(ភ្នំពេញ)៖ កំពូលតារាចម្រៀងស្រីពីររូប របស់ផលិតកម្មហង្សមាស ទើបត្រូវបានអ្នកលេងហ្វេសប៊ុក យកទៅប្រៀបធៀបស្ទង់មើលមតិ រកសម្លេងគាំទ្រថា តើមួយណានៅរក្សាបានប្រជាប្រិយភាពខ្លាំងជាងគេ រហូតបង្កជម្លោះផ្អើលពេញហ្វេសប៊ុក គឺអ្នកនាង ពេជ្រ សោភា និង ឱក សុគន្ធកញ្ញា ថ្មីៗនេះ ស្រាប់តែមានប្រភពទម្លាយពត៌មានថា អ្នកទាំងពីរបានរួមដៃគ្នាត្រៀមចេញលក់បទ Original Song លើដំបូងនៅលើទីផ្សារ។
តារាស្រីអ្នកនាង ពេជ្រ សោភា និងកញ្ញា ឱក សុគន្ធកញ្ញា កាលពីប៉ុន្មានថ្ងៃមុននេះ បានធ្វើឲ្យ Fan ជាច្រើននៅលើបណ្តាញសង្គមយក្សហ្វេសប៊ុកឈ្លោះ ប្រកែកពាក្យសម្តីគ្នា បែកផ្សែង ព្រោះតែរឿងប្រៀបធៀប ស្ទង់ចង់ដឹងមតិ នៃការគាំទ្រពីទស្សនិកជន។ ប៉ុន្តែផ្ទុយពីនេះបែរ ជាធ្វើឲ្យអ្នកគាំទ្ររបស់ពួកគេផ្ទុះជម្លោះ ដាក់គ្នារហូតមានការចេញមុខ ទទួចស្នើ សុំពីតារាចម្រៀង ពេជ្រ សោភា ដើម្បីឲ្យបញ្ឈប់នូវរាល់សកម្មភាព បែបនេះទៀត។
ខណៈដែលរឿងរ៉ាវខាងលើនេះ ទើបតែត្រូវបានបញ្ចប់នោះ ស្រាប់តែមានប្រភពពីចង្កោមអ្នកលេងម្នាក់ បានបង្ហើបថា ពេជ្រ សោភា និង ឱក សុគន្ធកញ្ញា បានបើកកិច្ចហការរួមដៃគ្នាផ្តើមច្រៀងបទ Original Song ដែលកំពុងតែត្រៀមចេញលក់ នាពេលឆាប់ៗខាងមុខនេះ ។ រីឯបទចម្រៀងដំបូង ដែលពួកគេរួមដៃគ្នាច្រៀងនោះ មិនទាន់ត្រូវបានបញ្ជាក់ប្រាប់ច្បាស់ ពីចំណងជើងឡើយ។
នៅលើបណ្តាញសង្គមហ្វេសប៊ុក បុរសម្នាក់បានសរសេរបង្ហោះ ជាសាធារណៈថា «អ្វីដែលគ្រប់គ្នាទន្ទឹងរង់ចាំ បានដល់ហើយ Queen នៃពិភពចម្រៀងពីររូប ពេជ្រសោភា និង សុគន្ធកញា ចាប់ដៃគ្នាបទ Original Song លើកដំបូងជាមួយគ្នា ឭថាបទនឹងល្អខ្លាំងណាស់ ឆ្នាំនេះរាំបែកផ្សែង ទៀតមិនខាន គាំទ្រពួកគាត់ទាំងពីរអ្នក Share មួយបានអត់ Caoch ដ៏ស្រស់ស្អាត របស់ The voice Cambodia ច្រៀងរួមគ្នាហើយ ជយោ.!!»។
ក្រោយពីមានការសរសេរបង្ហោះ បែបនេះគេសង្កេតឃើញ មានទស្សនិកជនជាច្រើន បានសម្តែងអារម្មណ៍គាំទ្រ និងអន្ទះសារចង់ដឹងថា បទចម្រៀងOriginal Song ដែល ពេជ្រ សោភា និង ឱក សុគន្ធកញ្ញា រួមដៃគ្នាច្រៀងជាបទអ្វី តើពីរោះយ៉ាងណាដែរ ? ជាចម្លើយមិនទាន់ត្រូវបានបញ្ជាក់នៅឡើយទេ ខណៈតារាចម្រៀងស្រីទាំងពីរដួង អ្នកនាង ពេជ្រ សោភា និងឱក សុគន្ធកញ្ញា ក៏មិនទាន់ត្រូវបានចេញមុខបកស្រាយ។ ដូច្នេះមានតែរង់ចាំអ៊ុតមើល ទាំងអស់គ្នាថា តើការរួមដៃគ្នាច្រៀង Original Song ពីសំណាក់ពេជ្រ សោភា និង ឱក សុគន្ធកញ្ញា មានលក្ខណៈពិសេស ពីរោះយ៉ាងណានោះ៕