បន្ទាយមានជ័យ ៖ អធិការស្រុកភ្នំស្រុក លោក ស៊ី ឌី បានឲ្យដឹងនៅថ្ងៃទី២៧ ខែសីហា ឆ្នាំ២០១៣
នេះថា ស្ត្រីម្នាក់ និងប្រុសស្នេហ៍ របស់ខ្លួន ត្រូវប្តីជនជាតិថៃកាប់ បណ្តាលឲ្យរបួសយ៉ាងធ្ងន់ធ្ងរទាំង
២នាក់ ខណៈ កំពុងអង្គុយកៀកកើយគ្នា មើលទូរទស្សន៍នៅលើផ្ទះតែ ២នាក់ ។
លោកបានបន្តថា ស្រី្តរងគ្រោះមានឈ្មោះ ភិញ ប៉ែង អាយុ ៤៣ឆ្នាំ រស់នៅភូមិស្វាយស ឃុំពន្លៃ
ស្រុកភ្នំ ស្រុក រីឯជនរងគ្រោះម្នាក់ទៀត ឈ្មោះ ហួក ម៉ៅ ភេទប្រុស អាយុ ៤៨ឆ្នាំ រស់នៅភូមិចក
ឃុំរហាល ស្រុកព្រះនេត្រព្រះ ខេត្តបន្ទាយមានជ័យមានមុខរបរជាអ្នកដើរទិញឆ្កែយកទៅកាប់លក់
និងជាប្រុសស្នេហ៍ស្ត្រីខាងលើ ។
លោក ស៊ី ឌី បានបញ្ជាក់ថា មុនពេលកើតហេតុ កាលពីថ្ងៃទី២២ ខែសីហា ឆ្នាំ២០១៣ កន្លងទៅ
ស្រ្តីឈ្មោះ ភិញ ប៉ែង នេះបានសុំលាប្តីថៃ នៅខេត្តស្រះកែវ មកលេងនៅផ្ទះនៅស្រុកកំណើត ក្នុង
ប្រទេសកម្ពុជា ដោយបាត់យូរមិនឃើញត្រលប់ទៅវិញប្តីថៃឈ្មោះអឿប អាយុ៦០ឆ្នាំ បានមកតាម
គាប់ជួនឃើញប្រពន្ធរបស់ខ្លួនកំពុងកៀកកើយគ្នាមើលទូរទស្សន៍លើផ្ទះទប់កំហឹងមិនបានក៏ទាញ
កាំបិតខ្វែវ ឡើងទៅ កាប់ទាំង២នាក់ បណ្តាលឲ្យរបួសដាច់ដៃដាច់ជើង ខ្លះបែកក្បាល រួចជន
សង្ស័យបានទម្លាក់កាំបិតចោល រួចរត់គេចខ្លួន ទៅប្រទេសថៃវិញបាត់ស្រមោល។
បច្ចប្បន្ន ជនរងគ្រោះទាំង ២នាក់ កំពុងសម្រាកព្យាបាល នៅមន្ទីរពេទ្យ។ សមត្ថកិច្ច កំពុងមាន
ចំណាត់ការ លើករណីនេះ៕
ផ្តល់សិទ្ធិដោយ៖ ដើមអម្ពិល