រថយន្តដឹកឥដ្ឋនិងស៊ីម៉ង់ត៍បំផ្លាញស្ពានដែកអូរប្លាយ ឆ្ពោះទៅទឹកធ្លាក់ប៊ូស្រា នៅស្រុកពេជ្រាដា
(មណ្ឌលគិរី)៖ មេយោធាខេត្តមណ្ឌលគិរី លោកឧត្តមសេនីយ៍ត្រី ឃិន ម៉េងស្រេង បានប្រាប់អង្គភាព Fresh News នៅព្រឹកថ្ងៃទី២២ ខែធ្នូ ឆ្នាំ២០១៥នេះថា ស្ពានដែកអូរប្លាយ ឆ្ពោះទៅទឹកធ្លាក់ប៊ូស្រា ស្ថិតនៅស្រុកពេជ្រាដា បានបាក់មិនអាចធ្វើដំណើរឆ្លងកាត់បាន ដោយសាររថយន្តដឹកឥដ្ឋ និងស៊ីម៉ង់ត៍ បើកដឹកលើសទម្ងន់ឆ្លងកាត់កាលពីយប់មិញ ។
លោកឧត្តមសេនីយ៍បានបញ្ជាក់ថា នៅថ្ងៃនេះអាជ្ញាធរ មន្រ្តីជំនាញ និងកងកម្លាំងសមត្ថកិច្ចជាច្រើននាក់ បានចុះទៅជួយអន្តរាគមន៍ស្ទូចរថយន្តឡើងលើគោក និងរៀបចំជួសជុលស្ពានឡើងវិញ ។
ទាក់ទងទៅនឹងករណីបាក់ស្ពានស្ទះចរាចរនៅស្រុកពេជ្រាដា រំខានដល់ការធ្វើដំណើរទៅមករបស់ប្រជាពលរដ្ឋ និងអ្នកទេសចររាប់រយនាក់ខាងលើនេះ លោក សៅ សុវណ្ណរឹទ្ធ អធិការស្រុកពេជ្រាដា ត្រូវបានប្រជាពលរដ្ឋនៅតំបន់នោះធ្វើការរិះគន់ថា ហាក់ដូចជាគ្មានការយកចិត្តទុកដាក់ ក្នុងការជួយសំរួលចរាចរជូនបងប្អូននោះឡើយ។
លោកវរសេនីយ៍ទោ យឹម នូច នាយរងការិយាល័យចរាចរផ្លូវគោក នៃស្នងការដ្ឋាននគបាលផ្លូវគោក បានប្រាប់ Fresh News ឲ្យដឹងនៅព្រឹកនេះមុននេះបន្តិចថា លោកកំពុងចាត់ចែងកងកំលាំងនគរបាលចរាចរ ឱ្យសំរួលដើម្បីឱ្យបងប្អូនបានធ្វើចរាចរជាធម្មតាឡើងវិញ ហើយលោកបានធ្វើការរាយការណ៍ជូនទៅលោកប្រធានមន្ទីរសាធារណការ និងដឹកជញ្ជូនខេត្ត ឱ្យជួយសហការគ្នារកឡានស្ទូច ដើម្បីជួយសំរួលចរាចរជូនបងប្អូន និងនាំយករថយន្តបង្កមករក្សាទុកនៅស្នងការ រង់ចាំការដោះស្រាយតាមផ្លូវច្បាប់។
យ៉ាងណាក៏ដោយគ្រោះថ្នាក់មួយនេះ មិនបណ្តាលឲ្យរងគ្រោះដល់នរណាម្នាក់នោះឡើយ៕
ផ្តល់សិទ្ធដោយ ៖ ហ្វ្រេសញូវអាស៊ី
- ឃាត់ខ្លួនប្រធានសាខាធនាគារអេស៉ីលីដា ពាក់ព័ន្ធករណីរំលោភសេចក្តីទុកចិត្ត មានទឹកប្រាក់ខ្ទង់លានដុល្លារ! (25/01/2017 08:58:00)
- ទស្សនារូបភាពភពផែនដី នាពេលយប់ ថតចេញពីផ្កាយរណប នៅទីអវកាស (02/12/2016 15:50:00)
- ទំលាប់សាមញ្ញ៣ ដែលអាចបំផ្លាញក្រលៀនរបស់អ្នកយ៉ាងធ្ងន់ធ្ងរ (28/09/2016 15:47:00)
- បញ្ជីរាយព្រះនាម ព្រះមហាក្សត្រខ្មែរ សោយរាជ្យតាំងពីសតវត្សទី១នៃគ្រឹស្ដសករាជ រហូតសព្វថ្ងៃ (12/04/2016 16:30:00)
- ទំលាប់សាមញ្ញ៣ ដែលអាចបំផ្លាញក្រលៀនរបស់អ្នកយ៉ាងធ្ងន់ធ្ងរ (12/04/2016 14:38:00)
- ប្រើប្រាស់ស្វាយទុំ ដើម្បីបំបាត់មុខមុន (12/04/2016 14:37:00)
- BREAKING NEWS: អគ្គិភ័យកំពុងឆេះកន្លែងជួសជុលរថយន្តមួយកន្លែង នៅខណ្ឌទួលគោក (18/03/2016 15:39:00)
- ក្រសួងការបរទេសអំពាវនាវយុវវ័យខ្មែរ ដាក់ពាក្យប្រកួតប្រជែងចូលបម្រើការងារនៅអគ្គលេខាធិការដ្ឋាន អ.ស.ប (18/03/2016 13:36:00)
- អាជ្ញាធរខណ្ឌជ្រោយចង្វារ ប្រកាសកាត់ដើមត្រែង និងដុតបំផ្លាញចោល សូមឲ្យប្រជាពលរដ្ឋ កុំភ្ញាក់ផ្អើល (18/03/2016 09:56:00)
- BREAKING NEWS: សម្តេចតេជោ តែងតាំងអភិបាលខេត្ត៤៖ សួន បវរ អភិបាលខេត្តបន្ទាយមានជ័យ, វ៉ែ សំណាង កំពង់ស្ពឺ (18/03/2016 09:52:00)