Pey Pey Dy ខឹងអ្នករត់កង់បី រហូតដល់បង្ហោះវីដេអូទាំងកណ្ដាលថ្ងៃត្រង់
(ភ្នំពេញ)៖ តារាសម្តែង និងជាតារាហ្វេសប៊ុកដ៏ល្បីឈ្មើ លោក Pey Pey Dy បានបង្ហោះឃ្លីបវីដេអូខ្លីមួយ បង្ហាញអារម្មណ៍ហួសចិត្តផង អស់សំណើចផង បន្ទាប់ពីរថយន្តរបស់លោក ត្រូវបានម៉ូតូរ៉ឺម៉កកង់បីបុកពីក្រោយ បណ្ដាលឲ្យកំពិត និងឆ្កូតថ្នាំមួយផ្នែកចំហៀងខាងក្រោយ។
តាមរយៈវីដេអូមានរយៈពេលជិត៣នាទី ដែលលោក Pey Pey Dy បង្ហោះនៅលើហ្វេសប៊ុកជាសាធារណៈ នៅម៉ោងប្រមាណ ១ថ្ងៃត្រង់ ថ្ងៃទី០៥ ខែមីនានេះ ដោយបាននិយាយថា៖ ថ្ងៃនេះចង្រៃអ្វី ឬក៏លោកជាន់ពែនណាគេនោះ ទេស្រាប់តែចេញដំណើរពីផ្ទះមិនទាន់បានប៉ុន្មានផង ស្រាប់តែមានម៉ូតូរ៉ឺម៉កកង់បីមួយគ្រឿង បើកបររេពេញផ្លូវក៏ជ្រុលចង្កូតមកប៉ះជាមួយរថយន្តរបស់ខ្លួន បណ្តាលឲ្យខូចខាតឆ្កូតឆ្នាំយ៉ាងដំណំ។
លោក Pey Pey Dy បាននិយាយបន្តទាំងសំណើច និងហួយចិត្តទៀតថា ការដែលនាំឲ្យលោកឈប់រថយន្តថតវីដេអូបង្ហោះទាំងកណ្តាលថ្ងៃត្រង់នេះ មកពីមានអារម្មណ៍មួម៉ៅពេកព្រោះកន្លងមកធ្លាប់ឃើញបងប្អូនអ្នករត់ ម៉ូតូរ៉ឺម៉កកង់បីមួយចំនួនគាត់មិនសូវជាគោលរពសិទ្ធិគ្នាក្នុង ការបើកបរឡើយ ដូចជាពេលនេះអីចឹង ស្រាប់តែមានរឿងរ៉ាវនេះកើតឡើងមកលើលោកវិញម្តង។ ប៉ុន្តែទោះបីជាយ៉ាងនេះក៏ពិត លោក Pey Pey Dy មិនរករឿងទាមទារថ្លែសំណងពីភាគីម្ចាស់រត់ម៉ូតូរ៉ឺម៉កកង់បីឡើយ។
តារាហ្វេសប៊ុកហ្វេសប៊ុករូបនេះ ក៏បានសូមណូមពរដល់អ្នកបើកបរម៉ូតូរ៉ឺម៉កកង់បីទាំងអស់ មេត្តាបើកបរឲ្យមានការប្រុងប្រយ័ត្នផងចៀសវាងការបង្គ្រោះថ្នាក់ដ៏ អ្នកដទៃ ព្រោះថាលើនេះប៉ះចំលោក ចុះបើចំអ្នកដទៃវិញប្រហែលជាគេចាំឲ្យសងថ្លៃខូចខាតជាមិនខាន៕
ផ្តល់សិទ្ធដោយ ៖ ហ្វ្រេសញូវអាស៊ី
- Pey Pey Dy ឆេះដុំជាមួយនឹងពិធីករទូរទស្សន៍ MYTV រហូតដល់ថ្នាក់.... (11/12/2017 10:13:00)
- Pey Pey Dy និយាយរឿងប្រពន្ធដើម ប្រពន្ធចុង ប្រហែលប៉ុន្មាននាទីនេះ ពិតជាមានន័យមែន ធ្វើឲ្យ Fans សរសើរ! (03/02/2017 14:30:00)
- សម្រែកថា ចោរៗ PeyPey Dy ប៊ិះត្រូវតុលាការប្រជាជន វាយទ្រមខ្លួន (មានវីដេអូ) (06/01/2017 09:25:00)
- ទោះបីធ្លាប់ឈ្លោះគ្នាបែកផ្សែង ក៏ PeyPeyDy នៅតែចង់តែងខ្លួនដូច ពេជ្រ សោភា (24/09/2015 09:24:00)
តារា ដែលមើលច្រើន
