រឿងដកកាំភ្លើងគំរាមអ្នកកាសែត៖ ម្ចាស់ដើមរថយន្ត Mercedes បានលក់រថយន្តឱ្យទៅបុគ្គលម្នាក់ទៀត ជាមន្រ្តី
(ភ្នំពេញ)៖ រឿងអ្នកបើករថយន្ត Mercedes ពាក់ស្លាកលេខ ភ្នំពេញ 2M-9199 ដកកាំភ្លើងខ្លីគំរាមបាញ់អ្នកកាសែត នៅខាងមុខសាលាក្រុង នៅម៉ោង ៨៖៤៥នាទី យប់ថ្ងៃទី២០ ខែធ្នូ ឆ្នាំ២០១៥ ដែលដំបូងឡើយត្រូវបានគេទម្លាយថាម្ចាស់រថយន្តនេះ ឈ្មោះ កែវ រតនា នោះ ឥឡូវនេះក៏ធ្លាយចេញនូវឯកសារទិញដូរមួយទៀតដែលបញ្ជាក់ថា លោក កែវ រតនា បានលក់រថយន្តនេះទៅឱ្យមន្រ្តីអាវុធហត្ថម្នាក់ តាំងពីខែឧសភា ឆ្នាំ២០១៤ មកម្ល៉េះ ។
តាមរយៈកិច្ចសន្យាទិញ-លក់រថយន្ត របស់ភាគីទាំងពីរ ដែលធ្វើឡើងកាលពីថ្ងៃទី២០ ខែឧសភា ឆ្នាំ២០១៥ បានឱ្យដឹងថា ឈ្មោះ កែវ រតនា បានលក់រថយន្ត Mercedes ពណ៌ខ្មៅ ពាក់ស្លាកលេខ ភ្នំពេញ 2M-9199 ទៅឱ្យឈ្មោះ សរ ប៊ុនគីម ភេទប្រុស អាយុ៤០ឆ្នាំ ដែលមានមុខរបរជាមន្រ្តីអាវុធហត្ថ រស់នៅភូមិទួលសង្កែ សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។
សូមជំរាបថា នៅម៉ោងប្រមាណ ៨៖៤៥នាទី យប់ថ្ងៃទី២០ ខែធ្នូ ឆ្នាំ២០១៥ មានករណីអ្នកបើករថយន្ត Mercedes ពណ៌ខ្មៅមួយគ្រឿង ពាក់ស្លាក 2M-9199 ដកកាំភ្លើងម៉ាកកា៥៩ គំរាមបាញ់ទៅលើអ្នកកាសែត នៅមុខសាលារាជធានីភ្នំពេញ ដោយសាររថយន្តរបស់ក្រុមអ្នកកាសែតជើងចាស់ គេចម៉ូតូដែលវ៉ាឡានក្រុង ហើយខិតទៅជិតឡាន Mercedes របស់បុរសវ័យ៤០ឆ្នាំនោះ។ នេះបើតាម អ្នកកាសែតជើងចាស់ដែលរងគ្រោះដោយការគំរាមបាញ់នេះ។
ក្រោយមានហេតុការគំរាមបាញ់អ្នកកាសែត លោកទេសរដ្ឋមន្រ្តី ឱម យ៉ិនទៀង ប្រធានអង្គភាពប្រឆាំងអំពើពុករលួយ បានជួយអន្តរាគមន៍ ដោយបង្ហាញពីអត្តសញ្ញាណម្ចាស់ដើម រហូតឈានដល់ធ្លាយលិខិតទិញលក់រថយន្តនេះតែម្តង៕
ផ្តល់សិទ្ធដោយ ៖ ហ្រ្វេសញូវអាស៊ី
- ឃាត់ខ្លួនប្រធានសាខាធនាគារអេស៉ីលីដា ពាក់ព័ន្ធករណីរំលោភសេចក្តីទុកចិត្ត មានទឹកប្រាក់ខ្ទង់លានដុល្លារ! (25/01/2017 08:58:00)
- ទស្សនារូបភាពភពផែនដី នាពេលយប់ ថតចេញពីផ្កាយរណប នៅទីអវកាស (02/12/2016 15:50:00)
- ទំលាប់សាមញ្ញ៣ ដែលអាចបំផ្លាញក្រលៀនរបស់អ្នកយ៉ាងធ្ងន់ធ្ងរ (28/09/2016 15:47:00)
- បញ្ជីរាយព្រះនាម ព្រះមហាក្សត្រខ្មែរ សោយរាជ្យតាំងពីសតវត្សទី១នៃគ្រឹស្ដសករាជ រហូតសព្វថ្ងៃ (12/04/2016 16:30:00)
- ទំលាប់សាមញ្ញ៣ ដែលអាចបំផ្លាញក្រលៀនរបស់អ្នកយ៉ាងធ្ងន់ធ្ងរ (12/04/2016 14:38:00)
- ប្រើប្រាស់ស្វាយទុំ ដើម្បីបំបាត់មុខមុន (12/04/2016 14:37:00)
- BREAKING NEWS: អគ្គិភ័យកំពុងឆេះកន្លែងជួសជុលរថយន្តមួយកន្លែង នៅខណ្ឌទួលគោក (18/03/2016 15:39:00)
- ក្រសួងការបរទេសអំពាវនាវយុវវ័យខ្មែរ ដាក់ពាក្យប្រកួតប្រជែងចូលបម្រើការងារនៅអគ្គលេខាធិការដ្ឋាន អ.ស.ប (18/03/2016 13:36:00)
- អាជ្ញាធរខណ្ឌជ្រោយចង្វារ ប្រកាសកាត់ដើមត្រែង និងដុតបំផ្លាញចោល សូមឲ្យប្រជាពលរដ្ឋ កុំភ្ញាក់ផ្អើល (18/03/2016 09:56:00)
- BREAKING NEWS: សម្តេចតេជោ តែងតាំងអភិបាលខេត្ត៤៖ សួន បវរ អភិបាលខេត្តបន្ទាយមានជ័យ, វ៉ែ សំណាង កំពង់ស្ពឺ (18/03/2016 09:52:00)