Ramsey ពិតជាមានមោទនភាពណាស់បន្ទាប់ពីបង្ហាញខ្លួនជាលើកដំបូងក្នុងឈុត សេះបង្កង់ថ្មី Juventus
កីឡាករចំណូលថ្មីរបស់ Juventus លោក Aaron Ramsey ដែលជាខ្សែបម្រើកណ្ដាល បានយកឈ្នះកាលពីថ្ងៃសៅរ៍កន្លងទៅ លើក្រុម Triestina ក្នុងជំនួបមិត្តភាព។
Ramsey បានបង្ហាញខ្លួនជាលើកដំបូងអោយក្រុម សេះបង្កង់ Juventus ក្នុងក្របខណ្ឌលីក កំពូល Serie A អ៊ីតាលី ដែលផ្លាស់ប្ដូរពី ក្រុមកាំភ្លើងធំ Arsenal បន្ទាប់ពីចប់កុងត្រា តាំងពីចុងរដូវកាល ២០១៨-១៩ - ជាខ្សែបម្រើកណ្ដាល សញ្ជាតិ Wales ដែលបានដូរចូលរួចយកឈ្នះ កាលពីថ្ងៃសៅរ៍ ក្នុងលទ្ធផល ១-០។
កីឡាករវ័យ ២៨ រូបនេះត្រូវរងរបួសត្រង់សរសៃពួរក្នុងខែមេសាកន្លងទៅ, ប៉ុន្តែ Ramsey បានប្ដូរជាមួយនឹង Federico Bernardeschi ២០នាទី មុនចប់ការប្រកួតក្នុងពហុកីឡដ្ឋាន Stadio Nereo Rocco,។
Ramsey បាននិយាយ៖ “ខ្ញុំមានអារម្មណ៍ល្អ ខ្ញុំបានជាសះស្បើយ ហើយសង្ឃឹមថា ខ្ញុំនឹងរឹងមាំ និងមានសុខភាពល្អ ព្រមទាំងអាចជួយក្រុមឱ្យអស់ពីសមត្ថភាព” ។
កីឡាកររូបនេះបន្ថែមថា៖ “ខ្ញុំពិតជារំភើបណាស់ ដែលបានក្លាយជាផ្នែកមួយ ហើយទទួលបានបទពិសោធន៍ក្នុងលីកកំពូលអ៊ីតាលី។ ពួកយើងនឹងចាប់ផ្ដើម នៅថ្ងៃសៅរ៍នេះ ដូច្នេះហើយខ្ញុំទន្ទឹងរង់ចាំវា ហើយលេងក្នុងប្រកួតដំបូងរបស់ខ្ញុំ ខ្ញុំពិតជាចង់អោយថ្ងៃនោះមកដល់ឆាប់ៗ។
“នេះជាពេលវេលាដ៏អស្ចារ្យសម្រាប់ខ្ញុំ ដែលមានឱកាសពាក់អាវដ៏ល្បី។ ខ្ញុំសប្បាយចិត្ត ដែលខ្ញុំបានលេងប៉ុន្មាននាទីក្នុងទីលានយប់នេះ។ ខ្ញុំខិតខំប្រឹងប្រែង ហ្វឹកហាត់ដើម្បីឲ្យសុំាឡើងវិញ ហើយសង្ឃឹមថា ខ្ញុំនឹងមានសុខភាពល្អ។ វានឹងចំណាយពេលពីរបីប្រកួតដើម្បីទៅដល់ទីនោះ”។
“ខ្ញុំគិតថា ការប្រកួតមុនបើករដូវកាលពិតជាល្អ។ យើងមានគ្រូបង្វឹកថ្មី ដែលបានផ្តល់គំនិតផ្ទាល់ខ្លួនដល់យើង។ យើងបានសម្របខ្លួនទៅនឹងរឿងនោះដែរ។ ខ្ញុំគិតថា ក្រុមយើងមានទម្រង់ល្អ ហើយសង្ឃឹមថាយើងអាចមានរដូវកាលជោគជ័យជាមួយគ្នា៕
ប្រែសម្រួល៖ ស៊ីថា
កីឡា ដែលមើលច្រើន
