CamNews

វេទិកាស្ដីពីការដាក់បញ្ចូលប្រព័ន្ធហិរញ្ញវត្ថុនៅក្នុងតំបន់ទន្លេមេគង្គលើកទី ១ដំណើរការដាក់បញ្ចូលប្រព័ន្ធហិរញ្ញវត្ថុតាមរយៈកិច្ចសហប្រតិបត្តិការធំៗក្នុងតំបន់។

- វិស័យធនាគារដែលមានបណ្តាញទន់ខ្សោយ (BWTP) Appui au Développement Autonome (ADA)  និងមូលនិធិសម្រាប់កិច្ចសហប្រតិបត្តិការអភិវឌ្ឍន៍ (FDC) មានសេចក្តីសោមនស្សរីករាយសូមប្រកាសបើកវេទិកាស្ដីពីការដាក់បញ្ចូលប្រព័ន្ធហិរញ្ញវត្ថុក្នុងតំបន់ទន្លេមេគង្គជាលើកទីមួយ ដែលនឹងត្រូវប្រារព្ធធ្វើឡើងក្នុងខែកក្កដា ថ្ងៃទី 11 - 14 ឆ្នាំ 2016 នៅសណ្ឋាគារ Intercontinental ក្នុងរាជធានីភ្នំពេញ។

ទទួលធ្វើជាម្ចាស់ផ្ទះដោយធនាគារជាតិនៃកម្ពុជា ព្រឹត្តិការណ៍តែមួយនេះត្រូវបានរៀបចំក្នុងភាពជាដៃគូ ជាមួយធនាគារអភិវឌ្ឍន៍អាស៊ី (ADB) និង មូលនិធិអភិវឌ្ឍន៍ទន់របស់អង្គការសហប្រជាជាតិ (UNCDF) ។

ការផ្តួចផ្តើក្នុងវិស័យឧស្សាហកម្មថ្មីដ៏មានសារៈសំខាន់នេះនឹងស្វែងរកឱកាសសម្រាប់ការសម្រេចបាននូវការដាក់បញ្ចូលប្រព័ន្ធហិរញ្ញវត្ថុឲ្យកាន់តែប្រសើរឡើង តាមរយៈការពង្រឹងកម្រិតនៃកិច្ចសហប្រតិបត្តិការ និងការ ផ្លាស់ប្តូរចំណេះដឹងរវាងប្រទេស និងស្ថាប័ននៅក្នុងមហាអនុតំបន់ទន្លេមេគង្គនៃប្រទេសកម្ពុជា សាធារណរដ្ឋ ប្រជាធិបតេយ្យប្រជាមានិតឡាវ វៀតណាម មីយ៉ាន់ម៉ា ថៃ និង សាធារណរដ្ឋប្រជាមានិតចិន (ខេត្តយូណាន និង ខេត្ត Guangxi Zhuang ជាតំបន់ស្វ័យ័ត)។

ចំណុចសំខាន់បានដោះស្រាយនៅក្នុងសិក្ខាសាលាទាំងបីថ្ងៃ និងកិច្ចប្រជុំ និងការពិភាក្សាជារួមមានបញ្ចូលទាំងតួនាទីនៃយុទ្ធសាស្រ្តអភិវឌ្ឍន៍ជាតិ ការអនុវត្តន៍ល្អនៅក្នុងបទប្បញ្ញត្តិ និងការត្រួតពិនិត្យ ការប្រើប្រាស់បច្ចេកវិទ្យា និងបណ្តាញនៃការផ្តល់ជម្រើស ការផ្តល់ការអប់រំអតិថិជន និង ការការពារអតិថិជន ការអភិវឌ្ឍន៍ហេដ្ឋារចនាសម្ព័ន្ធ ដែលនឹងអនុញ្ញាតឱ្យមានការផ្តល់ហិរញ្ញប្បទានសម្រាប់មីក្រូ សហគ្រាសខ្នាតតូច និងមធ្យម និងការបង្កើត និងការលើកកម្ពស់សកម្មភាពសំរបសំរួល និងភាពជាដៃគូរវាងវិស័យឯកជន រដ្ឋាភិបាល សហគមន៍គោលដៅ និងដៃគូអភិវឌ្ឍន៍នានា។ នឹងមានការសង្កត់ធ្ងន់នៅលើទស្សនៈយេនឌ័រ ដើម្បីចាប់យកភាពសម្បូរបែបនៃបញ្ហាដែលស្រ្តីកំពុងប្រឈមមុខក្នុងការទទួលបានសេវាហិរញ្ញវត្ថុ។

