អគ្គិភ័យកំពុង ឆេះផ្ទះ ប្រជាពលរដ្ឋ នៅក្រុង ប៉ោយប៉ែត
បន្ទាយមានជ័យ៖ អគ្គិភ័យដ៏ សន្ធោសន្ធៅមួយ បាននិងកំពុងបំផ្លាញ ផ្ទះប្រជាពលរដ្ឋ នៅ
កណ្តាល ក្រុងប៉ោយប៉ែត ខេត្តបន្ទាយមានជ័យ កាលពីវេលា ម៉ោងប្រហែល ១១៖៣០នាទី
ព្រឹកថ្ងៃទី១៥ ខែកុម្ភៈ ឆ្នាំ២០១៣ នេះ ខណៈកម្លាំង សមត្ថកិច្ច រួមមាននគរបាល អាវុធហត្ថ
និងអាជ្ញាធរ កំពុងជួយ អន្តរាគមន៍។
សេចក្តីរាយការណ៍ ពីកន្លែងកើតហេតុ បានឲ្យដឹងថា អគ្គិភ័យរហូតមកដល់ ម៉ោងប្រហែល១២
ថ្ងៃត្រង់នេះ បានបំផ្លាញផ្ទះប្រជាពលរដ្ឋ ចំនួន៣ខ្នងហើយ ហើយកំពុងឆាបឆេះបន្តទៀត។
យ៉ាងណាក៏ដោយ មិនទាន់ដឹងពីមូលហេតុ ដែលនាំឲ្យមាន អគ្គិភ័យនេះទេ ខណៈសមត្ថកិច្ច
កំពុងជួយអន្តរាគមន៍ តាមរយៈបញ្ជូនរថយន្តពន្លត់អគ្គិភ័យជាច្រើនគ្រឿងទៅជួយ។
សមត្ថកិច្ចពន្លត់អគ្គិភ័យបានឲ្យដឹងថា រហូតមកដល់ពេលនេះរថយន្តពន្លត់អគ្គិភ័យចំនួន ១០គ្រឿង
កំពុងជួយអន្តរាគមន៍ ប៉ុន្តែអគ្គិភ័យនៅមិន ទាន់រលត់នៅឡើយទេ ។ អាជ្ញាធរកម្ពុជា បានអំពាវនាវ
ឲ្យអាជ្ញាធរថៃ ជួយបញ្ជូន រថយន្តពន្លត់អគ្គិភ័យ ដើម្បីជួយអន្តរាគមន៍ផងដែរ។
សេចក្តីរាយការណ៍បានឲ្យដឹងថា ប្រជាពលរដ្ឋ ដែលមានផ្ទះនៅជិតកន្លែងកើតហេតុ បាននិងកំពុង
ជញ្ជូន ឥវ៉ាន់របស់ពួកគេ ខ្លាចភ្លើងឆេះដល់ ។
នៅវេលាម៉ោងប្រមាណជា១រសៀល អភិបាល ក្រុងប៉ោយប៉ែត បានបញ្ជាឲ្យប្រើអេស្កាវ៉ាទ័រ វាយ
កម្ទេចផ្ទះមួយចំនួន ដើម្បីបើកផ្លូវឲ្យរថយន្តពន្លត់អគ្គិភ័យ ចូលជួយ អន្តរាគមន៍ ខណៈសិស្សសាលា
ឯកជន Home Friend នៅក្បែរនោះ ត្រូវបានជម្លៀសចេញ។ តែទោះជាយ៉ាងណា រថយន្តពន្លត់អគ្គិ
ភ័យ ទាំងរបស់ថៃ និងកម្ពុជា ជាង២០គ្រឿង បានចេញជួយអន្តរាគមន៍ តែអំណាចនៃការឆាបឆេះ
មិនទាន់ថមថយនៅឡើយទេ។ ការឆាប់ឆេះពិតជាធំធេងណាស់ និងបណ្តាលឲ្យខូចខាតទ្រព្យ
សម្បត្តិប្រជាពលរដ្ឋយ៉ាងច្រើន៕
ផ្តល់សិទ្ធិដោយ៖ ដើមអំពិល
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)