នីកូ ត្រូវបានគេរិះគន់ថា ច្រៀងបទអ្វី ក៏លែងពីរោះ

តារា

នីកូ ត្រូវបានគេរិះគន់ថា ច្រៀងបទអ្វី ក៏លែងពីរោះ

01:39 PM 11.07.2016
Print Email

(ភ្នំពេញ)៖ តារាចម្រៀងប្រុសត្រកូល ណុប លោក ណុប សម្បត្តិនីកូ ហៅ នីកូ បានប្រកាសឈប់ច្រៀងបទចម្រៀង ចំឡងពីបរទេស មានដូចជាថៃ ចិន វៀតណាម អង់គ្លេស ឬ អាមេរិចទៀតហើយ ខណៈដែលតារាចម្រៀងល្បីនានា ក៏នាំគ្នាឈប់ច្រៀងបទចម្រៀងចំឡងពីបរទេសដូចគ្នា ព្រោះទស្សនិកជនខ្មែរ លែងគាំទ្រ បទចម្រៀងចំឡងគេទៀតហើយ ពិសេសអ្នកចម្រៀងក្នុងយូធូប ដែលច្រៀងបទមិនចំឡង ទទួលបានប្រជាប្រិយភាពខ្លាំង ជាងអ្នកចម្រៀងមានផលិតកម្មទៅទៀត ទើបអ្នកចម្រៀង មានផលិតកម្មនាំគ្នា ប្រកាសច្រៀងបទចម្រៀង មិនចំឡងពីបរទេស។

តារាចម្រៀង នីកូ មួយរយៈដែលលោកបានរើកញ្ជើទៅជ្រកកោន ក្នុងផលិតកម្ម សាន់ដេ លោកទទួលបានតំណែងឯកក្នុងខ្សែភាពយន្ត ជាមួយកញ្ញា សុខ ពិសី ចាប់ដៃគូច្រៀងជាមួយ សុខ ពិសី ធ្វើឲ្យប្រជាប្រិយភាពហាក់កើនឡើងមួយកម្រិត តែលោកហាក់ស្ងប់ស្ងាត់មួយរយៈនេះ រហូតមិនមានបទចម្រៀងណាមួយ ធ្វើឲ្យមិត្តយុវវ័យចាប់អារម្មណ៍ទាល់តែសោះ ។

ក្រោយពីលោកប្រកាសច្រៀងបទ មិនចំឡងពីបរទេស មានប្រិយមិត្តម្នាក់រិះគន់លោកថា «ឆ្លាតគ្រាន់បើ ច្រៀងបទអីក៏មិនពីរោះដែរ» តែមានអ្នកបន្ទរថា ល្បីជាងអ៉ីណូ។

ថ្វីត្បិតតែបច្ចុប្បន្ន តារាចម្រៀង នីកូ មិនសូវល្បីល្បាញ ដូចកាលពីប៉ុន្មានឆ្នាំមុន ក៏គេនៅចាំបានថា កាលលោកចាប់ដៃគូជាមួយ កញ្ញា ពេជ្រ សូលីកា នៅទីណាក៏ចាក់បទ ចម្រៀងលោកដែរ ហើយស្ទាយរបស់ លោកទៀតសោត ត្រូវបានមិត្តយុវវ័យ កោតសរសើរ មិនដាច់ពីមាត់នោះទេ។

ក្រៅពីជាអ្នកសិល្បៈ ជាតារាសម្ដែង លោក នីកូ ក៏ជាអ្នកផលិតកម្មវិធី ផងដែរ ក្រៅពីនេះលោកជាអ្នកសិល្បៈម្នាក់ មានគំនិតខាងច្នៃម៉ូដដ៏ល្អម្នាក់ ពិសេសការចាប់ក្រណាត់ ឲ្យចេញម៉ូដ គឺលោកធ្វើបានល្អ គួរឲ្យសរសើរ៕