ភ្ញាក់ផ្អើល ធនាគារ ABA គ្រោងនឹងស្ថាបនាសាខាថ្មីចំនួន ១១ កន្លែង
ធនាគារ ABA ដែលជាសមាជិកនៃធនាគារជាតិនៃកាណាដា គ្រោងនឹងពង្រីកសាខាថ្មីនៅកម្ពុជា នាចុងឆ្នាំនេះ។
លោក Askhat Azhikhanov អគ្គនាយកធនាគារ ABA បានមានប្រសាសន៍ថា ពួកគេមានបំណងបន្ថែមសាខាថ្មីចំនួន ១១ បន្ថែមទៅលើ ៥៥ សាខាដែលខ្លួនមានស្រាប់។
លោកបានបន្តថា ទ្រព្យសកម្មសរុបរបស់ធនាគារបានកើនដល់ ១,៨ ពាន់លានដុល្លារ ដែលធ្វើឱ្យ ABA ក្លាយជាស្ថាប័នធនាគារធំជាងគេ ទីបួន នៅកម្ពុជា។
គួរបញ្ជាក់ផងដែរថា នៅក្នុងឆ្នាំ ២០១៤ ធនាគារជាតិនៃកាណាដា បានទិញភាគហ៊ុនចំនួន ១០ ភាគរយនៃភាគហ៊ុនរបស់ធនាគារ ABA ហើយនៅឆ្នាំ ២០១៦ វាបានក្លាយជាភាគទុនិកធំបំផុត ដោយមានភាគហ៊ុនចំនួន ៩០ ភាគរយ។
លោក Louis Vachon ប្រធាន និងជាអគ្គនាយកធនាគារជាតិនៃកាណាដា ដែលបានចូលរួមនៅក្នុងព្រឹត្តិការណ៍នោះបាននិយាយថា ស្ថាប័នទាំងពីរប្តេជ្ញាជួយដល់សហគ្រិន និងអាជីវកម្មនៅក្នុងប្រទេសកម្ពុជា តាមរយៈដំណោះស្រាយធនាគារឌីជីថលប្រកបដោយភាពច្នៃប្រឌិត។ ការវិនិយោគនេះ គឺមានរយៈពេលវែង។
ធនាគារ ABA នឹងបន្តអនុវត្ត និងគាំទ្រដល់កម្មវិធី និងគំនិតផ្តួចផ្តើមក្នុងស្រុក ក៏ដូចជាបង្កើនចំណេះដឹងរបស់ប្រជាពលរដ្ឋនៅតាមជនបទគាំទ្រដល់អ្នកច្នៃប្រឌិតបច្ចេកវិទ្យា និងលើកកម្ពស់គំនិតផ្តួចផ្តើមទាក់ទងនឹងការអប់រំនិងកាត់បន្ថយភាពក្រីក្រ ៕
ប្រែសម្រួល ៖ ច័ន្ទ
ប្រភព៖ KhmerTimes
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)