ក្រសួងសុខាភិបាលឲ្យពលរដ្ឋប្រុងប្រយ័ត្នចំពោះជំងឺពងបែកនៅលើដៃ ជើង និងមាត់
ក្រសួងសុខាភិបាលកាលពីថ្ងៃសុក្របានជំរុញឱ្យប្រជាជនប្រុងប្រយ័ត្នចំពោះជំងឺដៃជើង និងមាត់ដែលរីករាលដាលនៅក្នុងកំឡុងពេលក្តៅ និងស្ងួតហើយប៉ះពាល់ដល់កុមារដែលមានអាយុក្រោម ៥ឆ្នាំ។
នៅក្នុងសេចក្តីថ្លែងការណ៍ព័ត៌មានចេញផ្សាយដោយក្រសួងបាននិយាយថា ក្រសួងបានរកឃើញកុមារដែលមានជំងឺ HFMD កាន់កើនឡើងហើយករណីខ្លះធ្ងន់ធ្ងរ តម្រូវឱ្យមានការព្យាបាលបន្ទាន់នៅក្នុងមន្ទីរពេទ្យ។ ជម្ងឺនេះភាគច្រើនប៉ះពាល់ដល់ទារក និងកុមារតូចៗហើយរោគសញ្ញារួមមានគ្រុនក្តៅ, ដំបៅមាត់ និងកន្ទួលលើបាតដៃ បាតជើង និងគូថ។
សេចក្តីថ្លែងការណ៍បាននិយាយថា ក្នុងករណីខ្លះជំងឺនេះអាចប៉ះពាល់យ៉ាងធ្ងន់ធ្ងរដល់ប្រព័ន្ធសរសៃប្រសាទហើយបណ្តាលឱ្យប្រកាច់ ឬក៏ពិបាកដកដង្ហើម។ HFMD គឺជាជំងឺឆ្លងដែលឆ្លងរាលដាលតាមរយៈការប៉ះពាល់ជាមួយទឹកមាត់ កំហាក ស្លេស ទឹករងៃចេញពីពងបែក និងលាមករបស់អ្នកជំងឺ។
លោក ម៉ម ប៊ុនហេង រដ្ឋមន្ត្រីក្រសួងសុខាភិបាលបានអំពាវនាវដល់សាធារណជនឱ្យប្រុងប្រយ័ត្នជាងមុនអំពីជំងឺនេះក្នុងកំឡុងពេលអាកាសធាតុក្តៅខ្លាំង និងរក្សាអនាម័យអោយបានស្អាតដោយការលាងដៃជាទៀងទាត់ជាមួយសាប៊ូ។
ប្រសិនបើកុមារឬទារកមានរោគ សញ្ញាប្រកាច់ឬពិបាកដកដង្ហើមត្រូវបញ្ជូន ពួគគេទៅមន្ទីរពេទ្យដែលនៅជិត អោយបានឆាប់បំផុត។
ក្រសួងសុខាភិបាលក៏បានណែនាំឱ្យអ្នកជំងឺផឹកទឹកអោយបានច្រើន និងលេបថ្នាំដើម្បីបន្ថយកម្តៅ និងថ្នាំបំបាត់ការឈឺចាប់ចំពោះពងបែកក្នុងមាត់។ ទោះជាយ៉ាងណាក៏ដោយក្រសួងហាម ដាច់ខាចចំពោះការប្រើថ្នាំអាស្ពីរីន។
លោក លី សុវណ្ណ អ្នកនាំពាក្យក្រសួងសុខាភិបាលបាននិយាយកាលពីថ្ងៃចន្ទថា យោងតាមរបាយការណ៍ពីមន្ទីរពិសោធន៍ មន្ទីរពេទ្យ និងទិន្នន័យផ្សេងៗទៀត ករណី HFMD ក្នុងរយៈពេលពីរខែដំបូងឆ្នាំនេះបានកើនឡើង បើធៀបនឹងកំឡុងពេលដូចគ្នាកាលពីឆ្នាំមុន ៕
ប្រភព ៖ khmertimes
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)