Bournemouth បង្កើនក្តីសង្ឃឹម ក្នុងភារកិច្ច Premier League ក្នុងរដូវកាលក្រោយ
ក្រុងឡុងដ៍ៈ ក្រុម Bournemouth បានបន្តដង្ហើមក្នុង Premier League កាលពីថ្ងៃអាទិត្យ (១៣ ខែកក្កដា) ដោយរកបានគ្រាប់បាល់ ផ្តួលក្រុម Leicester City ៤-១ សម្រាប់ជ័យជម្នះលើកដំបូងរបស់ពួកគេ ក្នុង ចំណោម ១០ ប្រកួតមកនេះ។
Leicester បានធ្វើការនាំមុខ ១ ទល់ នឹង ០ បន្ទាប់ពីការរកគ្រាប់បាល់ នៅតង់ទីមួយរបស់ Jamie Vardy ។ តែកីឡាករ Junior Stanislas បានរកគ្រាប់បាល់តាមស្មើវិញ នៅនាទី ៦៦ បន្ទាប់ពីមានកំហុសរបស់អ្នកចាំទី Kasper Schmeichel ដោយបាល់ ប៉េណាល់ទី ។ ហើយ មួយនាទីក្រោយមក កីឡាករ Solanke អូសបាល់ក្នុងប្រអប់ទី រួចស៊ុត បញ្ចូលទីយ៉ាងស្អាត ។
រឿងរ៉ាវកាន់តែធ្ងន់ធ្ងរ សម្រាប់ ក្រុមចចកខៀវ ជាងនេះទៅទៀតនោះ គឺ ខ្សែការពារ Caglar Soyuncu ត្រូវបានទទួលកាតក្រហម បន្ទាប់ពីប៉ះទង្គិចជាមួយ Callum Wilson ភ្លាមៗ បន្ទាប់ពីគ្រាប់បាល់របស់ Bournemouth ក៏ដូចជាគ្រាប់បាល់ Own Goal របស់ Jonny Evans នៅនាទី ៨៣។
ការប្រកួតបន្តរហូតដល់នាទី ទី ៨៧ ទើបកីឡាករ Solanke ដដែល បានស៊ុតគ្រាប់ទី៤ អោយ Bournemouth ៕
ប្រែសម្រួល៖ ផាន់ណា
ប្រភព៖ Channelnewsasia
កីឡា ដែលមើលច្រើន
