ម៉ាឡេស៊ី គ្រោងវិនិយោគ សួនកំសាន្ត ដាយនូស័រ លើកដំបូងនៅព្រៃវែង គ្រោងចំណាយប្រាក់ ៥១លានដុល្លារ
ព័ត៌មានជាតិ ៖ សហគ្រាសវិនិយោគរបស់ម៉ាឡេស៊ី ក៏ដូចជា ដៃគូសហការក្នុងស្រុក ព្រះរាជាណា ចក្រកម្ពុជា កំពុងតែសម្លឹងមើលរួមគ្នា ក្នុងការវិនិយោគលើសួនកំសាន្តដាយនូស័រ “Jurassic Theme Park” ដែលជាផ្នែកមួយនៃគំរោងអភិវឌ្ឍន៍ នៃទំហំសាច់ប្រាក់ដល់ទៅ ៥១លានដុល្លារ ក្នុងការបង្កើតមជ្ឈមណ្ឌលកំសាន្ត រួមមានដូចជា កាស៊ីណូ សណ្ឋាគារ និងបន្ទប់អាផាតមែន ៥០០ ដែល គម្រោងនេះផ្ទាល់ គ្រោងនឹងចាប់បដិសន្ធិនៅក្នុងខេត្តព្រៃវែង ជាប់ព្រំប្រទល់ដែនប្រទេសវៀតណាម នេះបើយោងតាមការប្រកាសរបស់ក្រុមហ៊ុនដែលបានដាក់ទៅផ្សារហ៊ុនម៉ាឡេស៊ីពីថ្ងៃម្សិលមិញ។
* រូបភាព ពីគេហទំព័រភ្នំពេញប៉ុស្តិ៍
MQ Technology Bhd ដែលជាសហគ្រាសវិនិយោគពីប្រទេសម៉ាឡេស៊ី គូសបញ្ជាក់តាមរយៈការ ប្រកាសរបស់ខ្លួនឲ្យដឹងថា និន្នាការរបស់ខ្លួនក្នុងការសហការជាមួយនឹងក្រុមហ៊ុនក្នុងស្រុក Cambodian Resort and Entertainment Ltd (CRE) គឺគម្រោងក្នុងការអភិវឌ្ឍន៍តាមបណ្តោយ ព្រំដែន ដែលជាសំណង់អភិវឌ្ឍន៍ រួចរាល់ក្នុងរយៈពេល ៦ ឆ្នាំ ។
យោងតាមអនុស្សរណៈនៃកិច្ចព្រមព្រៀង ( MoU) ក្រុមហ៊ុន Star Acres Sdn Bhd ដែលជាបុត្រសម្ព័ន្ធគ្រប់គ្រងទាំងស្រុងដោយ MQ Technology នឹងគ្រប់គ្រងការវិនិយោគរួមនេះ៧០ភាគរយ និងនៅសេសសល់កាន់កាប់ដោយក្រុមហ៊ុន CRE។
កិច្ចព្រមព្រៀងនេះបញ្ជាក់ថា ក្រុមហ៊ុន Star Acres នឹងផ្ដល់ប្រាក់ដំបូង១,៥លានដុល្លារដើម្បីសាងសង់សួនកម្សាន្តដាយណូស័រ (Jurassic Theme Park) ក្នុងរយៈពេល៣ឆ្នាំ។ សេចក្ដីប្រកាសព័ត៌មានគម្រោងនេះនឹងសាងសង់លើផ្ទៃដី៥,១ហិកតា ដែលដីនេះត្រូវបានចុះបញ្ជីកាន់កាប់ដោយក្រុមហ៊ុន CRE។ សួនកម្សាន្ត Jurassic Theme Park គឺជាផ្នែកមួយនៃការវិនិយោគដ៏ធំមានទឹកប្រាក់៥១,១លានដុល្លារ ហើយប្រសិនវាត្រូវបានអនុវត្ត នឹងត្រូវចំណាយពេល៦ឆ្នាំដើម្បីបញ្ចប់។
បើយោងតាមសម្រង់អត្ថបទចេញផ្សាយ ពីសារព័ត៌មានក្នុងស្រុក ភ្នំពេញប៉ុស្តិ៍ឲ្យដឹងថា គម្រោង វិនិយោគ នៅលើផ្ទៃដី ៥,១ហិកតា ក្នុងទំហំសាច់ប្រាក់ដល់ទៅ ៥១លានដុល្លារ ក្នុងរយៈពេល ៦ ឆ្នាំ មួយនេះ គឺជាគម្រោងវិនិយោគនេះស្ថិតនៅភូមិប្រោះស្វា បន្ទាយចក្រី ស្រុកព្រះស្ដេច ខេត្តព្រៃវែង តាមបណ្ដោយព្រំដែនវៀតណាមផ្ទាល់តែម្តង ៕
បញ្ជាក់ ៖ រូបភាពឯកសារ នៃការវិនិយោគសួនកំសាន្ត
ដោយ ៖ កុសល
ប្រភព ៖ ភ្នំពេញប៉ុស្តិ៍
- អូអុិឈិ តែបៃតងលេខ១ នៅកម្ពុជា រកឃើញអ្នកឈ្នះរង្វាន់ ៨នាក់ ពីកម្មវិធី (05/03/2019 17:02:00)
- គន្លឹះទាំងនេះ ជួយឱ្យអ្នកស្រកខ្លាញ់ក្បាលពោះយ៉ាងមានប្រសិទ្ធភាព (04/03/2019 16:07:00)
- ហេតុអ្វី ខ្ញុំមិនប្រសើរដូចគេ? វគ្គ១ (27/02/2019 12:05:00)
- វីធីរក្សាជីវិតគូឲ្យបានយួរអង្វែង (20/02/2019 14:36:00)
- រៀបការបានមួយខែ នី រតនា មានកាដូពិសេសជូនហ្វេនៗ (19/02/2019 09:59:00)
- តោះមកដឹងទីតាំងដែល តារាចម្រៀង សុខ ពិសី ប្រកាសអញ្ជើញលោកតា លោកយាយ ដែលខ្វះខាតមកពិសារបាយថ្ងៃមួយពេល (13/02/2019 12:04:00)
- សុខ ពិសី មិនត្រឹមតែស្អាត និងច្រៀងពិរោះប៉ុណ្ណោះទេ តែថែមទាំងចិត្តល្អទៀត! តើនាងធ្វើអំពើល្អអ្វីខ្លះទៅ (12/02/2019 13:45:00)
- មិននឹកស្មានថា ស្លឹកត្របែកក៏អាចព្យាបាលរោគស្រ្ដីប្រភេទនេះបានដែរ! (09/02/2019 09:08:00)
- វិធីទាក់ចិត្ដបុរសឱ្យលង់ស្នេហ៍នឹងអ្នក ដែលអ្នកមិនធ្លាប់ដឹង (30/01/2019 15:08:00)
- សុខ ពិសី ទប់ទឹកភ្នែកលែងជាប់ ក្រោយម្តាយ ខេមរៈ ស្រីពៅ រៀបរ៉ាប់រឿងរ៉ាវមុនពេលនាងទទួលមរណភាព (28/01/2019 11:07:00)