ក្រុមអ្នកគាំទ្រសម្រុកមកពហុកីឡដ្ឋាន Bernabéu យ៉ាងភ្លូកទឹកភ្លូកដីដើម្បីអបអរកីឡាករថ្មីក្នុងថ្ងៃបង្ហាញខ្
Eden Hazard នឹងគ្មានថ្ងៃភ្លេចថ្ងៃដំបូងរបស់ខ្លួនជាកីឡាកររបស់ ស្តេចស Real Madrid ឡើយ។ កីឡាករឆ្នើមសញ្ជាតិ ប៊េហ្ស៊ីក ត្រូវបានស្វាគម៍យ៉ាងកក់ក្តៅដោយកុ្រមអ្នកគាំទ្រថ្មី ក្នុងពហុកីឡដ្ឋាន Santiago Bernabéu ដែលមានងារថា ជាកីឡាករល្អជាងគេក្នុងវគ្គផ្តាច់ព្រ័ត្រ Europa League ដែលនឹងមកគ្រងឈុតស្តេចស ជាលើកដំបូង។ តាំងតែពីល្ងាចមិញម្លេះ តំបន់ជុំវិញពហុកីឡដ្ឋាន ត្រូវបានប្រមូលផ្ដុំដោយអ្នកគាំទ្ររបស់ស្តេចស ដែលមានឈ្មោះថា Madridistas ខណៈពេលដែលពួកគេកំពុងរង់ចាំអោយពហុកីឡដ្ឋានបើកទ្វារដើម្បីអបអរ នៅថ្ងៃពិសេសមួយនេះ។
ពេលវេលា ដែលអ្នកគាំទ្រទន្ទឹងរង់ចាំត្រូវបានមកដល់ បន្ទាប់ពីម៉ោង ៨:០០ល្ងាច នៅពេលដែល Hazard ដើរចូលទីលានក្នុងការរំពឹងទុកដ៏ធំមួយ ដែលគាត់នឹងពាក់អាវថ្មីរបស់ Real Madrid។ អ្នកគាំទ្របានស្រែក ឈ្មោះរបស់គាត់ដោយក្ដីរំភើបរីករាយ នឹងការប៉ះបាល់ដំបូងរបស់គាត់ក្នុងនាមជា Madridista។
តារាបាល់ទាត់រូបនេះ បានឆ្លើយតបទៅអ្នកគាំទ្រ តាមរយៈការបង្ហាញដោយការទាត់បាល់ឡើងលើបង្ហាញអ្នកគាំទ្រ និងផ្ញើសារទៅអ្នកគាំទ្រថា៖ “សូមអរគុណអ្នកទាំងអស់គ្នាណាស់។ Hala Madrid!
សូមបញ្ចាក់ផងដែរថា កីឡាករ Eden Hazard ត្រូវបានក្រុមស្តេចស Real Madrid ទិញមកពីក្រុមតោខៀវ Chelsea ក្នុងតម្លៃខ្លួន ១៣០ លានផោន និងចុះកុងត្រាជាមួយស្តេចស Real Madrid រហូតដល់ឆ្នាំ ២០២៤៕
អត្ថបទ៖ ស៊ីថា
ប្រភព៖ realmadrid
តារា ដែលមើលច្រើន
