ខឹងសុំគេជិះដោយសារមិនបាន អ្នកទេសចរម្នាក់ ផ្ទុះកំហឹងរើសដុំថ្មគប់អ្នកបើកបរតាម
(ញូវហ្សឺលែន)៖ អ្នកទេសចរម្នាក់នៅប្រទេសញូវហ្សឺលែន ត្រូវបានសមត្ថកិច្ចចាប់ខ្លួនបន្ទាប់ពីគេបានវាយបំផ្លាញស្លាកសញ្ញាចរាចរណ៍ នៅតាមដងផ្លូវព្រមទាំងគប់ដុំថ្មទៅលើអ្នកបើកបរផ្សេងទៀត ព្រោះតែខ្លួនមិនអាចសុំគេជិះដោយសារចេញទៅក្រៅក្រុងបាន។
ជនបង្កហេតុអាយុ២៧ឆ្នាំឈ្មោះ Cedric Claude Rene Rault-Verpre រស់នៅទឹកដីបារាំង ពេលនេះកំពុងប្រឈមនឹងការជាប់គុក៣ខែ ចំពោះទង្វើដែលគេបានបង្កឡើង ហើយរឿងនេះត្រូវបានប៉ូលីសនិយាយថា ដើមហេតុដំបូងគឺ Rault-Verpre បានចំណាយពេលអស់៤ថ្ងៃហើយ ដើម្បីរង់ចាំសុំអ្នកដំណើរបើកបរតាមផ្លូវធ្វើដំណើរទៅកាន់ Punakaiki តែគ្មានអ្នកឲ្យដោយសារទេទើបគេផ្ទុះកំហឹនៅអង្គុយសំកុកលើផ្លូវនោះទាញស្លាកសញ្ញាគ្រវែងចោលនិងរើសដុំថ្មគប់លើអ្នកដំណើរណាដែលមិនព្រមឲ្យខ្លួនសុំជិះដោយសារ។
មួយសន្ទុះក្រោយ ប៉ូលីសមកដល់ ទើបឃាត់ខ្លួនជននេះហើយគេនិយាយថា មិនដែលជួបប្រជាជនណាចិត្តអាក្រក់ ដូចនៅញូវហ្សឺលែននេះទេ ធ្លាប់តែឃើញនៅអាមេរិក៕
ផ្តល់សិទ្ធដោយ ៖ ខ្មែរថកឃីង
ប្លែកៗ ដែលមើលច្រើន
