រដ្ឋ Victoria នៃប្រទេសអូស្រ្តាលីដាក់ការ Lock Down សារជាថ្មីដោយសារ COVID-19 កើនឡើង
លោកអភិបាលរដ្ធ Daniel Andrews បាននិយាយថា រដ្ឋ Victoria ដែលជារដ្ឋទី ២មានប្រជាជនច្រើនជាងគេបំផុត នៅក្នុងប្រទេសអូស្រ្តាលី នឹងកំណត់ការរឹតបន្តឹង ការស្នាក់នៅក្នុងផ្ទះជាថ្មីទៀត នៅទីក្រុងមែលប៊ន បន្ទាប់ពីការកើនឡើងនៃអត្រាឆ្លងមេរោគនេះ។
លោក Andrews បាននិយាយនៅក្នុងសន្និសីទសារព័ត៌មានខ្លីមួយ នៅទីក្រុងមែលប៊ន កាលពីថ្ងៃអង្គារ (ថ្ងៃទី ៧ ខែកក្កដា) ថា "ទាំងនេះគឺជាចំនួនករណីថ្មី ដែលត្រូវយកចិត្តទុកដាក់ខ្លាំងក្លាថែមទៀត" ។
តាមរបាយការណ៍ រដ្ធ Victoria បានរាយការណ៍អំពីករណីឆ្លងថ្មីចំនួន 191 ករណី ក្នុងរយៈពេលតែមួយយប់ ដែលជាករណីច្រើនបំផុត ចាប់តាំងពីការរីករាលដាល បានចាប់ផ្តើមពីដំបូង ដែលមានចំនួនអ្នកឆ្លងតែ 127 ករណីប៉ុណ្ណោះ។
ការរឹតបន្តឹងនេះនឹងចាប់អនុវត្ត ចាប់ពីយប់ថ្ងៃពុធ ក្នុងរយៈពេល ៦ សប្តាហ៍។
Victoria Andrews បានពិពណ៌នាអំពីការសម្រេចចិត្តបិទរដ្ឋនេះថាជា“ ការឆ្លាតវៃ និង ត្រឹមត្រូវ នាពេលនេះដោយសារតែ បញ្ហាប្រឈមធំៗ ដែលយើងប្រឈមចំពោះមុខពី វីរុសនេះ” ៕
ប្រែសម្រួល៖ ផាន់ណា
ប្រភព៖ Channelnewsasia
ព័ត៌មានអន្តរជាតិ ដែលមើលច្រើន
