កូរ៉េ៖ តារាចម្រៀងស្រី ដែលលេចធ្លោ ជាងគេ នៅកូរ៉េខាងត្បូង កញ្ញា CL កំពុងតែបញ្ចប់ អាល់ប៊ុមទោល របស់នាង នៅអាមេរិក ហើយថ្មីៗនេះ ថែមទាំងមានដំណឹងថា នាងនឹងសហការជាក្រុម ចម្រៀងអាមេរិក ដ៏ល្បីល្បាញ Black Eyed Peas ។
តាមព័ត៌មានពីកាសែតកូរ៉េ Allkpop បានឲ្យដឹងនៅថ្ងៃទី៤ ខែកុម្ភៈឆ្នាំ២០១៥នេះថា ក្រុមចម្រៀងអាមេរិក ដ៏ល្បីល្បាញ Black Eyed Peas នឹងសហការជាមួយ សមាជិករបស់2NE1 តារាវ័យ ២៣ឆ្នាំ កញ្ញា CL សម្រាប់អាល់ប៊ុមថ្មីទី២០ របស់ខ្លួន ដោយសារតែសម្ថភាព ដ៏អស្ចារ្យរបស់នាង ។
គេហទំព័រតន្ត្រីអាមេរិក Pop Dust ក៏បានឲ្យដឹងដែរថា Fergie និង will.i.am សមាជិក របស់ Black Eyed Peas បាននិយាយថា ខ្លួននឹងផ្តល់ ឱកាសល្អនេះឲ្យ CL សម្រាប់អាល់ប៊ុថ្មី ។
នៅក្នុង tweet តារា Rap ដ៏ល្បីល្បាញ will.i.am ក៏បាននិយាយដែរថា “សម្រាប់អាល់ប៊ុថ្មី ទី២០ របស់ Black Eyed Peas នឹងមានការចូលរួម ពីតារាកូរ៉េCL ដែលនាងបាន ឆ្លើយរួចហើយ ថាយល់ព្រម ” ហើយដំណឹងនេះ ធ្វើឲ្យអ្នកគាំទ្រស្ទើរ ទូទាំងពិភពលោក កាន់តែចាប់អារម្មណ៍ លើCL ៕
ផ្តល់សិទ្ធដោយ ៖ ដើមអម្ពិល