សម្តេចម៉ែ នឹងយាងគោរពវិញ្ញាណក្ខន្ធសព ស្ថាបនិកអង្គការ PSE នៅម៉ោង៤៖០០រសៀលនេះ
(ភ្នំពេញ)៖ នៅម៉ោង៤៖០០រសៀល ថ្ងៃទី២៥ ខែកញ្ញា ឆ្នាំ២០១៦នេះ សម្តេចម៉ែ មុនីនាថ សីហនុ នឹងយាងគោរពវិញ្ញាណក្ខន្ធសព លោក Christian GAUQUELIN des PALLIERES ស្ថាបនិកនៃអង្គការដើម្បីភាពញញឹមនៃកុមារ (PSE) នៅខណ្ឌមានជ័យ រាជធានីភ្នំពេញ។ នេះបើតាម លោកស្រី ស៊ុក សោភ័ណ្ឌ នាយកផ្នែកទំនាក់ទំនងសាធារណៈរបស់អង្គការ PSE។
លោក Christian de Pallière ជាជនជាតិបារាំងដែលបានជួយកុមារកម្ពុជា រាប់ពាន់នាក់ពីគំនរសំរាម ឲ្យមានអនាគតភ្លឺស្វាងនោះ បានទទួលមរណភាព នៅវេលាម៉ោង៦៖៥៨នាទីល្ងាច ថ្ងៃទី២៤ ខែកញ្ញា ឆ្នាំ២០១៦ ម្សិលមិញ ដោយជរាភាព។ លោកបានទទួលមរណភាព ក្នុងអាយុ៨២ឆ្នាំ។ ពេលនេះ សពរបស់របស់លោកកំពុងត្រូវបានតម្កល់នៅក្នុង អង្គការដើម្បីភាពញញឹមនៃកុមារ ដែលមានអាសយដ្ឋានផ្ទះលេខ៤០២ ភូមិទ្រា សង្កាត់ស្តឹងមានជ័យ ខណ្ឌមានជ័យ រាជធានីភ្នំពេញ (ក្បែរផ្សាសឡា)។
តាមការប្រកាសរបស់ PSE បានឱ្យដឹងថា សពលោក Christian de Pallière នឹងត្រូវដង្ហែទៅកាន់វត្តឫស្សីសាញ់ នៅថ្ងៃចន្ទ ទី២៦ ខែកញ្ញា ឆ្នាំ២០១៦ វេលាម៉ោង១រសៀល។
សូមជំរាបថា នៅព្រឹកមិញនេះ លោក ហង់ ជួនណារ៉ុង រដ្ឋមន្ដ្រីក្រសួងអបរំ យុវជន និងកីឡា ក៏បានដឹកនាំមន្រ្តីក្រសួងអប់រំ ចូលរួមបុណ្យសព លោក Christian GAUQUELIN des PALLIERES ផងដែរ។ ដោយឡែក នៅម៉ោង៤៖០០រសៀលនេះដែរ លោកស្រី ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ ក៏នឹងអញ្ជើញទៅគោរពវិញ្ញាក្ខន្ធសពស្ថាបនិក PSE នេះថែមទៀត៕
ផ្តល់សិទ្ធដោយ ៖ ហ្វ្រេសញូវអាស៊ី
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)