កីឡាអន្តរជាតិ
រយៈពេល ១១នាទី Lukaku រកបាន៣គ្រាប់ ជួយ Everton បំបាក់ Sunderland ៣-០ យប់មិញ (Video Inside)
(ក្រុងឡុងដ៍)៖ កីឡាករខ្សែប្រយុទ្ធជួរមុខ Romelu Lukaku បានរយៈពេលត្រឹមតែ ១១នាទីប៉ុណ្ណោះរកបាន ៣គ្រាប់ម្នាក់ឯង (ហ៊ែកទ្រីក) ជួយក្រុមភ្ញៀវ Everton បំបាក់ម្ចាស់ផ្ទះ Sunderland បញ្ចប់សប្តាហ៍ទី៤ នៃ Premier League យប់មិញនេះ។
ការប្រកួតដែលបានធ្វើឡើងនៅពហុកីឡដ្ឋាន Stadium of Light ក្រុមទូកក្តោងបន្តធ្វើបានល្អដដែលនៅទឹកដីក្រៅផ្ទះ ជាមួយនឹងការរកបាន ៣ពិន្ទុដោយស្រួលនៅក្នុងផ្ទះរបស់ក្រុមឈរក្បែរបាតតារាងឆ្មាខ្មៅ Sunderland និងបិទជាប់មិន របូតសូម្បី១គ្រាប់ឡើយ។
គ្រាប់បាល់ហ៊ែកទ្រីករបស់កីឡាករជនជាតិប៊ែលហ្ស៊ិក Romelu Lukaku ធ្វើសម្រេចបាននៅនាទីទី៦០ ៦៨ និងនាទីទី៧១ ដែលជាកីឡាករទី១ ដែលរកបាន៣គ្រាប់ក្នុង១ប្រកួតប្រចាំ៤សប្តាហ៍របស់ Premier League នៃរដូវកាលថ្មីឆ្នាំ២០១៦-២០១៧នេះ៕
ផ្តល់សិទ្ធដោយ ៖ ខ្មែរថកឃីង
កីឡាអន្តរជាតិ ដែលមើលច្រើន
