CamNews

​​​​​​ភ្នំពេញ ព្រះរាជាណាចក្រកម្ពុជា (​​​​​ ថ្ងៃទី​១៦ ខែមីនា​ ឆ្នាំ២០១៦​​ )​ ល្ខោនសៀកកម្ពុជាហ្វារ និងសមា​​​​គមហ្វារពន្លឺសិល្បៈ មានសេចក្ដីសោមនស្ស​​ ដើម្បីប្រកាស​នូវការ​​វិលត្រឡប់​​នៃមហោស្រពល្ខោនសៀកអន្តរជាតិ ទីនេះទីនោះ។​ ខួបលើកទី១០    នៃសៀកសហសម័យនៅឆ្នាំនេះ មានការចូលរួមពីបណ្ដាប្រទេសអន្តរជាតិជុំវិញពិភពលោកដោយមាន៥ក្រុមមកពី ប្រទេស​អូស្រ្តាលី​​​​ ​​​ កាណាដា    ឥណ្ឌូនេស៊ី​        នេប៉ាល់ និង​ប្រទេសបារាំង​ រួមជាមួយ​សិល្បៈករ​កម្ពុជា​​មកពី​​​​ល្ខោនសៀកកម្ពុជា ហ្វារ​។ មហោស្រពល្ខោនសៀកអន្តរជាតិ​នេះនឹង​​ប្រព្រិត្តិ​​​ទៅនៅថ្ងៃទី២៨ ខែមេសា​ ដល់​​ ថ្ងៃទី១០ ខែឧសភា ​ឆ្នាំ២០១៦​ នៅរាជធានីភ្នំពេញ បាត់ដំបង និង​ខេត្ត       សៀមរាប។ មានរួមបញ្ចូល​ទាំងការសម្ដែង​នាពេលរាត្រី​ ការ​សម្ដែងតាមដងវិថី ការឆ្លុះបញ្ចាំងនៃទស្សនីយភាពអំពីល្ខោនសៀក និងកិច្ចពិភាក្សាជាសាធារណៈ​អំពីអាជីវកម្ម​នៃការសម្ដែងសិល្បៈ។

មានមនុស្សជាង៤៥០០នាក់ ដែលបានចូលរួម​ក្នុងព្រឹត្តិការណ៍មហោស្រព"ទីនេះ   ទីនោះ" ​នាឆ្នាំមុន​​ ដែលបានចំណាយពេលប្រាំបីយប់នៅក្នុងបីខេត្តក្រុងនេះ។  លោក ហួត​ ដារា​ នាយកប្រតិបត្តិ នៃល្ខោនសៀកកម្ពុជាហ្វារ​​ បាន​មានប្រសាសន៍ថា​ "ប្រទេស​កម្ពុជាកំពុង​ឈានមុខក្នុងតំបន់នៃការ​​សម្តែងសៀកសហសម័យរួមជាមួយ ការសម្ដែង​នាពេលរាត្រី​រយៈពេល​បីឆ្នាំ​ ដោយ​ល្ខោនសៀកកម្ពុជាហ្វារ ​​នៅខេត្តសៀមរាប​ និង​រយៈពេលម្ភៃឆ្នាំ​នៃការសម្ដែងយ៉ាងទៀងទាត់​​ដោយ​សមាគមហ្វារពន្លឺសិល្បៈ  "ទីនេះទីនោះ" គឺជាព្រឹត្តិការណ៍ដែលបង្ហាញអំពីសិល្បៈ ហើយយើងកំពុងតែនាំយក​នៅការសម្ដែងសៀកសហសម័យ​ ​មកពីទូទាំងពិភពលោកមកដើម្បីបានទស្សនា​​ និងចូលរួមក្នុងឆាកសិល្បៈដ៏រស់រវើកមួយនេះ" ។

ក្រុមសៀកអន្តរជាតិនៅក្នុងឆ្នាំនេះមាន​ ក្រុម Flying Fruit Fly Circus ដែលជាសៀកយុវជន​ជាតិ​ មកពីប្រទេសអូស្រ្តាលី​ និងត្រៀមបង្ហាញការសម្ដែង​ថ្មី​​ឈ្មោះ Stunt Lounge, ក្រុម Collectif Open Ticket មកពីប្រទេសបារាំងដែលនឹងសម្តែងរឿង Sans queus ni tete (Nonsense), ក្រុមសៀក Inner Ring​ មកពីប្រទេសកាណាដាដែលនឹងសម្តែងរឿង duo juggling duo act.  ក្រុមសៀកហ្វារពន្លឺសិល្បៈយើងនឹងសម្តែងរឿងថ្មីបំផុត គឺ " ឥទ្ធិពល "។ ក្នុងរាត្រីនីមួយៗនៃមហោស្រពសៀកអន្តរជាតិនេះនឹងធ្វើការសម្តែងក្នុងរយៈពេលខុសៗគ្នា។

