(អាមេរិក)៖ Rory Feek តារាចម្រៀងអាមេរិក មានគម្រោងចំណាយពេល ចុងក្រោយរបស់គាត់ ជាមួយប្រពន្ធជាទីស្រឡាញ់ ដែលជិតដល់ថ្ងៃអវសាន្តជីវិតទៅហើ យ សម្រាប់ឱកាសបុណ្យ នៃក្តីស្រឡាញ់ថ្ងៃទី១៤ កុម្ភៈ ឆ្នាំ២០១៦នេះ បើទោះជានាងមិនអាចធ្វើអ្វីបាន ក្រៅពីដេកលើគ្រែក៏ដោយ។
តារាស្រីវ័យ៤០ឆ្នាំនាង Joey Feek បានតស៊ូ នឹងជំងឺមហារីកដ៏កាចសាហាវ ក្នុងជីវិតអស់រយៈពេលដ៏យូរមកហើយ តែវេលាចុងក្រោយនេះ Rory Feek ដែលជាស្វាមីបាននិយាយថា គាត់នឹង ចំណាយពេល ប្រារព្ធបុណ្យក្តីស្រលាញ់ ១៤កុម្ភៈនេះ ជាមួយប្រពន្ធ ទោះបីនាងមិនអាចអង្គុយបរិភោគបាយ និងស្តាប់តន្ត្រីដ៏រ៉ូមែនទិក ជាមួយគ្នាបានក៏ដោយ។
Joey Feek អាចសង្ឃឹមរស់ត្រឹមតែ ពីរខែទៀតប៉ុណ្ណោះ ព្រោះតែជំងឺមហារីកបានឈានដល់ ដំណាក់កាលធ្ងន់ធ្ងរទៅហើយ ដំណឹងនេះ បានធ្វើឲ្យមហាជន ដែលជាអ្នកគាំទ្រតារាទាំងពីរ ពិតជារន្ធត់ចិត្តណាស់៕
ផ្តល់សិទ្ធដោយ ៖ ហ្វ្រេសញូវអាស៊ី