ណូម័រ សុំទោស ឆាយ វីរៈយុទ្ធ ជាសាធារណៈ ក្រោយពេលទម្លាយរឿងចាប់រំលោភ
(ភ្នំពេញ)៖ តារាសម្តែងនិងជាពិធីការិនីវ័យក្មេងកញ្ញា ណូម័រ កាលពីថ្មីៗបានបង្ហោះសារដ៏គួរឲ្យភ្ញាក់ផ្អើលព្រមជាមួយរូបថតជាច្រើនសន្លឹក ដែលកំពុងស្ថិតនៅលើគ្រែក្នុងបន្ទប់សណ្ឋាគារតែ ២នាក់តារាចម្រៀងប្រុសរបស់ផលិតកម្មសាន់ដោយនាងបានសរសេរថាថ្ងៃនេះត្រូវលោក ឆាយ វិរៈយុទ្ធ ចាប់រំលោភចឹងល្ងាចនេះមិនបានទៅធ្វើជាពិធីការនីការប្រគំតន្ត្រី «រាត្រីណាត់ជួប» នៅកំពូលចោមចៅទេ។ ប៉ុន្តែអ្វីដែលនាងបានលើកឡើងនេះ គ្រាន់តែឈុតសម្តែងប៉ុណ្ណោះ។
ថ្វីត្បិតតែមានការបញ្ជាក់ពីសាមីខ្លួនកញ្ញា ណូម័រ ថាជាឈុតសម្តែងកាយវិកាខារ៉ាអូខេ បទថ្មីរបស់លោក ឆាយ វីរៈយុទ្ធ យ៉ាងនេះក៏ពិតមែនតែរឿងរ៉ាវនេះបន្តការបែកធ្លាយកាន់តែខ្លាំងបង្កជារឿងយល់ច្រឡំ និងមានការរិះគន់លើតារាប្រុស-ស្រីទាំង២ដួងនេះយ៉ាងចាស់ដៃដែលនាំឲ្យប៉ះពាល់កិត្តិយសរបស់លោក ឆាយ វីរៈយុទ្ធ ទៀតផង។
ស្របពេលដែលរឿងរ៉ាវនេះកាន់តែរីករាលដាល់ធំឡើងៗនេះសាមីខ្លួនកញ្ញា ណូម័រ បានចេញមុខបញ្ជាក់ជាថ្មីព្រមទាំងការសុំទោសលោក ឆាយ វីរៈយុទ្ធ ផងដែរថា នាងខ្ញុំណូម័រ សូមធ្វើការសុំទោសចំពោះបងប្រុស " ឆាយវិរះយុទ្ធ "ជាសាធារណៈចំពោះរឿងកាលពីម្សិលម្ងៃដែលនាងខ្ញុំបានបង្ហោះរូបភាពនឹងអក្សរថា «ថ្ងៃនេះត្រូវលោកឆាយវិរះយុទ្ធចាប់រំលោភ ចឹងល្ងាចនេះមិនបានទៅធ្វើជាពិធីការនីការប្រគំតន្ត្រីរាត្រីណាត់ជួបនៅកំពូល ចោមចៅទេ»។
កញ្ញា ណូម័រ បានបញ្ជាក់ថា តាមពិតនាងខ្ញុំគ្រាន់តែចង់បញ្ចាក់ថា ថ្ងៃនេះមិនបានទៅធ្វើជាពិធីការនីទេព្រោះរវល់ជាប់ថតបទថ្មីបងយុទ្ធ ប៉ុន្តែពេលដែលនាងខ្ញុំបង្ហោះទៅក្នុងហ្វេសប៊ុក ស្រាប់តែមិត្តៗចែករំលែករូបភាពនឹងអក្សរទាំងនោះឡើងផ្អើលហ្វេសប៊ុក រហូតដល់ថ្នាក់បងៗសារពត៌មានចុះព័ត៌មាន ចុះកាសែតទៀត ហេតុនេះធ្វើអោយប៉ះពាល់កិត្តិយសបងយុទ្ធ ព្រោះតែការលេងសើចខ្វះការពិចារណារបស់ខ្ញុំដោយអចេតនា ។
តារាសម្តែងស្រីរូបស្រស់កញ្ញា ណូម័រ បានបន្ថែមថា ទោះបីបង យុទ្ធ គាត់មិនប្រកាន់ ប៉ុន្តែនាងខ្ញុំក៏មិនអាចនៅស្ងៀមបានដែរ នាងខ្ញុំជាអ្នកខុស នាងខ្ញុំត្រូវតែមានទំនួញខុសត្រូវ។ អរគុណចំពោះការស្រលាញ់រាប់អានរបស់ពុកម៉ែបងប្អូនទាំងក្នុងនឹងក្រៅហ្វេសប៊ុក ដោយក្តីគោរពពីនាងខ្ញុំ NoMore៕
ផ្តល់សិទ្ធដោយ ៖ ខ្មែរថកឃីង
តារា ដែលមើលច្រើន