គោលបំណងតែមួយគត់របស់ មហោស្រពសៀក​ ទីនេះទីនោះ​ ត្រូវ​បានលើកទឹកចិត្តឱ្យមានកិច្ចសហការជាអន្តរជាតិតាមរយៈការបង្ហាត់បង្ហាញ វេទិកាសៀក និងការ​សម្ដែងតាមដងផ្លូវ​។     សិល្បៈករត្រូវបានបំបែកជាក្រុមដើម្បីចែករំលែកជំនាញ និង ធ្វើការរួមគ្នាដើម្បីបង្កើតអ្វីថ្មីៗ ។ ទាំងនេះនឹងត្រូវបានបង្ហាញឡើងនៅទីសាធារណៈក្នុងខេត្តបាត់ដំបង និងខេត្តសៀមរាប ក្នុងអំឡុងពេលប្រារព្ធពិធី ។  លោក ហួត​      ដារា បាននិយាយថា "សិល្បករភាគច្រើននិយាយភាសាមិនដូចគ្នា និងមកពីមជ្ឈដ្ឋានខុសគ្នា"​​​​​​​​ ។ "សិក្ខាសាលាទាំងនេះគឺជាវិធីសាស្រ្តដ៏អស្ចារ្យសម្រាប់របាំងនៃវប្បធម៍ រៀនជំនាញថ្មីៗ និងកិច្ចសហការយ៉ាងផុសផុល។ ទាំងនេះបានផ្តល់ឱកាសឲ្យសិល្បៈករកម្ពុជា និង សិល្បៈករអន្តរជាតិដែលធ្វើដំណើរយ៉ាងវែងឆ្ងាយដើម្បីចូលរួមក្នុងកម្មវិធីមហោស្រពនេះ ដោយបានបើកទ្វារដើម្បីទំនាក់ទំនងការងារបន្ថែមទៀតនាពេលអនាគត និងបានពង្រឹងកេរ្តិ៍ឈ្មោះរបស់ប្រទេសកម្ពុជា ក្នុងនាមជា    មេដឹកនាំមួយនៅក្នុងវិស័យសិល្បៈ ច្នៃប្រឌិតនិងការសម្តែងនៅក្នុងតំបន់" ។

ការ​សម្ដែងតាមដងវិថី​​ ក្បួនដង្ហែរ និងកិច្ចពិភាក្សាគឺមិនត្រូវបានគិតថ្លៃ និងបើកចំហជាសាធារណៈ សម្រាប់សំបុត្រចូលទស្សនាការសម្ដែងអាចរកទិញបាន​ចាប់ពីថ្ងៃទី១៤ ខែមីនា ឆ្នាំ២០១៦ នៅ tinitinou.com ឬនៅតាមកន្លែងលក់សំបុត្រជាច្រើនទៀត​ ក្នុងបីខេត្ត​ក្រុងនេះ​ ចាប់ពី​ថ្ងៃទី ០៦ខែមេ​សា ឆ្នាំ២០១៦ (សូមមើលវេបសាយ សម្រាប់ពត៌មានលម្អិត)។

មហោស្រពសៀក ទីនេះទីនោះ ឆាំ្ន២០១៦​ ត្រូវបានឧបត្ថម្ភ​​ធំ​ដោយ​​ ​Cambodia Airport រួមសហការ​​ ឧបត្ថម្ភ​ដោយ  Smart Mobile​ និង​ស្ថានីយ៍ប្រេងឥន្ធនៈតូតាល់ ដោយមានការចូលរួមសហការ​ឧបត្ថម្ភ​ដោយ​ហាង​​កាហ្វេ Costa, Krispy Kreme,         រីសត Angkor Village, រីសតShinta Mani, ​​​​​សណ្ឋាគារ​ InterContinental             Phnom Penh, និង​សណ្ឋាគារសូហ្វីតែល​​ រួមជាមួយដៃគូរ​ស្ថាប័ន​​​មានដូចជា​         វិទ្យាស្ថានបារាំងកម្ពុជា ស្ថានទូតអូស្ត្រាលី សហភាពអឺរ៉ុប និងក្រសួងវប្បធម៍ ។

