ACU ឃាត់ខ្លួនជនសង្ស័យ ២នាក់ ជាប់ពាក់ព័ន្ធការប្រឡងទុតិយភូមិ
ភ្នំពេញ៖ អង្គភាពប្រឆាំងអំពើពុករលួយ បានធ្វើការឃាត់ខ្លួនជនសង្ស័យ ២នាក់ ដែលបានប្រព្រឹត្តបទល្មើសជាប់ព័ន្ធនឹង ការប្រឡងសញ្ញាបត្រមធ្យមសិក្សា ទុតិយភូមិ ឬបាក់ឌុបលើកទី២ នៅព្រឹកថ្ងៃចន្ទ ទី១៣ ខែតុលាឆ្នាំ ២០១៤ នេះ។
ថ្លែងប្រាប់មជ្ឈមណ្ឌលព័ត៌មានដើមអម្ពិល នៅព្រឹកថ្ងៃចន្ទនេះ លោក រស់ សាលីន អ្នកនាំពាក្យក្រសួង អប់រំថ្លែងថា ករណីទី១ ស្ត្រីម្នាក់បានយកសំណៅឯកសារ ទៅលក់មុខសាលាបាក់ទូក និងករណីទី២ យុវជនម្នាក់បន្លំធ្វើអ្នកសង្គេតការណ៍។ លោកថ្លែងថា " អ្នកទាំងពីរត្រូវបាន អង្គភាពប្រឆាំងអំពើពុករលួយ នាំខ្លួនភ្លាមៗទៅកាន់អង្គភាព"។
តែទោះយ៉ាងណាក៏ដោយលោក រស់ សាលីន បានវាយតំលៃដំណើរការនៃការប្រឡង សម្រាប់ព្រឹក នេះ ប្រព្រឹត្តទៅល្អជាងការប្រឡង នៅលើកទី១ទៅទៀត។ លោកនិយាយបន្ថែមថា" បើយើងទទួលបានព័ត៌មានពីតាមបណ្ដាខេត្ត និងរាជធានីភ្នំពេញ ការប្រឡងគឺស្ងប់ស្ងាត់ល្អ ពោលគឺអនុរក្សគោរពទៅតាមតួនាទីរបស់គាត់ រីឯបេក្ខជនរបស់យើងគាត់ គោរពទៅតាមវិន័យរបស់គាត់។ បើយើងនិយាយមែនទែនទៅទិដ្ឋភាពព្រឹក នេះដំណើរការល្អជាងលើកទី១ទៀត ព្រោះគាត់យល់ដឹងបទពិសោធន៍ កាលពីប្រឡងលើកទី១អស់ហើយ"។
សូមបញ្ជាក់ថា បេក្ខជនដែលប្រឡងលើកទី២នេះ មានចំនួនជិត ៧ម៉ឺននាក់ និងមណ្ឌល១១៧ ក្នុងនោះមានបន្ទប់ ចំនួន ២៧៥២ បន្ទប់ គ្រប់រាជធានី ខេត្ត។ លទ្ធផលនៃការប្រឡងនឹង ប្រកាសនៅថ្ងៃទី០៤ ខែវិច្ឆិកាឆ្នាំ២០១៤ខាងមុខ។ ក្នុងនោះអ្នកសង្គេតការណ៍ជាតិ-អន្តរជាតិ មានចំនួនជាង ៣០០០នាក់។
គួររម្លឹកឡើងវិញបន្តិចថា កាលពីប្រឡងបាក់ឌុបលើទី១ នៅថ្ងៃទី៤-៥ ខែសីហា មានបេក្ខជនប្រឡងជាប់ សរុប ចំនួន២៣១២៦នាក់ ត្រូវជា ២៥,៧២ភាគរយ ក្នុងចំណោមសិស្សសរុប ៨៩៩៣៧នាក់ ៕
ផ្ដល់សិទ្ធិដោយ៖ ដើមអម្ពិល
- អូអុិឈិ តែបៃតងលេខ១ នៅកម្ពុជា រកឃើញអ្នកឈ្នះរង្វាន់ ៨នាក់ ពីកម្មវិធី (05/03/2019 17:02:00)
- គន្លឹះទាំងនេះ ជួយឱ្យអ្នកស្រកខ្លាញ់ក្បាលពោះយ៉ាងមានប្រសិទ្ធភាព (04/03/2019 16:07:00)
- ហេតុអ្វី ខ្ញុំមិនប្រសើរដូចគេ? វគ្គ១ (27/02/2019 12:05:00)
- វីធីរក្សាជីវិតគូឲ្យបានយួរអង្វែង (20/02/2019 14:36:00)
- រៀបការបានមួយខែ នី រតនា មានកាដូពិសេសជូនហ្វេនៗ (19/02/2019 09:59:00)
- តោះមកដឹងទីតាំងដែល តារាចម្រៀង សុខ ពិសី ប្រកាសអញ្ជើញលោកតា លោកយាយ ដែលខ្វះខាតមកពិសារបាយថ្ងៃមួយពេល (13/02/2019 12:04:00)
- សុខ ពិសី មិនត្រឹមតែស្អាត និងច្រៀងពិរោះប៉ុណ្ណោះទេ តែថែមទាំងចិត្តល្អទៀត! តើនាងធ្វើអំពើល្អអ្វីខ្លះទៅ (12/02/2019 13:45:00)
- មិននឹកស្មានថា ស្លឹកត្របែកក៏អាចព្យាបាលរោគស្រ្ដីប្រភេទនេះបានដែរ! (09/02/2019 09:08:00)
- វិធីទាក់ចិត្ដបុរសឱ្យលង់ស្នេហ៍នឹងអ្នក ដែលអ្នកមិនធ្លាប់ដឹង (30/01/2019 15:08:00)
- សុខ ពិសី ទប់ទឹកភ្នែកលែងជាប់ ក្រោយម្តាយ ខេមរៈ ស្រីពៅ រៀបរ៉ាប់រឿងរ៉ាវមុនពេលនាងទទួលមរណភាព (28/01/2019 11:07:00)