ឃុំខ្លួនម្ចាស់ហាងផ្ដល់សេវា ម៉ាស្សារួមភេទ
កណ្តាល ៖ កាលពីម្សិលមិញតុលាការខេត្តកណ្តាលបានចោទប្រកាន់បុរសម្នាក់ពីបទផ្តល់សេវារួមភេទនៅក្នុងហាងម៉ាស្សារបស់ខ្លួននៅក្រុងតាខ្មៅ។
លោក លី សុភ័ក្ត្រ ក្រឡាបញ្ជីម្នាក់បានកំណត់អត្តសញ្ញាណជនជាប់ចោទឈ្មោះ កាន កាឌី អាយុ ៥១ ឆ្នាំជាម្ចាស់ហាងម៉ាស្សា 168 នៅឃុំតាខ្មៅ ដោយចោទប្រកាន់ពីបទជួញដូរពេស្យាចារហើយប្រឈមមុខនឹងការជាប់ពន្ធនាគារ ៥ ឆ្នាំប្រសិនបើត្រូវបានរកឃើញថាមានទោស។
លោកវរសេនីយ៍ឯក រស់ សាវិន ប្រធាននាយកដ្ឋានប្រឆាំងការជួញដូរមនុស្ស និងការពារអនីតិជនខេត្តបាននិយាយថាលោក កាឌី ត្រូវបានចាប់ខ្លួននៅប្រហែលម៉ោង ៨ និង ៣០ នាទី ល្ងាចថ្ងៃអង្គារបន្ទាប់ពីប៉ូលិសប្រឆាំងនឹងការជួញដូរមនុស្សបានចុះបង្ក្រាបទីតាំរបស់គាត់នៅក្រុងតាខ្មៅ។
លោកបាននិយាយថាមន្រ្តីប៉ូលីសបានតាមដានហាងរបស់គាត់អស់រយៈពេលពីរសប្តាហ៍ និងចំណាំអតិថិជនដែលជាញឹកញាប់បានចូលទៅស្វែងរកសេវាផ្លូវភេទពីហាងម៉ាស្សាមួយនេះ ហើយបានស្នើសុំព្រះរាជអាជ្ញាសាលាដំបូងខេត្តនិងសុំការអនុញ្ញាតចុះឆែកឆេរទីតាំងហាងម៉ាស្សានេះតែម្ដង។
យោងតាមការស៊ើបអង្កេត របស់ ប៉ូលីសនោះ លោក កាឌី បានអនុញ្ញាតឱ្យនារីម៉ាស្សារួមភេទជាមួយ ភ្ញៀវរបស់ពួកគេហើយគិតប្រាក់ពី ២០ ទៅ ៤០ ដុល្លារក្នុងមួយលើក ប៉ុន្ដែបានអោយប្រាក់ ១០ ដុល្លារទៅ ១៥ ដុល្លារទៅនារីម៉ាស្សា សម្រាប់អរិថិជនម្នាក់។
លោកបាននិយាយថា “គាត់ត្រូវបានគេចាប់ខ្លួនភ្លាមៗនៅពេលដែលប៉ូលីសរបស់យើងបានឆែកឆេរហាងម៉ាស្សារបស់គាត់” ។ ក្នុងអំឡុងពេលវាយឆ្មក់ប៉ូលីសបានចាប់ខ្លួននារីម៉ាស្សា ៦ នាក់ដែលកំពុងរួមភេទជាមួយអតិថិជនហើយ បានបញ្ជូនទៅមជ្ឈមណ្ឌលស្តារនីតិសម្បទាខេត្ត។ ប៉ូលីសក៏បានរឹបអូសបានកុំព្យូទ័រយួរដៃមួយគ្រឿងដែលមានបញ្ជីឈ្មោះអ្នកដែលស្វែងរកសេវារួមភេទហើយនិងវត្ថុតាងស្រោមអនាម័យប្រើរួចនិងមិនទាន់ប្រើមួយចំនួនផងដែរ ៕
ប្រភព ៖ khmertimes
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)