ចិន៖ សង្គ្រាមពាណិជ្ជកម្មមិនបានធ្វើឱ្យ អាមេរិកខ្លាំងអស្ចារ្យម្តងទៀតនោះទេ
សៀវភៅស ដែលបង្ហាញដោយ លោក Guo Weimin អនុរដ្ឋមន្រ្តី ពាណិជ្ជកម្មនៅក្នុងសន្និសីទកាសែត កាលពីថ្ងៃអាទិត្យ បានទម្លាក់កំហុសលើអាមេរិកថា ជាអ្នកធ្វើឲ្យការចរចាពាណិជ្ជកម្មជាប់គាំង នឹងបានចំអកថា សង្គ្រាមពាណិជ្ជកម្មមិនបានធ្វើឱ្យ អាមេរិចខ្លាំងអស្ចារ្យម្តងទៀតនោះទេ(America not Great Again)។ បន្ថែមលើសពីនេះ សៀវភៅដដែលបានគូសបញ្ជាក់ពីឆន្ទៈរបស់ប្រទេសចិន ក្នុងការចរចាបន្តទៀត ក្នុងគោលបំណងធ្វើឱ្យសង្គ្រាមពាណិជ្ជកម្មរវាងប្រទេសទាំងពីរ បន្ថយកម្ដៅ។
មន្ត្រីជាន់ខ្ពស់រូបនេះ បាននិយាយនៅពេលនោះថា៖ " ចិននឹងមិនចរចាជាមួយក្រុងវ៉ាស៊ីនតោនជាដាច់ខាត បើអាមេរិកនៅតែកាន់កាំបិតទៅផ្ជង់បំពង់ករបស់ខ្លួន" ។
សៀវភៅសនោះ បានសរសេរបន្ថែមថា ការជួបគ្នាជាង 10 ដងនៃការចរចាពាណិជ្ជកម្មត្រូវបានជាប់គាំង ក្រុងវ៉ាស៊ីនតោនគួរតែទទួលខុសត្រូវទាំងស្រុង ចំពោះការបរាជ័យដ៏ធ្ងន់ធ្ងរ នៅក្នុងកិច្ចចរចានេះ។ ការដំឡើង និងការគំរាមកំហែងដំឡើងពន្ធបន្តបន្ទាប់ របស់អាមេរិកស្ទើរតែទាំងអស់លើទំនិញរបស់ចិន ដែលនៅសល់ ដែលនេះវាបាន"ផ្ទុយនឹងកិច្ចព្រមព្រៀង ក្នុងការបន្ធូរបន្ថយការកកស្ទះតាមរយៈការពិគ្រោះយោបល់ និងការរំពឹងទុករបស់ប្រទេសទាំងពីរ ។ អនុរដ្ឋមន្រ្តី ពាណិជ្ជកម្ម ដដែលសង្កត់ធ្ងន់ថា៖" ការចរចា មិនអាចធ្វើឡើងក្រោមការគំរាមកំហែងនៃការដំឡើងពន្ធឡើយ"។
សៀវភៅនេះ ត្រូវបានចេញផ្សាយក្រោយមួយថ្ងៃ បន្ទាប់ពីរដ្ឋាភិបាលក្រុងប៉េកាំងបានប្រកាសដំឡើងពន្ធសងសឹកទៅអាមេរិកវិញ ដែលមានចំនួន 25% លើការនាំចូលរបស់អាមេរិក ទៅកាន់ប្រទេសចិន ដែលមានតម្លៃរាប់សិបពាន់លានដុល្លារអាមេរិក។
សូមរំលឹកផងដែរថា ចាប់តាំងពីលោក ដូណាល់ ត្រាំ បានឡើងកានដំណែងជា ប្រធានាធិបតីសហរដ្ឋអាមេរិចមក លោកបានបង្កអោយមានភាពតានតឹងជាមួយប្រទេសចិន លើវិស័យពាណិជ្ជកម្ម និងបច្ចេកវិទ្យា ដោយលោកមើលឃើញថា ចិនជាប្រទេសរកស៊ីមិនស្មោះត្រង់ និងការលួចចម្លងកម្មសិទ្ធិបញ្ញារបស់អាមេរិកអស់រយៈពេលជាច្រើនឆ្នាំមកហើយ៕
ប្រែសម្រួល៖ ផាន់ណា
ប្រភព៖ asia.nikkei
ព័ត៌មានអន្តរជាតិ ដែលមើលច្រើន
