(កូរ៉េ)៖ លោក Gong Yoo តារាប្រុស ក្នុងរឿង «Train to Busan» ឬ «រថភ្លើងទៅប៊ូសាន» បានបង្ហាញពីអារម្មណ៍ពិតថា ការងារជាតារាសម្តែង ពេលខ្លះ ហាក់ដូចជាឯកាណាស់ ទោះបីជាយើងកំពុងឈរ នៅចំពោះមុខសាធារណជន មើលទៅបានទទួលនូវក្តីស្រឡាញ់ ពីពួកគេក៏ដោយ។
តារាសម្តែងកូរ៉េវ័យ៣៧ឆ្នាំរូបនេះ បាននិយាយថា លោកពិតជារវល់ជាមួយ ការសម្តែងណាស់ ក្នុងឆ្នាំ២០១៦នេះ ហើយការសម្តែងនៅក្នុងសាច់រឿង «Train to Busan» មើលទៅហាក់ដូចជាកំសត់ណាស់ រវាងតួប្រុសស្រី តែលោកពិតជាពេញចិត្ត នឹងការសម្តែងគ្រប់រឿង ទោះបីជាហត់នឿយបន្តិចមែន។
លោក Gong Yoo ក្លាយជាតារាសម្តែង តាំងពីអាយុ១៥ឆ្នាំ តែលោកបញ្ជាក់ថា វាមិនហត់នឿយដូចជាពេលនេះទេ ព្រោះឥលូវលោកពិតជាមមាញឹក នឹងការសម្តែងជាខ្លាំង តែលោកគិតថា ខ្លួនបានធ្វើការងារយ៉ាងល្អហើយ។
ក្រៅពីរឿង «Train to Busan» ដែលទទួលបានការគាំទ្រ ពីមហាជនហើយនោះ Gong Yoo ក៏ជាតួអង្គប្រុសម្នាក់ នៅក្នុងខ្សែភាពយន្តកូរ៉េថ្មីមួយទៀត គឺរឿង «The Age OF Shadows» ផងដែរ ជាមួយដៃគូរួមការងារ គឺលោក Song Kang Ho៕
ផ្តល់សិទ្ធដោយ ៖ ខ្មែរថកឃីង