ថ្ងៃចុងក្រោយនៃវេទិកានេះនឹងសំដៅចំពោះពិព័រណ៍របស់វិនិយោគិនស្ដីពីមីក្រូហិរញ្ញវត្ថុក្នុងតំបន់ទន្លេមេគង្គ។ នេះគឺជាឱកាសគួរឱ្យរំភើបសម្រាប់គ្រឹះស្ថានមីក្រូហិរញ្ញវត្ថុ (MFI) នានា ដើម្បីជួបជាមួយអ្នកវិនិយោគមកពីទូទាំងតំបន់ និងលើកទឹកចិត្តដល់ភាពជាដៃគូ និងផ្លាស់ប្តូរបទពិសោធន៍គ្នាទៅវិញទៅមក។ របៀបវារៈនៅរសៀលថ្ងៃនឹងអាចបត់បែនបាន ដើម្បីអនុញ្ញាតឱ្យមានការកំណត់ពេលវេលាណាត់ជួបជាឯកជនរវាងអ្នកចូលរួមទាំងឡាយ ។ ពិព័រណ៍របស់វិនិយោគិនស្ដីពីមីក្រូហិរញ្ញវត្ថុក្នុងតំបន់ទន្លេមេគង្គត្រូវបានរៀបចំសម្រាប់តំណាងក្រុមហ៊ុនវិនិយោគវិស័យមីក្រូហិរញ្ញវត្ថុ ឬក្រុមហ៊ុនលក់រថយន្ត (វិនិយោគិន) និងគ្រឹះស្ថានមីក្រូហិរញ្ញវត្ថុនៅតំបន់ទន្លេមេគង្គ។

វេទិកានេះឧបត្ថម្ភដោយ Microfact, symbiotic និង Software Group ។ ដៃគូគាំទ្ររួមមានទាំងសមាគម             មីក្រូហិរញ្ញវត្ថុឡាវ សមាគមមីក្រូហិរញ្ញវត្ថុកម្ពុជា វៀតណាម ក្រុមការងារគ្រឹះស្ថានមីក្រូហិរញ្ញវត្ថុ អម្រឹត និង LOLC (កម្ពុជា) ភីអិលស៊ី ផងដែរ។

អំពីអ្នករៀបចំកម្មវិធី

ADA - សម្រាប់ 22 ឆ្នាំ មកហើយ ADA បានប្ដេជ្ញាចិត្តអភិវឌ្ឍសេវាមីក្រូហិរញ្ញវត្ថុដល់ប្រជាជនដែលមិនរាប់ចូលជាបណ្ដាញធនាគារប្រពៃណី។ គោលបំណងរបស់យើងគឺដើម្បីពង្រឹងស្វ័យភាព និងសមត្ថភាពរបស់ស្ថាប័នមីក្រូហិរញ្ញវត្ថុ សមាគម និងបណ្តាញជំនាញវិជ្ជាជីវៈ។ នៅក្នុងតំបន់អាស៊ីអាគ្នេយ៍ ADA គាំទ្រផ្នែកបច្ចេកទេស និងហិរញ្ញវត្ថុដល់បណ្តាញមីក្រូហិរញ្ញវត្ថុជាតិរបស់កម្ពុជា ឡាវ និងវៀតណាម។ ADA ក៏បានផ្តល់នូវការគាំទ្រផងដែរដល់រដ្ឋាភិបាលដើម្បីពង្រឹង និងធ្វើរចនាសម្ព័ន្ធវិស័យមីក្រូហិរញ្ញវត្ថុនៅក្នុងថ្នាក់តំបន់ និងថ្នាក់ជាតិ។ យើងបានអភិវឌ្ឍ និងផ្តល់ជូននូវផលិតផលមីក្រូហិរញ្ញវត្ថុជាក់លាក់ និងប្រកបដោយភាពច្នៃប្រឌិតដល់គ្រឹះស្ថានមីក្រូហិរញ្ញវត្ថុ និងវគ្គបណ្តុះបណ្តាលជំនាញផ្នែកមីក្រូហិរញ្ញវត្ថុនៅក្នុង និង​សម្រាប់តំបន់អាស៊ីអាគ្នេយ៍ និងគាំទ្រគ្រឹះស្ថានមីក្រូហិរញ្ញវត្ថុក្នុងការស្វែងរកមូលនិធិរបស់ពូកគេ។ លើសពីនេះទៀតយើងបានជ្រើសរើស ដើម្បីមានវត្តមាននៅក្នុងកន្លែងស្រាវជ្រាវ​ ដើម្បីប្រមើលមើលពីតម្រូវការនាពេលអនាគតរបស់ពិភពលោកមីក្រូហិរញ្ញវត្ថុ និងដើម្បីវាស់ស្ទង់អំពីផលប៉ះពាល់ដល់សង្គមចំពោះកម្មភាពរបស់យើង។ ADA ដែលមានទីស្នាក់ការកណ្តាលនៅក្នុង Luxembourg ដាក់ចេញគោលដៅរបស់ខ្លួនដោយមានការគាំទ្រពីទីចាត់ការសម្រាប់កិច្ចសហប្រតិបត្តិការអភិវឌ្ឍន៍ និងកិច្ចការមនុស្សជាតិ។ ADA ទទួលបានអត្ថប្រយោជន៍ពីការឧបត្ថម្ភរបស់ HRH Grand Duchess Maria Teresa នៃ Luxembourg ។ សម្រាប់សេចក្តីលម្អិតបន្ថែមសូមចូលទៅកាន់គេហទំព័រ៖ www.ada-microfinance.org

