង​ឃុំ​តាខ្មៅ​ ​ត្រូវ​បាន​ចាប់ខ្លួន​កាលពី​ថ្ងៃទី​ ​១០​ ​ខែឧសភា​ ​បន្ទាប់ពី​មា​នប​ណ្តឹ​ងរ​បស់​ឪពុក​ម្តាយ​ក្មេងស្រី​អាយុ​ ​៤​ ​ឆ្នាំ​ ​ដែល​ជា​សិស្សរបស់​ជនជាប់ចោទ​។​ ​ពាក្យ​បណ្តឹ​ងនេះ​បាន​ចោទប្រកាន់​ថា​លោក​ ​Aquino​ ​បាន​រំលោភ​នាង​នៅក្នុង​បន្ទប់ទឹក​សាលា​ ​មុន​ពេល​ឪពុក​ម្តាយ​ជនរងគ្រោះ​មក​ទទួល​នាង​ចេញពី​រៀន​។

​”​អំឡុង​ពេល​សមត្ថកិច្ច​សួរចម្លើយ​ ​លោក​ ​Aquino​ ​បាន​បដិសេធ​ការចោទប្រកាន់​នេះ​”​​។​ ​”​គាត់​បាន​និយាយ​ថា​ ​គាត់​មិនបាន​រំលោភបំពាន​ផ្លូវភេទ​លើ​ជនរងគ្រោះ​ ​ឬក៏​រំលោភ​នាង​ទេ​។​ ​គាត់​និយាយ​ថា​ ​គាត់​មិនដឹង​ថា​មាន​អ្វី​កើតឡើង​លើ​ក្មេងស្រី​នោះ​ទេ​។​ ​”​
​
​ទោះជាយ៉ាងណា​ក៏ដោយ​ ​ពាក្យ​បណ្តឹង​ប្រឆាំង​នឹង​រូបលោក​ ​មាន​ភស្តុតាង​នៃ​ការបំពាន​ ​និង​រំលោភ​សេពសន្ថវៈ​ទៅលើ​ជនរងគ្រោះ​ ​ត្រូវ​បាន​ផ្តល់​សក្ខីកម្ម​ដោយ​វេជ្ជបណ្ឌិត​ ​ដែល​ធ្វើការ​ពិនិត្យ​លើ​ជនរងគ្រោះ​។​ ​សមត្ថកិច្ច​មិនបាន​ជឿ​លោក​ ​Aquino​ ​និង​បាន​បញ្ជូន​គាត់​ទៅ​តុលាការ​ដើម្បី​សាកសួរ​បន្ត​ ​បន្ទាប់មក​គាត់​ត្រូវ​បាន​ចោទប្រកាន់​ ​ហើយ​បញ្ជូន​ទៅ​ឃុំខ្លួន​បណ្តោះអាសន្ន​”​។​
​
​លោក​ ​Aquino​ ​ត្រូវ​ប្រឈមមុខ​ជាប់ពន្ធ​ធនាគារ​ពី​ ​៧​ ​ទៅ​ ​១៥​ ​ឆ្នាំ​ប្រសិនបើ​ត្រូវ​ផ្តន្ទា​ទោស​។​
​
​លោក​ ​សុ​យ៉ាន់​ ​បាន​កត់សម្គាល់​ថា​លោក​ ​Aquino​ ​មក​ពីទី​ក្រុង​ម៉ានីល​ ​ចូល​មក​ប្រទេស​កម្ពុជា​ ​ក្នុងនាម​ជា​អ្នកទេសចរ​ ​មុន​ពេល​គាត់​ចាប់ផ្តើម​បង្រៀន​ភាសាអង់គ្លេស​ ​នៅ​សាលា​អន្តរជាតិ​ ​វេ​ស្ទលែ​នដ៍​ ​នៅ​ឃុំ​តាខ្មៅ​ ​ក្នុង​ឆ្នាំ​ ​២០១៧ ​៕​

ប្រភព ៖ khmertimes