កាលវិភាគ ការសម្តែង ( ថ្ងៃទី ២៨ មេសា ដល់​ថ្ងៃទី ១០ ឧសភា ឆ្នាំ ២០១៦ )

• រាជធានីភ្នំពេញ : សាលមហោស្រពចេនឡា

ថ្ងៃទី ២៨ ខែមេសា ដល់ថ្ងៃទី ៣០ ខែមេសា  ចាប់ពីម៉ោង ៧:០០យប់

ដល់ម៉ោង ៨:៣០​ យប់

ថ្ងៃទី ០១ ឧសភា ពី ម៉ោង ៥:០០ ល្ងាច ដល់ម៉ោង ៦:៣0 ល្ងាច

• បាត់ដំបង : សមាគមហ្វាពន្លឺសិល្បៈ

ថ្ងៃទី ០៣ ខែឧសភា ដល់ថ្ងៃទី ០៦ ខែឧសភា  ចាប់ពីម៉ោង៧:៣០យប់

ដល់ម៉ោង ៨:៣០យប់

• សៀមរាប : ល្ខោនសៀកកម្ពុជាហ្វារ

ថ្ងៃទី ០៨ ខែឧសភា ដល់ថ្ងៃទី ១០ ខែឧសភា ​ ចាប់ពីម៉ោង ៦:០០ល្ងាច

ដល់ម៉ោង ៧:០០យប់

ពត៌មាន​សម្រាប់សំបុត្រទស្សនា​ : 

• រាជធានីភ្នំពេញ

កៅអី VIP : ២០ដុល្លារអាមេរិកសម្រាប់មនុស្សពេញវ័យ

និង ១២ដុល្លារអាមេរិកសម្រាប់កុមារ

កៅអីធម្មតា: ១០ដុល្លារអាមេរិកសម្រាប់មនុស្សពេញវ័យ

និង ០៦ដុល្លារអាមេរិកសម្រាប់កុមារ

• បាត់ដំបង

កៅអីធម្មតា : ១២ដុល្លារអាមេរិកសម្រាប់មនុស្សពេញវ័យ

និង ០៥ដុល្លារអាមេរិកសម្រាប់កុមារ  (មិនមានផ្តល់កៅអី VIP នោះទេ )

•ខេត្តសៀមរាប

កៅអី VIP : ២០ដុល្លារអាមេរិកសម្រាប់មនុស្សពេញវ័យ

និង ១២ដុល្លារអាមេរិកសម្រាប់កុមារ

កៅអីធម្មតា: ១០ដុល្លារអាមេរិកសម្រាប់មនុស្សពេញវ័យ

និង ០៦ដុល្លារអាមេរិកសម្រាប់កុមារ

ទំនាក់ទំនង ប្រព័ន្ធផ្សព្វផ្សាយ :

ភាសាអង់គ្លេស Aneka Rao  aneka@pharecircus.org

ភាសាខ្មែរ Mengteang Thong  mengteang@pharecircus.org

អំពីល្ខោនសៀកកម្ពុជាហ្វារ នឹង​សមា​​​​គមហ្វារពន្លឺសិល្បៈ

មានតែមួយនៅប្រទេសកម្ពុជា ស្វាហាប់ និងអស្ចារ្យដែលស្របតាមសមយ័បច្ចុប្បន្ន លើសពី​អ្វី​ដែល​អ្នកនឹកស្មានដល់។ ហ្វាពន្លឺសិល្បះកម្ពុជាសម្តែងដោយប្រើសាច់រឿងល្ខោន ភ្លេង ក្បាច់រាំរួម​ជាមួយ​ ទេពកោសល្យសិល្បៈសៀកដែលទាន់សមយ័ហើយបង្ហាញសាច់រឿង របស់ប្រជាជន​កម្ពុជា ប្រវត្តិសាស្រ្ត និងប្រជាជន​តាមសមយ័កាល។ សិល្បៈករក្មេងៗ នឹងធ្វើឲ្យអ្នកមានការភ្ញាក់ផ្អើលដោយបង្ហាញអ្នកនូវថាមពល អារម្មណ៍ ភាពរីករាយ និងទេពកោសល្យរបស់ពួកគាត់។