BWTP - គឺជាសមាគមអាស៊ាននៃវិស័យចម្រុះនៃភាគីពាក់ព័ន្ធក្នុងវិស័យមីក្រូហិរញ្ញវត្ថុបានប្តេជ្ញាកែលម្អគុណភាពជីវិតរបស់ប្រជាពលរដ្ឋក្រីក្រ តាមរយៈការលើកកម្ពស់ និងសម្រួលដល់ការទទួលបាន និងការប្រើប្រាស់ សេវាកម្មហិរញ្ញវត្ថុប្រកបដោយនិរន្តរភាព។ បណ្តាញរបស់ BWTP គឺជាបណ្ដាញមីក្រូហិរញ្ញវត្ថុធំជាងគេនៅ ក្នុងតំបន់អាស៊ីដោយមានគ្រឹះស្ថានជាសមាជិកជាង 100 កន្លែង - រួមមាន ស្ថាប័នមីក្រូហិរញ្ញវត្ថុ អង្គការមិនមែនរដ្ឋាភិបាល ធនាគារពាណិជ្ជ និងការអភិវឌ្ឍ បណ្តាញមីក្រូហិរញ្ញវត្ថុ ស្ថាប័នហិរញ្ញវត្ថុមិនមែនជាធនាគារ សហករណ៍ ធនាគារកណ្តាល និងក្រុមហ៊ុនផ្តល់សេវាកម្ម។ សម្រាប់សេចក្តីលម្អិតបន្ថែមសូមចូលទៅកាន់គេទទំព័រ www.bwtp.org

FDC - មូលនិធិសម្រាប់កិច្ចសហប្រតិបត្តិការអភិវឌ្ឍន៍គឺជាមូលនិធិអូស្រ្តាលីឯករាជ្យដែលរួមចំណែកកសាង វិបុលភាពដាច់ដោយឡែកនៅក្នុងប្រទេសកំពុងអភិវឌ្ឍន៍នៅតំបន់អាស៊ីប៉ាស៊ីហ្វិក តាមរយៈការបន្តគំនិតផ្តួចផ្តើដែលកាត់បន្ថយភាពក្រីក្រ និងលើកកម្ពស់កំណើនសមភាព។ យើងសម្រេចបាននេះ ដោយការសិក្សាស្រាវជ្រាវ អនុវត្តសាកល្បង ការលើកកម្ពស់ដល់គំនិតផ្តួចផ្តើមអភិវឌ្ឍន៍ ដែលផ្អែកលើទីផ្សារ និងប្រកបដោយភាពច្នៃប្រឌិត ដោយផ្តោតលើចំណេះដឹង ជំនាញសមូហភាព និងធនធានរបស់អង្គការមកពីវិស័យចំរុះ​ ទាំងសាធារណៈ ឯកជន អង្គការមិនមែនរដ្ឋាភិបាល និងវិស័យអប់រំ។ FDC បង្កើតឡើងនៅក្នុងឆ្នាំ 1990 ដោយមានការិយាល័យកណ្តាលរបស់ខ្លួននៅក្នុងទីក្រុង Brisbane និងមានការិយាល័យប្រចាំតំបន់ ប៉ាស៊ីហ្វិចនៅកោះហ្វីជី ៕