CamNews

​​កាលពី​ម្សិលមិញ​សាលាដំបូង​រាជធានី​ភ្នំពេញ​បាន​ថ្កោលទោស​បុរស​ម្នាក់​ឱ្យ​ជាប់ពន្ធ​ធនាគារ​ ​៥ឆ្នាំ​ ​និង​ពិន័យ​ជា​ប្រាក់​ប្រហែល​ ​៥ពាន់​ ​ដុល្លារ​បន្ទាប់ពី​រក​ឃើញថា​គាត់​បាន​រំលោភ​ផ្លូវភេទ​ ​ទៅលើ​កម្មករ​រោងចក្រ​កាត់ដេរ​អាយុ​ ​១៥​ ​ឆ្នាំ​។​

​ចៅក្រម​ ​អ៊ុ​ក​ ​សុវណ្ណា​រិទ្ធិ​ ​បាន​កំណត់​អត្តសញ្ញាណ​បុរស​ម្នាក់​នោះ​ថា​ជា​ ​កម្មករ​លាង​រថយន្ត​អាយុ​ ​៤១​ ​ឆ្នាំ​ឈ្មោះ​ ​ចូច​ ​ទ្រី​ ​ដែល​រស់នៅ​ក្នុង​ ​ខណ្ឌមានជ័យ​។​

​លោក​ចៅក្រម​ ​សុវណ្ណា​រិទ្ធិ​ ​បាន​មានប្រសាសន៍​ថា​ឈ្មោះ​ ​ទ្រី​ ​ត្រូវ​បាន​ចាប់ខ្លួន​កាលពី​ ​ខែសីហា​ ​ឆ្នាំមុន​ ​នៅផ្ទះ​ជនជាប់ចោទ​នៅ​ ​ឃុំ​ទំនោរ​ ​មុន​ពេល​លោក​ត្រូវ​បាន​ចោទប្រកាន់​ពី​បទ​រំលោភ​សេពសន្ថវៈ​។​ ​ឈ្មោះ​ ​ទ្រី​ ​បាន​បញ្ចុះបញ្ចូល​ជនរងគ្រោះ​ឲ្យ​មើល​ទូរទស្សន៍​ជាមួយ​ខ្លួន​ខណៈ​ដែល​ភរិយា​ ​និង​កូន​ ​ៗ​ ​របស់​គាត់​មិន​នៅផ្ទះ​។​ ​ជនរងគ្រោះ​បាន​ចូល​ទៅ​ក្នុង​ផ្ទះ​របស់​គាត់​ហើយ​ ​គាត់​បាន​បិទទ្វារ​ ​បន្ទាប់មក​ ​គាត់​បាន​ចាប់​នាង​ហើយ​បាន​សង្កត់​លើ​ខ្លួន​នាង​។​

​លោក​ចៅក្រម​ ​សុ​វណ្ណា​រិទ្ធ​ ​បាន​បន្ថែម​ថា​ ​«​បន្ទាប់ពី​ការ​ចាប់រំលោភ​ ​គាត់​បាន​គំរាមកំហែង​ជនរងគ្រោះ​ថា​ ​ប្រសិនបើ​ហ៊ាន​ប្រាប់​នរណា​ម្នាក់​នោះ​ ​នាង​នឹង​ត្រូវ​ស្លាប់​”​ ​។​

​ជនរងគ្រោះ​មិនបាន​ប្រាប់​ឪពុក​ម្តាយ​របស់​នាង​អំពី​បទល្មើស​នេះ​ទេ​ ​ទោះជាយ៉ាងណា​ម្ដាយ​របស់​នាង​បាន​ឆ្ងល់​ ​ដោយសារតែ​ជនរងគ្រោះ​មិនបាន​ចេញពី​បន្ទប់​។​

​នៅពេល​សួរ​កូនស្រី​របស់​គាត់​ ​ជនរងគ្រោះ​បាន​ប្រាប់​គាត់​ពី​អ្វី​ដែល​បាន​កើតឡើង​ជាមួយ​ ​លោក​ ​ទ្រី​។​

​បន្ទាប់ពី​ចាប់ខ្លួន​ ​លោក​ ​ទ្រី​ ​គាត់​បាន​សារភាព​ថា​ពិតជា​បាន​ប្រព្រឹត្ត​បទល្មើស​នេះ​មែន​។​ ​គាត់​បាន​និយាយ​ថា​គាត់​ស្រឡាញ់​ជនរងគ្រោះ​ហើយ​ចង់​រួមភេទ​ជាមួយ​នាង​។​

​”​នាង​ជា​ស្រី​ស្អាត​។​ ​ខ្ញុំ​ស្រឡាញ់​នាង​។​ ​ខ្ញុំ​ចង់​រួមភេទ​ជាមួយ​នាង​”​ ៕