សិល្បៈកររបស់ ហ្វារ ត្រូវបានបញ្ចប់ការសិក្សានៅសាលាហ្វារពន្លឺសិល្បៈខេត្ត     បាត់ដំបង ប្រទេស​កម្ពុជា។ សាលានេះបានបង្កើតឡើងក្នុងឆ្នាំ​១៩៩៤​ ដោយបុរសវយ័ ក្មេង ៩​នាក់បន្ទាប់ពី​ពួកគាត់បានវិល​ត្រលប់មកស្រុកកំណើតវិញពីជំរុំភៀសខ្លួន ដែលឋិតនៅក្រោមការគ្រប់គ្រងសមយ័​​​ពុលពត។​ ពួកគាត់បាន​រៀន​សិល្បៈ​បណ្តុះ បណ្តាលដោយសិក្សាផ្នែកព្យាបាលរបួស ហើយពួកគាត់មាន​បំណង​​ចែករំលែក​ចំណេះ​ដឹងទាំងអស់នោះដល់ប្រជាជនក្រីក្រដើម្បីប្រើប្រាស់ក្នុងភាពចាំបាច់​ផ្សេងៗ​ក្នុងសង្គម និងបញ្ហា​ដែល​គាត់ជួបប្រទះនៅពេលស្ថិតក្រោមការបំផ្លិចបំផ្លាញក្នុងរបបនេះ។ បន្ទាប់ពី​នោះមកពួកគាត់បាន​ចាប់ផ្តើមបង្រៀនថ្នាក់គូរគំនូរដល់សិស្សមួយចំនួនតូចនៅស្រុកកំណើតខ្លួន ក្រោយមកទៀតពួកគាត់ក៏បានបើកសាលារដ្ឋមួយ សាលាតន្រ្តី សាលាល្ខោន និងសាលាសៀក។ សព្វថ្ងៃនេះ សិស្សនិស្សិតជាង ១២០០នាក់កំពុងសិក្សានៅសាលារដ្ឋ និង​៥០០​ នាក់ទៀតសិក្សាខាងជំនាញ​     សិល្បៈ។

ក្នុងឆ្នាំ​ ២០១៣ សាលាបានបង្កើត ល្ខោនសៀកកម្ពុជាហ្វារ ដែលជាសហគ្រាហ សង្គម ហ្វារ ស្ថិត​ក្នុង​ក្រុង​សៀមរាប ប្រទេសកម្ពុជា ជាទឹកដីអង្គរដែលរីកចម្រើនយ៉ាងឆាប់រហស័ក្នុងទឹសដៅ​ទេសចរណ៍​ក្នុងពិភពលោក។​ បេសកកម្មនេះបង្កើតឡើងសម្រាប់ទីផ្សារការងារដល់និស្សិតដែលបាន​បញ្ចប់ការ​សិក្សានៅសាលាសៀកនៅខេត្តបាត់ដំបង លើសពីនេះ ចំណូលថវិការ ៧៥ភាគរយ បានផ្តល់ជូន​សាលាដើម្បី​ជួយគាំទ្រ​ដល់កម្មវិធីសិក្សា។ ល្ខោនសៀកកម្ពុជាហ្វារ សម្តែងនាពេលយប់នៅឆាកសម្តែងដ៏ធំក្នុ​ងក្រុង​សៀមរាប ហើយត្រូវបានទស្សនាដោយប្រជាជនជាង​ ១០០.000​នាក់។​ ការសម្តែងនេះបានមានវត្តមាន ​​ឆ្លងកាត់​បណ្តា​ប្រទេសអឺរ៉ុប អាស៊ី និងសហរដ្ឋអាមេរិកផងដែរ។

សម្រាប់ពត៌មានបន្ថែមអំពី ល្ខោនសៀកកម្ពុជាហ្វារ និងហ្វារពន្លឺសិល្បៈ សូមចូលទៅកាន់ ៖

pharecircus.org​ និង phareps.org

បណ្តាញផ្សព្វផ្សាយសង្គម ហ្វារ ៖

Facebook facebook.com/PhareCambodianCircus

Instagram instagram.com/pharecambodiancircus/

Twitter @pharecircus

Google+ plus.google.com/+PharecambodiancircusOrg

TripAdvisor tripadvisor.com/Phare_The_Cambodian_Circus

ប្រភព ៖ ហ្វារពន្លឺសិល្បៈ